ನಗರಗಳು ಮತ್ತು ಪಟ್ಟಣಗಳಲ್ಲಿ ಹೆಚ್ಚಿನವರು ಬಾಡಿಗೆ ಮನೆಗಳಲ್ಲಿ ವಾಸಿಸುತ್ತಾರೆ. ಉದ್ಯೋಗ ಬದಲಾವಣೆ ಅಥವಾ ಇತರ ಕಾರಣಗಳಿಂದಾಗಿ ಆಗಾಗ್ಗೆ ಮನೆ ಬದಲಾಯಿಸುವುದು ಸಾಮಾನ್ಯ. ಇಂತಹ ಸಂದರ್ಭದಲ್ಲಿ ನಿಮ್ಮ ಗ್ಯಾಸ್ ಕನೆಕ್ಷನ್‌ನ ವಿಳಾಸವನ್ನೂ ಬದಲಾಯಿಸಬೇಕಾಗುತ್ತದೆ. ಆಗ ನಿಮ್ಮ ಹೊಸ ಮನೆಗೆ ಗ್ಯಾಸ್ ಸಿಲಿಂಡರ್ ಡೆಲಿವರಿಯಾಗುತ್ತದೆ. ಗ್ಯಾಸ್ ಕನೆಕ್ಷನ್ ವಿಳಾಸವನ್ನು ಹೇಗೆ ಬದಲಾಯಿಸಬಹುದು ಎಂಬುದನ್ನು ಇಲ್ಲಿ ನೋಡೋಣ.
ನಗರಗಳು, ಪಟ್ಟಣಗಳಲ್ಲಿ ಹೆಚ್ಚಿನವರು ಬಾಡಿಗೆ ಮನೆಗಳಲ್ಲಿ ವಾಸಿಸುತ್ತಾರೆ. ಉದ್ಯೋಗ ಬದಲಾದಾಗ ಅಥವಾ ಇತರ ಕಾರಣಗಳಿಂದ ಮನೆ ಬದಲಾಯಿಸುವುದು ಸಾಮಾನ್ಯ. ಮನೆ ಬದಲಾಯಿಸಿದಾಗ ವಿಳಾಸವೂ ಬದಲಾಗುತ್ತದೆ. ಯಾವುದೇ ತೊಂದರೆ ಆಗದಂತೆ ಆಧಾರ್ ಸೇರಿದಂತೆ ಇತರ ಗುರುತಿನ ದಾಖಲೆಗಳಲ್ಲಿಯೂ ವಿಳಾಸವನ್ನು ಅಪ್‌ಡೇಟ್ ಮಾಡಿಕೊಳ್ಳಬೇಕು. ಅದೇ ರೀತಿ ಗ್ಯಾಸ್ ಕನೆಕ್ಷನ್‌ನ ವಿಳಾಸವನ್ನೂ ಬದಲಾಯಿಸುವುದು ಅಗತ್ಯ.
ಹೊಸ ಗ್ಯಾಸ್ ಕನೆಕ್ಷನ್ ಪಡೆಯುವ ಬದಲು ಈಗಾಗಲೇ ಇರುವ ಕನೆಕ್ಷನ್‌ನಲ್ಲೇ ಮನೆಯ ವಿಳಾಸವನ್ನು ಅಪ್‌ಡೇಟ್ ಮಾಡಿಕೊಳ್ಳಬಹುದು. ಇದರಿಂದ ಗ್ಯಾಸ್ ಸಿಲಿಂಡರ್ ಮನೆ ಬಾಗಿಲಿಗೆ ತಲುಪಿಸುವಲ್ಲಿ ಯಾವುದೇ ತೊಂದರೆ ಇರುವುದಿಲ್ಲ. ಗ್ಯಾಸ್ ಕನೆಕ್ಷನ್‌ನಲ್ಲಿನ ವಿಳಾಸವನ್ನು ಬದಲಾಯಿಸದೆ ಸಿಲಿಂಡರ್ ಬುಕ್ ಮಾಡಿದರೆ, ಹಳೆಯ ವಿಳಾಸಕ್ಕೆ ಡೆಲಿವರಿಯಾಗುವ ಸಾಧ್ಯತೆ ಇದೆ. ಇಂತಹ ಸಮಸ್ಯೆಗಳನ್ನು ತಪ್ಪಿಸಲು ವಿಳಾಸವನ್ನು ಅಪ್‌ಡೇಟ್ ಮಾಡಿಕೊಳ್ಳುವುದು ಅಗತ್ಯ.
