ಬೆಂಗಳೂರು: ನಿವೃತ್ತಿಯ ನಂತರದ ಜೀವನಕ್ಕೆ ಆರ್ಥಿಕ ಭದ್ರತೆ ಹುಡುಕುತ್ತಿದ್ದೀರಾ? ಪ್ರತಿ ತಿಂಗಳು ಕೈಗೆ ಹಣ ಬರುವಂತಿದ್ದರೆ ಚೆನ್ನ ಅಂದುಕೊಳ್ಳುತ್ತಿದ್ದೀರಾ? ಹಾಗಿದ್ದರೆ ಭಾರತೀಯ ಜೀವ ವಿಮಾ ನಿಗಮದ (LIC) ಈ ಸ್ಮಾರ್ಟ್ ಪೆನ್ಷನ್ ಪ್ಲಾನ್ ನಿಮಗಾಗಿ ಇದೆ. ಕೇವಲ 1 ಲಕ್ಷ ರೂಪಾಯಿಯಿಂದ ಹೂಡಿಕೆ ಆರಂಭಿಸಿ, ಜೀವನ ಪರ್ಯಂತ ಸ್ಥಿರ ಆದಾಯ ಪಡೆಯುವ ಸುವರ್ಣಾವಕಾಶ ಇಲ್ಲಿದೆ.
ಏನಿದು ಎಲ್‌ಐಸಿ ಸ್ಮಾರ್ಟ್ ಪೆನ್ಷನ್ ಪ್ಲಾನ್?
ಇದು ಒಂದು ವೈಯಕ್ತಿಕ ಮತ್ತು ನಾನ್-ಪಾರ್ಟಿಸಿಪೇಟಿವ್ ಪೆನ್ಷನ್ ಪಾಲಿಸಿಯಾಗಿದೆ. ಇಲ್ಲಿ ನೀವು ಒಮ್ಮೆ ಮಾತ್ರ ಪ್ರೀಮಿಯಂ ಪಾವತಿಸಿದರೆ ಸಾಕು (Single Premium), ನಿಮ್ಮ ಮುಂದಿನ ಜೀವನ ಪರ್ಯಂತ ನಿಗದಿತ ಪೆನ್ಷನ್ ಲಭ್ಯವಿರುತ್ತದೆ.
ಯೋಜನೆಯ ಹೈಲೈಟ್ಸ್:
ಅರ್ಹತೆ: ಕನಿಷ್ಠ 18 ವರ್ಷ ತುಂಬಿದ ಯಾರು ಬೇಕಾದರೂ ಈ ಪಾಲಿಸಿ ಪಡೆಯಬಹುದು.
ಹೂಡಿಕೆ ಮಿತಿ: ಕನಿಷ್ಠ 1 ಲಕ್ಷ ರೂ. ಹೂಡಿಕೆ ಕಡ್ಡಾಯ. ಗರಿಷ್ಠ ಹೂಡಿಕೆಗೆ ಯಾವುದೇ ಮಿತಿಯಿಲ್ಲ.
ಫ್ಲೆಕ್ಸಿಬಿಲಿಟಿ: ಪೆನ್ಷನ್ ಅನ್ನು ಮಾಸಿಕ, ತ್ರೈಮಾಸಿಕ ಅಥವಾ ವಾರ್ಷಿಕವಾಗಿ ಪಡೆಯುವ ಆಯ್ಕೆ ನಿಮ್ಮದಾಗಿರುತ್ತದೆ.
ಸಾಲದ ಸೌಲಭ್ಯ: ಪಾಲಿಸಿ ಆರಂಭಿಸಿದ 3 ತಿಂಗಳ ನಂತರ ತುರ್ತು ಅಗತ್ಯಗಳಿಗಾಗಿ ಲೋನ್ ಪಡೆಯುವ ಅವಕಾಶವೂ ಇದೆ.
ಹೂಡಿಕೆ ಎಷ್ಟು? ಪೆನ್ಷನ್ ಎಷ್ಟು? (ಲೆಕ್ಕಾಚಾರ ಇಲ್ಲಿದೆ)
ಈ ಯೋಜನೆಯಲ್ಲಿ ನೀವು ಹೂಡಿಕೆ ಮಾಡುವ ಮೊತ್ತದ ಆಧಾರದ ಮೇಲೆ ಪೆನ್ಷನ್ ನಿರ್ಧರಿತವಾಗುತ್ತದೆ. ಉದಾಹರಣೆಗೆ
₹5 ಲಕ್ಷ ಹೂಡಿಕೆ ಮಾಡಿದರೆ:
60 ವರ್ಷದ ವ್ಯಕ್ತಿಯೊಬ್ಬರು 5 ಲಕ್ಷ ರೂ. ಹೂಡಿಕೆ ಮಾಡಿದರೆ, ಅವರಿಗೆ ತಿಂಗಳಿಗೆ ಅಂದಾಜು ₹3,316 ಪೆನ್ಷನ್ ಸಿಗುತ್ತದೆ. ವಿಶೇಷವೆಂದರೆ, ಪಾಲಿಸಿದಾರರ ಮರಣದ ನಂತರ ನಾಮಿನಿಗೆ ಪೂರ್ತಿ ₹5 ಲಕ್ಷ ಹಿಂದಿರುಗಿಸಲಾಗುತ್ತದೆ.
ಮಾಸಿಕ ₹10,000 ಪೆನ್ಷನ್ ಪಡೆಯುವುದು ಹೇಗೆ?
ನೀವು ಪ್ರತಿ ತಿಂಗಳು ಸುಮಾರು 10 ಸಾವಿರ ರೂಪಾಯಿ ಪೆನ್ಷನ್ ನಿರೀಕ್ಷಿಸುತ್ತಿದ್ದರೆ, ಅಂದಾಜು 20 ಲಕ್ಷ ರೂಪಾಯಿ ಹೂಡಿಕೆ ಮಾಡಬೇಕಾಗುತ್ತದೆ. ಇದರ ಲೆಕ್ಕಾಚಾರ ಹೀಗಿದೆ:
ವಾರ್ಷಿಕ ಪೆನ್ಷನ್: ಅಂದಾಜು ₹1,36,000
ಮಾಸಿಕ ಪೆನ್ಷನ್: ಅಂದಾಜು ₹10,880
ಸರ್ಕಾರಿ ಉದ್ಯೋಗಿಗಳಲ್ಲದವರು ಅಥವಾ ನಿವೃತ್ತಿಯ ನಂತರ ಯಾವುದೇ ಪೆನ್ಷನ್ ಸೌಲಭ್ಯ ಇಲ್ಲದವರಿಗೆ ಇದು ಅತ್ಯುತ್ತಮ ಹೂಡಿಕೆ. ಸಂಗಾತಿಯ ಜೊತೆಗೂಡಿ ಜಾಯಿಂಟ್ ಪ್ಲಾನ್ ಪಡೆಯುವ ಅವಕಾಶವೂ ಇರುವುದರಿಂದ ಪತಿಯ ನಂತರ ಪತ್ನಿಗೂ ಆರ್ಥಿಕ ಭದ್ರತೆ ಸಿಗುತ್ತದೆ.
