ಜಗತ್ತಿನಾದ್ಯಂತ ‘ರಿಯಲ್ ಸ್ಪೈಡರ್ ಮ್ಯಾನ್’ ಎಂದು ಖ್ಯಾತಿ ಪಡೆದಿದ್ದ ಸಾಹಸಿ ಪರ್ವತಾರೋಹಕ ಅಲ್ ಖಾಖಾ ಅವರು ಯೆಮೆನ್‌ನಲ್ಲಿ ಸಂಭವಿಸಿದ ದುರ್ಘಟನೆಯಲ್ಲಿ ಮೃತಪಟ್ಟಿದ್ದಾರೆ. ಯಾವುದೇ ಸುರಕ್ಷತಾ ಸಾಧನಗಳಿಲ್ಲದೆ ನೇರವಾದ ಬೆಟ್ಟಗಳನ್ನು ಏರುವ ಮೂಲಕ ಜನಪ್ರಿಯರಾಗಿದ್ದ ಅವರು, ಬಿಸಿನೀರಿನ ಬುಗ್ಗೆಗಳ ಸಮೀಪ ಸಾಹಸ ಪ್ರದರ್ಶಿಸುವ ವೇಳೆ ಕಾಲು ಜಾರಿ ಆಳವಾದ ಬಿಸಿನೀರಿನ ಕುಂಡಕ್ಕೆ ಬಿದ್ದು ಪ್ರಾಣ ಕಳೆದುಕೊಂಡಿದ್ದಾರೆ.
ಹೌದು. ಜಗತ್ತಿನಾದ್ಯಂತ ‘ರಿಯಲ್ ಸ್ಪೈಡರ್ ಮ್ಯಾನ್’ ಎಂದು ಖ್ಯಾತಿ ಪಡೆದಿದ್ದ ಅಲ್ ಖಾಖಾ ಅವರು ನಿಧನರಾಗಿದ್ದಾರೆ. ಯಾವುದೇ ಸುರಕ್ಷತಾ ಸಾಧನಗಳಿಲ್ಲದೆ ನೇರವಾದ ಹಾಗೂ ಕಡಿದಾದ ಬೆಟ್ಟಗಳನ್ನು ಏರುವ ಸಾಹಸದಿಂದ ಅವರು ಅಪಾರ ಜನಪ್ರಿಯತೆ ಗಳಿಸಿದ್ದರು.
ಯೆಮೆನ್‌ನ Damt ಪ್ರದೇಶದಲ್ಲಿರುವ ಜ್ವಾಲಾಮುಖಿ ಮೂಲದ ಬಿಸಿನೀರಿನ ಬುಗ್ಗೆಗಳ ಬಳಿ ಸಂಭವಿಸಿದ ದುರ್ಘಟನೆಯಲ್ಲಿ ಅವರು ಪ್ರಾಣ ಕಳೆದುಕೊಂಡಿದ್ದಾರೆ.
ಅವರು ಆಗಾಗ ಬಿಸಿನೀರಿನ ಬುಗ್ಗೆಗಳ ಸುತ್ತಮುತ್ತಲಿರುವ ನೇರವಾದ ಬೆಟ್ಟಗಳನ್ನು ಏರಿ ಸಾಹಸ ಪ್ರದರ್ಶನ ಮಾಡುತ್ತಿದ್ದರು. ಇತ್ತೀಚೆಗೆ ಇದೇ ರೀತಿಯ ಸಾಹಸ ಪ್ರದರ್ಶನದ ವೇಳೆ ಆಕಸ್ಮಿಕವಾಗಿ ಕಾಲು ಜಾರಿ ಆಳವಾದ ಬಿಸಿನೀರಿನ ಕುಂಡಕ್ಕೆ ಬಿದ್ದಿದ್ದಾರೆ.
ಕುಂಡದ ನೀರಿನ ಉಷ್ಣಾಂಶ ತುಂಬಾ ಹೆಚ್ಚಿದ್ದಲ್ಲದೆ, ಅದರ ಆಳವೂ ಅಧಿಕವಾಗಿದ್ದರಿಂದ ಇದುವರೆಗೆ ಅವರ ಮೃತದೇಹವನ್ನು ಹೊರತೆಗೆಯಲು ಸಾಧ್ಯವಾಗಿಲ್ಲ ಎಂದು ವರದಿಯಾಗಿದೆ. ಈ ಘಟನೆ ಯೆಮೆನ್‌ನಲ್ಲಿ ತೀವ್ರ ವಿಷಾದಕ್ಕೆ ಕಾರಣವಾಗಿದೆ.