ಇದಕ್ಕೆ ಯಾವ ದಾಖಲೆಗಳು ಬೇಕು? ವಿಳಾಸವನ್ನು ಹೇಗೆ ಅಪ್‌ಡೇಟ್ ಮಾಡಿಕೊಳ್ಳಬೇಕು? ಎಂಬುದನ್ನು ಈಗ ನೋಡೋಣ.
ಯಾವ ದಾಖಲೆಗಳು ಅಗತ್ಯ?
-
ಆಧಾರ್ ಕಾರ್ಡ್
-
ಮನೆಯ ವಿಳಾಸದ ಪುರಾವೆ
-
ಗ್ಯಾಸ್ ಬುಕ್
-
ಸಬ್‌ಸ್ಕ್ರಿಪ್ಶನ್ ವೋಚರ್
-
KYC ದಾಖಲೆಗಳು
LPG ಕನೆಕ್ಷನ್ ಅನ್ನು ಬೇರೆ ವಿಳಾಸಕ್ಕೆ ವರ್ಗಾಯಿಸುವುದು ಹೇಗೆ?
ಮೊದಲು ಪ್ರಸ್ತುತ ನಿಮಗೆ ಗ್ಯಾಸ್ ವಿತರಿಸುತ್ತಿರುವ ಏಜೆನ್ಸಿ ಕಚೇರಿಗೆ ತೆರಳಬೇಕು. ಅಲ್ಲಿ Transfer Termination Voucher (TTV) ಪಡೆದುಕೊಳ್ಳಬೇಕು. ಗ್ಯಾಸ್ ಕನೆಕ್ಷನ್ ಅನ್ನು ಬೇರೆ ಪ್ರದೇಶಕ್ಕೆ ವರ್ಗಾಯಿಸಲು ಈ ವೋಚರ್ ಸಹಾಯ ಮಾಡುತ್ತದೆ.
ನಂತರ ನೀವು ತೆರಳಿರುವ ಹೊಸ ವಿಳಾಸದಲ್ಲಿ ಗ್ಯಾಸ್ ವಿತರಿಸುವ ಏಜೆನ್ಸಿ ಕಚೇರಿಗೆ ಭೇಟಿ ನೀಡಬೇಕು. ಅಲ್ಲಿ Transfer Termination Voucher ಅನ್ನು ಸಲ್ಲಿಸಬೇಕು. ಬಳಿಕ KYC ಪ್ರಕ್ರಿಯೆಯನ್ನು ಪೂರ್ಣಗೊಳಿಸಬೇಕು.
ಹೊಸ ವಿಳಾಸಕ್ಕೆ ಸಂಬಂಧಿಸಿದ ಯಾವುದೇ ಮಾನ್ಯ ವಿಳಾಸದ ಪುರಾವೆಯನ್ನು ಸಲ್ಲಿಸಬೇಕು. ಉದಾಹರಣೆಗೆ ವಿದ್ಯುತ್ ಬಿಲ್, ಬಾಡಿಗೆ ಒಪ್ಪಂದ ಮುಂತಾದ ದಾಖಲೆಗಳನ್ನು ನೀಡಬಹುದು. ದಾಖಲೆಗಳ ಪರಿಶೀಲನೆಯ ಬಳಿಕ ನಿಮ್ಮ ಗ್ಯಾಸ್ ಕನೆಕ್ಷನ್‌ನ ವಿಳಾಸವನ್ನು ಅಪ್‌ಡೇಟ್ ಮಾಡಲಾಗುತ್ತದೆ.
