ಇಂಟರ್‌ನೆಟ್‌ನ ಹೊಸ ‘ನ್ಯಾಷನಲ್ ಕ್ರಷ್’ ತಾನ್ಯಾ ಮಿಶ್ರಾ ಯಾರು ? ಅವರ ಹಿನ್ನೆಲೆ ಏನು..?

ಸಾಮಾಜಿಕ ಜಾಲತಾಣದಲ್ಲಿ ಗ್ಲಾಮರಸ್ ಫೋಟೋಗಳು ಹಾಗೂ ಫ್ಯಾಷನ್ ಪೋಸ್ಟ್‌ಗಳ ಮೂಲಕ ಗಮನ ಸೆಳೆಯುತ್ತಿರುವ ಮಾಡೆಲ್ ಹಾಗೂ ನಟಿ ತಾನ್ಯಾ ಮಿಶ್ರಾ ಸದ್ಯ ಭಾರೀ ಚರ್ಚೆಯಲ್ಲಿದ್ದಾರೆ. ಅಭಿಮಾನಿಗಳು ಅವರನ್ನು ಭಾರತದ ಹೊಸ ‘ನ್ಯಾಷನಲ್ ಕ್ರಷ್’ ಎಂದು ಕರೆಯುತ್ತಿದ್ದಾರೆ.

ಯೆಸ್, ಸಾಮಾಜಿಕ ಜಾಲತಾಣದಲ್ಲಿ ತಮ್ಮ ಗ್ಲಾಮರಸ್ ಫೋಟೋಗಳು ಹಾಗೂ ಫ್ಯಾಷನ್ ಪೋಸ್ಟ್‌ಗಳಿಂದ ಭಾರೀ ಗಮನ ಸೆಳೆಯುತ್ತಿರುವ ಮಾಡೆಲ್-ನಟಿ ತಾನ್ಯಾ ಮಿಶ್ರಾ ಸದ್ಯ ‘ನ್ಯಾಷನಲ್ ಕ್ರಷ್’ ಎಂಬ ಟ್ಯಾಗ್‌ನೊಂದಿಗೆ ವೈರಲ್ ಆಗಿದ್ದಾರೆ. ಮಾಡೆಲಿಂಗ್‌ನಿಂದ ಆರಂಭಿಸಿ ಸಿನಿಮಾ, ವೆಬ್ ಸೀರಿಸ್ ಹಾಗೂ ಮ್ಯೂಸಿಕ್ ವಿಡಿಯೋಗಳವರೆಗೆ ತಮ್ಮದೇ ಗುರುತು ಮೂಡಿಸಿರುವ ತಾನ್ಯಾ ಅವರ ಹಿನ್ನೆಲೆ, ಶಿಕ್ಷಣ ಮತ್ತು ವೃತ್ತಿಜೀವನ ಇದೀಗ ಅಭಿಮಾನಿಗಳ ಕುತೂಹಲಕ್ಕೆ ಕಾರಣವಾಗಿದೆ.

1999ರ ಜನವರಿ 31ರಂದು ಬಿಹಾರದ ಗಯಾದಲ್ಲಿ ಜನಿಸಿದ ತಾನ್ಯಾ ಮಿಶ್ರಾ ನಂತರ ಮನರಂಜನಾ ಕ್ಷೇತ್ರದಲ್ಲಿ ವೃತ್ತಿ ರೂಪಿಸಿಕೊಳ್ಳಲು ಮುಂಬೈಗೆ ತೆರಳಿದರು. ಅವರು ಮಗಧ ವಿಶ್ವವಿದ್ಯಾಲಯದಿಂದ ಬಿ.ಕಾಂ ಪದವಿ ಪಡೆದಿದ್ದಾರೆ.

ಮಾಡೆಲಿಂಗ್ ಮೂಲಕ ವೃತ್ತಿಜೀವನ ಆರಂಭಿಸಿದ ತಾನ್ಯಾ, ಫ್ಯಾಷನ್ ಶೋಗಳು, ರ‍್ಯಾಂಪ್ ವಾಕ್ ಮತ್ತು ಮ್ಯಾಗಜಿನ್ ಫೋಟೋಶೂಟ್‌ಗಳಲ್ಲಿ ಕಾಣಿಸಿಕೊಂಡಿದ್ದಾರೆ. Femina, Filmfare ಮತ್ತು Grazia ಸೇರಿದಂತೆ ಫ್ಯಾಷನ್ ಹಾಗೂ ಮನರಂಜನಾ ನಿಯತಕಾಲಿಕೆಗಳಲ್ಲೂ ಅವರ ಕೆಲಸ ಕಾಣಿಸಿಕೊಂಡಿದೆ.

