ಚಿನ್ನ ಅಮೂಲ್ಯವಾದ ಆಸ್ತಿ ಅನ್ನೋದ್ರಲ್ಲಿ ಎರಡು ಮಾತಿಲ್ಲ. ಮಾರುಕಟ್ಟೆಯಲ್ಲಿ ಚಿನ್ನದ ಬೆಲೆ ಏರಿಕೆಯಾಗುತ್ತಿದ್ದಂತೆಯೇ ಬೇಡಿಕೆ ಕೂಡ ಹೆಚ್ಚಾಗಿದೆ.
ಹಣಕಾಸಿನ ತುರ್ತು ಸಂದರ್ಭಗಳಲ್ಲಿ ಅನೇಕರು ಚಿನ್ನದ ಮೇಲೆ ಸಾಲ ಪಡೆಯುವ ನಿರ್ಧಾರಕ್ಕೆ ಬರುತ್ತಾರೆ. ಯಾವುದೇ ದಾಖಲೆಗಳಿಲ್ಲದೇ ಚಿಕ್ಕ ಪ್ರಮಾಣದ ಸಾಲ ಬೇಕು ಎಂದರೆ ಚಿನ್ನದ ಮೇಲೆ ಸಾಲ ಪಡೆಯುವುದು ಉತ್ತಮ ಆಯ್ಕೆಯಾಗಿದೆ.
ಚಿನ್ನದ ಸಾಲವನ್ನು ಪಡೆಯುವ ಮೊದಲು ನಾವು ಪರಿಗಣಿಸಬೇಕಾದ ಪ್ರಮುಖ ಅಂಶ ಏನೆಂದರೆ ಸಾಲ ನೀಡುವ ಸಂಸ್ಥೆಯು ನಮಗೆ ಯಾವ ಬಡ್ಡಿದರದಲ್ಲಿ ಸಾಲ ನೀಡುತ್ತೆ ಅನ್ನೋದಾಗಿದೆ. ಬಡ್ಡಿ ದರ ಸಮಂಜಸವಾಗಿರಬೇಕು. ಹೀಗಾಗಿ ಚಿನ್ನದ ಮೇಲೆ ಸಾಲ ಪಡೆಯುವ ಮುನ್ನ ಎಲ್ಲೆಲ್ಲಿ ಎಷ್ಟು ಬಡ್ಡಿದರವಿದೆ ಎಂಬುದನ್ನು ಪರಿಶೀಲನೆ ಮಾಡಿಕೊಳ್ಳಿ.
ನಿಮ್ಮ ಚಿನ್ನದ ಆಭರಣಗಳ ಮೇಲೆ ನೀವು ಎರವಲು ಪಡೆಯಬಹುದಾದ ಹಣದ ಮೊತ್ತವು ಪ್ರತಿ ಗ್ರಾಂ ಚಿನ್ನದ ದರಕ್ಕೆ ಅನುಗುಣವಾಗಿ ಬದಲಾಗುತ್ತದೆ. ನಿಮ್ಮ ಚಿನ್ನಕ್ಕೆ ಗರಿಷ್ಠ ಮೌಲ್ಯವನ್ನು ನೀಡುವ ಸಾಲದಾತರನ್ನು ನೀವು ಆರಿಸಿದ್ದೀರಿ ಎಂದು ಖಚಿತಪಡಿಸಿಕೊಳ್ಳಿ.
ಚಿನ್ನದ ಮೇಲೆ ಸಾಲವನ್ನು ಆಯ್ಕೆಮಾಡುವಾಗ, ಮರುಪಾವತಿಯ ಆಯ್ಕೆಗಳನ್ನು ಪರಿಗಣಿಸುವುದು ಬಹಳ ಮುಖ್ಯ. ನಿಮ್ಮ ನಿರ್ದಿಷ್ಟ ಮರುಪಾವತಿ ಅವಶ್ಯಕತೆಗಳನ್ನು ಪೂರೈಸಲು ಅಗತ್ಯವಿರುವ ಸಮಯವನ್ನು ಒದಗಿಸುವ ಸಾಲದಾತರನ್ನು ಆಯ್ಕೆ ಮಾಡಿಕೊಳ್ಳುವುದು ಮುಖ್ಯವಾಗಿದೆ.
ಲೋನ್ ಮರುಪಾವತಿಗೆ ಬಂದಾಗ ಬಜಾಜ್ ಫೈನಾನ್ಸ್ ಗ್ರಾಹಕರಿಗೆ ಹಿಂಸೆ ಮಾಡುವುದಿಲ್ಲ. ಮಾಸಿಕ, ದ್ವೈಮಾಸಿಕ, ತ್ರೈಮಾಸಿಕ, ಅರ್ಧ-ವಾರ್ಷಿಕ ಅಥವಾ ವಾರ್ಷಿಕ ಮರುಪಾವತಿಗಳನ್ನು ಒಳಗೊಂಡಂತೆ ನೀವು ಆಯ್ಕೆ ಮಾಡಲು ಹಲವಾರು ಆಯ್ಕೆಗಳನ್ನು ಹೊಂದಿರುವಿರಿ. ಈ ಸ್ವಾತಂತ್ರ್ಯವು ನಿಮಗೆ ಸೂಕ್ತವಾದ ವೇಗದಲ್ಲಿ ಸಾಲವನ್ನು ಮರುಪಾವತಿಸಲು ನಿಮಗೆ ಅನುವು ಮಾಡಿಕೊಡುತ್ತದೆ.