ಈ ಪ್ರಕ್ರಿಯೆ ಸಾಮಾನ್ಯವಾಗಿ ಕೆಲವೇ ನಿಮಿಷಗಳಲ್ಲಿ ಪೂರ್ಣಗೊಳ್ಳಬಹುದು. ವಿಳಾಸ ಅಪ್‌ಡೇಟ್ ಆದ ನಂತರ ನೀವು ಗ್ಯಾಸ್ ಬುಕ್ ಮಾಡಿದಾಗ ಹೊಸ ವಿಳಾಸಕ್ಕೆ ಸಿಲಿಂಡರ್ ಡೆಲಿವರಿಯಾಗುತ್ತದೆ.
ಬೇರೆ ನಗರಕ್ಕೆ ತೆರಳುತ್ತಿದ್ದರೆ ಏನು ಮಾಡಬೇಕು?
ಒಂದು ವೇಳೆ ನೀವು ಬೇರೆ ನಗರಕ್ಕೆ ಮನೆ ಬದಲಾಯಿಸುತ್ತಿದ್ದರೆ, ನಿಮ್ಮ ಸಿಲಿಂಡರ್ ಮತ್ತು ಪ್ರೆಶರ್ ರೆಗ್ಯುಲೇಟರ್ ಅನ್ನು ಪ್ರಸ್ತುತ ಗ್ಯಾಸ್ ಏಜೆನ್ಸಿಗೆ ಹಿಂದಿರುಗಿಸಬೇಕು.
ನಂತರ ಏಜೆನ್ಸಿ ನಿರ್ವಾಹಕರು Termination Voucher ನೀಡುತ್ತಾರೆ. ಇದರ ಜೊತೆಗೆ ನಿಮ್ಮ ಸೆಕ್ಯುರಿಟಿ ಡೆಪಾಸಿಟ್ ಮೊತ್ತವನ್ನೂ ಹಿಂದಿರುಗಿಸಲಾಗುತ್ತದೆ.
ಬಳಿಕ ನೀವು ತೆರಳಿರುವ ಹೊಸ ವಿಳಾಸದಲ್ಲಿ LPG ಗ್ಯಾಸ್ ವಿತರಿಸುವ ಏಜೆನ್ಸಿಯನ್ನು ಸಂಪರ್ಕಿಸಬೇಕು. Termination Voucher ಜೊತೆಗೆ ಅಗತ್ಯ ದಾಖಲೆಗಳನ್ನು ಸಲ್ಲಿಸಬೇಕು. ನಂತರ ನಿಮ್ಮ ಗ್ಯಾಸ್ ಕನೆಕ್ಷನ್ ಅನ್ನು ಹೊಸ ವಿಳಾಸಕ್ಕೆ ವರ್ಗಾಯಿಸಲಾಗುತ್ತದೆ.
PNG ಕನೆಕ್ಷನ್‌ಗೆ ಬದಲಾಗುವುದು ಹೇಗೆ?
Piped Natural Gas (PNG) ಕನೆಕ್ಷನ್ ಪಡೆಯಲು ಬಯಸಿದರೆ, ಮೊದಲು ನಿಮ್ಮ LPG ಕನೆಕ್ಷನ್ ಅನ್ನು ಸರೆಂಡರ್ ಮಾಡಬೇಕು. ಇದಕ್ಕಾಗಿ ಗ್ಯಾಸ್ ಸಿಲಿಂಡರ್‌ಗಳನ್ನು ಹಿಂದಿರುಗಿಸಿ LPG ಕನೆಕ್ಷನ್ ಅನ್ನು ರದ್ದುಗೊಳಿಸಬೇಕು.
ನಂತರ ನಿಮ್ಮ ಪ್ರದೇಶದಲ್ಲಿ PNG ಗ್ಯಾಸ್ ಪೂರೈಸುವ ಏಜೆನ್ಸಿಯನ್ನು ಸಂಪರ್ಕಿಸಿ, ಹೊಸ PNG ಕನೆಕ್ಷನ್‌ಗಾಗಿ ಅರ್ಜಿ ಸಲ್ಲಿಸಬಹುದು.