ಮಾಡೆಲಿಂಗ್‌ನಿಂದ ನಟನೆಯತ್ತ

ಮಾಡೆಲಿಂಗ್ ಬಳಿಕ ತಾನ್ಯಾ ನಟನಾ ಕ್ಷೇತ್ರಕ್ಕೂ ಕಾಲಿಟ್ಟರು. ‘Ghaznavi’ ಮತ್ತು ‘Chase’ ಸಿನಿಮಾಗಳಲ್ಲಿ ಅವರು ಅಭಿನಯಿಸಿದ್ದಾರೆ. ‘Chase’ ಚಿತ್ರದಲ್ಲಿ ಅವರು CBI ಇನ್ಸ್‌ಪೆಕ್ಟರ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಇದಲ್ಲದೆ ‘Chidiya Udd’ ವೆಬ್ ಸೀರಿಸ್‌ನಲ್ಲೂ ತಾನ್ಯಾ ನಟಿಸಿದ್ದಾರೆ. ಈ ಸೀರಿಸ್‌ನಲ್ಲಿ ಜಾಕಿ ಶ್ರಾಫ್, ಸಿಕಂದರ್ ಖೇರ್ ಮತ್ತು ಭೂಮಿಕಾ ಚಾವ್ಲಾ ಸೇರಿದಂತೆ ಹಲವು ಕಲಾವಿದರು ಇದ್ದಾರೆ.

ಮ್ಯೂಸಿಕ್ ವಿಡಿಯೋಗಳಲ್ಲೂ ಮಿಂಚಿದ್ದಾರೆ

ತಾನ್ಯಾ ಮಿಶ್ರಾ ಹಲವು ಮ್ಯೂಸಿಕ್ ವಿಡಿಯೋಗಳಲ್ಲೂ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ‘Nakhro’ ಮತ್ತು ‘Tu Mera Ho Jaeyga’ ಸೇರಿದಂತೆ ಏಳು ಮ್ಯೂಸಿಕ್ ವಿಡಿಯೋಗಳಲ್ಲಿ ಅವರು ಲೀಡ್ ನಟಿಯಾಗಿ ಕಾಣಿಸಿಕೊಂಡಿರುವುದಾಗಿ ವರದಿಗಳು ತಿಳಿಸಿವೆ.

ಬ್ಯೂಟಿ ಪೇಜಂಟ್‌ನಲ್ಲೂ ಸಾಧನೆ

ನಟನೆಯಷ್ಟೇ ಅಲ್ಲದೆ ತಾನ್ಯಾ ಬ್ಯೂಟಿ ಪೇಜಂಟ್‌ಗಳಲ್ಲೂ ಭಾಗವಹಿಸಿದ್ದಾರೆ. IAWA Miss India 2019 ಸ್ಪರ್ಧೆಯಲ್ಲಿ ಅವರು 4ನೇ ರನ್ನರ್‌ಅಪ್ ಸ್ಥಾನ ಪಡೆದಿದ್ದಾರೆ ಎಂದು ಇತ್ತೀಚಿನ ವರದಿಗಳು ತಿಳಿಸಿವೆ.

ಏಕೆ ‘ನ್ಯಾಷನಲ್ ಕ್ರಷ್’ ಎನ್ನುತ್ತಿದ್ದಾರೆ?

ತಾನ್ಯಾ ಅವರ ಗ್ಲಾಮರಸ್ ಫೋಟೋಗಳು ಮತ್ತು ಫ್ಯಾಷನ್ ಪೋಸ್ಟ್‌ಗಳು ಇತ್ತೀಚೆಗೆ ಸಾಮಾಜಿಕ ಜಾಲತಾಣದಲ್ಲಿ ಹೆಚ್ಚು ವೈರಲ್ ಆಗುತ್ತಿವೆ. ಇನ್‌ಸ್ಟಾಗ್ರಾಂನಲ್ಲಿ ಅವರಿಗೆ ಸುಮಾರು 12 ಲಕ್ಷ ಫಾಲೋವರ್ಸ್ ಇದ್ದಾರೆ ಎಂದು ವರದಿಯಾಗಿದೆ. ಇದರಿಂದಾಗಿ ಹೊಸ ಪ್ರೇಕ್ಷಕರು ಅವರ ಬಗ್ಗೆ ಹಾಗೂ ಅವರ ಹಿಂದಿನ ಸಿನಿಮಾ, ವೆಬ್ ಸೀರಿಸ್ ಮತ್ತು ಮ್ಯೂಸಿಕ್ ವಿಡಿಯೋಗಳ ಬಗ್ಗೆ ಹುಡುಕಾಟ ನಡೆಸುತ್ತಿದ್ದಾರೆ.

ಒಟ್ಟಿನಲ್ಲಿ, ಗಯಾದಿಂದ ಮುಂಬೈಗೆ ಬಂದು ಮಾಡೆಲಿಂಗ್, ಬ್ಯೂಟಿ ಪೇಜಂಟ್, ಸಿನಿಮಾ, ವೆಬ್ ಸೀರಿಸ್ ಮತ್ತು ಮ್ಯೂಸಿಕ್ ವಿಡಿಯೋಗಳ ಮೂಲಕ ಗುರುತಿಸಿಕೊಂಡಿರುವ ತಾನ್ಯಾ ಮಿಶ್ರಾ, ಇದೀಗ ಸಾಮಾಜಿಕ ಜಾಲತಾಣದ ಹೊಸ ಚರ್ಚೆಯ ಕೇಂದ್ರವಾಗಿದ್ದಾರೆ.