ಬಜಾಜ್ ಫೈನಾನ್ಸ್ ಮೂಲಕ ಚಿನ್ನದ ಮೇಲೆ ಸಾಲ ಪಡೆಯಲು ನೀವು ಎರಡು ಆಯ್ಕೆಯನ್ನು ಬಳಕೆ ಮಾಡಿಕೊಳ್ಳಬಹುದಾಗಿದೆ. ಹತ್ತಿರದ ಬಜಾಜ್ ಫೈನಾನ್ಸ್ ಶಾಖೆಗೆ ಭೇಟಿ ನೀಡಿ ಚಿನ್ನದ ಮೇಲೆ ಸಾಲ ಪಡೆಯಬಹುದು. ಅಥವಾ ಆನ್ಲೈನ್ನಲ್ಲಿ ಬಜಾಜ್ ಫೈನಾನ್ಸ್ ವೆಬ್ಸೈಟ್ಗೆ ಭೇಟಿ ನೀಡುವ ಮೂಲಕ ಅರ್ಜಿ ಸಲ್ಲಿಕೆ ಮಾಡಬಹುದಾಗಿದೆ.
1. ಬಜಾಜ್ ಫೈನಾನ್ಸ್ ಗೋಲ್ಡ್ ಲೋನ್ ಪೇಜ್ಗೆ ಭೇಟಿ ನೀಡಿ.
2. ಆನ್ಲೈನ್ ಅಪ್ಲಿಕೇಶನ್ ಫಾರ್ಮ್ನ್ನು ತೆರೆಯಿರಿ.
3. ನಿಮ್ಮ ಮೊಬೈಲ್ ನಂಬರ್ ನಮೂದಿಸಿ . ಈಗ ನಿಮಗೆ ಒಂದು ಒಟಿಪಿ ಬರಲಿದೆ.
4. ಈ ಒಟಿಪಿಯನ್ನು ನಮೂದಿಸಿ.
5. ನಿಮ್ಮ ರಾಜ್ಯ , ನಗರವನ್ನು ನಮೂದಿಸುವ ಮೂಲಕ ಹತ್ತಿರದಲ್ಲಿ ಬಜಾಜ್ ಫೈನಾನ್ಸ್ ಕಚೇರಿ ಎಲ್ಲಿದೆ ಎಂಬುದನ್ನು ತಿಳಿದುಕೊಳ್ಳಿ.
6. ಪಾನ್ ಕಾರ್ಡ್ನಲ್ಲಿ ಇರುವಂತೆ ನಿಮ್ಮ ಜನ್ಮ ದಿನಾಂಕ ಹಾಗೂ ಪಾನ್ ಕಾರ್ಡ್ ನಮೂದಿಸಿ
7. ಹತ್ತಿರದ ಬ್ರ್ಯಾಂಚ್ನಲ್ಲಿ ನಿಮ್ಮ ಅಪಾಯಿಂಟ್ಮೆಂಟ್ ನಿಗದಿ ಮಾಡಿಕೊಳ್ಳಿ.
ನೀವು ಅರ್ಜಿಯನ್ನು ಸಲ್ಲಿಸಿದ ನಂತರ, ಮುಂದಿನ ಹಂತಗಳಲ್ಲಿ ನಿಮಗೆ ಸಹಾಯ ಮಾಡಲು ಬಜಾಜ್ ಫೈನಾನ್ಸ್‌ನ ಪ್ರತಿನಿಧಿಯು ನಿಮ್ಮನ್ನು ಸಂಪರ್ಕಿಸುತ್ತಾರೆ. ಭಾರತದಾದ್ಯಂತ ಹರಡಿರುವ 800 ಕ್ಕೂ ಹೆಚ್ಚು ಶಾಖೆಗಳೊಂದಿಗೆ, ಬಜಾಜ್ ಫೈನಾನ್ಸ್ ತ್ವರಿತ ಮತ್ತು ಸುಲಭವಾದ ಸಾಲದ ಪ್ರಕ್ರಿಯೆಯನ್ನು ಖಾತ್ರಿಗೊಳಿಸುತ್ತದೆ, ನಿಮಗೆ ಅನುಕೂಲಕರ ಅನುಭವವನ್ನು ಖಾತ್ರಿಪಡಿಸುತ್ತದೆ.
