ಸರ್ಕಾರಿ ಉದ್ಯೋಗದಲ್ಲಿರುವ ವಧು ಬೇಕು…! ಪೋಸ್ಟರ್​ ಹಿಡಿದು ನಿಂತ ಯುವಕ

ಸಾಮಾಜಿಕ ಜಾಲತಾಣ ಎಂದರೆ ಅದು ಅತ್ಯಂತ ವಿಲಕ್ಷಣ ಮತ್ತು ಉಲ್ಲಾಸದ ವಿಡಿಯೋಗಳನ್ನು ನೋಡುವ ಸ್ಥಳವಾಗಿದೆ. ದಿನವೂ ಚಿತ್ರ-ವಿಚಿತ್ರ ವಿಡಿಯೋಗಳನ್ನು ಅದರಲ್ಲಿ ಕಾಣಬಹುದು. ಅಂಥದ್ದೇ ಒಂದು ವಿಲಕ್ಷಣ ಜಾಹೀರಾತೀಗ ವೈರಲ್​ ಆಗಿದೆ.

ಮದುವೆಗೆ ಹೆಣ್ಣು ಸಿಗುತ್ತಿಲ್ಲ ಎಂದು ಹಲವು ಗಂಡುಮಕ್ಕಳು ಗೋಳಾಡುವುದು ಇದೆ. ವಧು-ವರರ ವೇದಿಕೆಯಲ್ಲಿ ಜಾಹೀರಾತು ಕೊಡುವುದು ಇದೆ. ಆದರೆ ಇಲ್ಲೊಬ್ಬ ಯುವಕ ಮಾತ್ರ ತನಗೆ ವಧು ಬೇಕು ಎನ್ನುವ ಪೋಸ್ಟರ್​ ಹಿಡಿದು ಜನನಿಬಿಡ ಮಾರುಕಟ್ಟೆಯಲ್ಲಿ ಕಿಕ್ಕಿರಿದಿರುವ ಸಾರ್ವಜನಿಕರ ಮುಂದೆ ನಿಂತಿರುವ ವಿಡಿಯೋ ವೈರಲ್​ ಆಗಿದೆ.

ಪೋಸ್ಟರ್ ಮೇಲಿನ ಬರಹ ವಿಶಿಷ್ಟವಾಗಿದೆ. “ನನಗೆ ಮದುವೆಗೆ ಸರ್ಕಾರಿ ಕೆಲಸವಿರುವ ಹುಡುಗಿ ಬೇಕು, ನಾನು ವಧು ದಕ್ಷಿಣೆ ಕೊಡುತ್ತೇನೆ” ಎಂದು ಬರೆದುಕೊಂಡಿದ್ದಾನೆ. ಈ ವಿಡಿಯೋ ಮಧ್ಯಪ್ರದೇಶದ ಛಿಂದ್‌ವಾರಾದ್ದಾಗಿದೆ.

ಹಲವರು ಇದನ್ನು ನೋಡಿ ನಗುತ್ತಿದ್ದರೆ, ಅನೇಕ ಸಾಮಾಜಿಕ ಮಾಧ್ಯಮ ಬಳಕೆದಾರರು ವಧುದಕ್ಷಿಣೆಯನ್ನು ನೀಡುವುದಾಗಿ ಹೇಳಿದ್ದರಿಂದ ಶ್ಲಾಘನೆ ವ್ಯಕ್ತಪಡಿಸಿದ್ದಾರೆ. ಇನ್ನು ಕೆಲವರು ಪತ್ನಿಗೆ ವಧು ದಕ್ಷಿಣೆ ಕೊಟ್ಟರೆ ವಾಪಸ್​ ನಿನಗೇ ಸಿಗುತ್ತದೆ ಎನ್ನುವ ಪ್ಲ್ಯಾನಾ ಎಂದೂ ಕಾಲೆಳೆದಿದ್ದಾರೆ.

*शादी के लिये सरकारी नौकरी वाली लड़की चाहिये,दहेज़ मैं दे दूंगा*

*छिंदवाड़ा का एक युवक एक पोस्टर ले कर खड़ा हुआ मात्र 26 सेकंड का विडिओ जबरदस्त वायरल हो गया ।@BIbhopal #mens pic.twitter.com/LAyfyQ8xDy

— Sushant Peter (@SushantPeter302) January 25, 2023