ಉತ್ತರ ಕರ್ನಾಟಕ ಭಾಗದ ಪ್ರಯಾಣಿಕರ ಬಹುಕಾಲದ ಬೇಡಿಕೆ ಕೊನೆಗೂ ಈಡೇರಿದೆ. ವಾಯವ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆಯು (NWKRTC) ಐಷಾರಾಮಿ ಪ್ರಯಾಣಕ್ಕಾಗಿ ರಾಜರಥ (Rajaratha) ಎಂಬ ಅತ್ಯಾಧುನಿಕ ಎಸಿ ಸ್ಲೀಪರ್ ಬಸ್ಗಳನ್ನು ರಸ್ತೆಗಿಳಿಸಿದೆ. ಬೆಳಗಾವಿ ಮತ್ತು ಹುಬ್ಬಳ್ಳಿಯಿಂದ ಹೈದರಾಬಾದ್ಗೆ ಈ ಬಸ್ಗಳು ಸಂಚರಿಸಲಿದ್ದು, ಖಾಸಗಿ ಬಸ್ಗಳಿಗೆ ಪೈಪೋಟಿ ನೀಡಲಿವೆ.
ಪ್ರಮುಖ ಮಾರ್ಗಗಳು ಮತ್ತು ವೇಳಾಪಟ್ಟಿ:
ಬೆಳಗಾವಿ – ಹೈದರಾಬಾದ್ (Via ಬಾಗಲಕೋಟೆ, ಲಿಂಗಸೂರು, ರಾಯಚೂರು)
ಹೊರಡುವ ಸಮಯ: ಬೆಳಗಾವಿಯಿಂದ ಸಂಜೆ 7:29 | ಹೈದರಾಬಾದ್ನಿಂದ ಸಂಜೆ 7:30.
ಪ್ರಯಾಣ ದರ: ₹1,683.
ಬುಕ್ಕಿಂಗ್ ಸಂಖ್ಯೆ: 77609 91635, 77609 91625.
ಹುಬ್ಬಳ್ಳಿ – ಹೈದರಾಬಾದ್ (Via ಗದಗ, ಕೊಪ್ಪಳ, ಹೊಸಪೇಟೆ, ಬಳ್ಳಾರಿ)
ಹೊರಡುವ ಸಮಯ: ಹುಬ್ಬಳ್ಳಿಯಿಂದ ಸಂಜೆ 7:34 | ಹೈದರಾಬಾದ್ನಿಂದ ರಾತ್ರಿ 9:16.
ಪ್ರಯಾಣ ದರ: ₹1,602.
ಬುಕ್ಕಿಂಗ್ ಸಂಖ್ಯೆ: 77609 91682, 77609 91674.
ರಾಜರಥದ ವಿಶೇಷತೆಗಳೇನು?
ಐಷಾರಾಮಿ ಸೌಲಭ್ಯ: ಸಂಪೂರ್ಣ ಎಸಿ (AC) ಹಾಗೂ ಆರಾಮದಾಯಕ ಸ್ಲೀಪರ್ ಸೀಟುಗಳು.
ಹೈಟೆಕ್ ಸೌಕರ್ಯ: ಮೊಬೈಲ್ ಚಾರ್ಜಿಂಗ್ ಪಾಯಿಂಟ್, ಪರ್ಸನಲ್ ರೀಡಿಂಗ್ ಲೈಟ್ ಮತ್ತು ಹೆಚ್ಚಿನ ಲಗೇಜ್ ಸ್ಥಳಾವಕಾಶ.
ಸುರಕ್ಷತೆ: ಅಗ್ನಿಶಾಮಕ ಉಪಕರಣ ಹಾಗೂ ಸುಧಾರಿತ ತುರ್ತು ನಿರ್ಗಮನ ವ್ಯವಸ್ಥೆ.
6 ಜಿಲ್ಲೆಗಳಿಗೆ ನೇರ ಲಾಭ:
ಈ ನೂತನ ಬಸ್ ಸೇವೆಯಿಂದ ಧಾರವಾಡ, ಗದಗ, ಕೊಪ್ಪಳ, ಬಳ್ಳಾರಿ, ಬೆಳಗಾವಿ ಮತ್ತು ಬಾಗಲಕೋಟೆ ಜಿಲ್ಲೆಗಳ ವ್ಯಾಪಾರಿಗಳು, ಐಟಿ ಉದ್ಯೋಗಿಗಳು ಮತ್ತು ಪ್ರವಾಸಿಗರಿಗೆ ಅತ್ಯಂತ ಅನುಕೂಲವಾಗಲಿದೆ.
