ಇಂಡೋನೇಷ್ಯಾದ ಉತ್ತರ ಸುಮಾತ್ರಾ ಪ್ರಾಂತ್ಯದ ತಪನುಲಿ ಎಂಬಲ್ಲಿ ಹೆದ್ದಾರಿಯಲ್ಲಿ ಸಂಭವಿಸಿದ ಭೂಕುಸಿತದಲ್ಲಿ ಒಂದೇ ಕುಟುಂಬದ ಮೂವರು ಸಾವನ್ನಪ್ಪಿದ್ದು, 13 ಮಂದಿ ಗಾಯಗೊಂಡಿದ್ದಾರೆ.
ಘಟನೆ ಬಗ್ಗೆ ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಏಜೆನ್ಸಿಯ ವಕ್ತಾರ ಅಬ್ದುಲ್ ಮುಹಾರಿ ಮಾತನಾಡಿದ್ದು, ಶನಿವಾರ ಸಂಜೆ 5 ಗಂಟೆಗೆ ತರುತುಂಗ್-ಸಿಬೋಲ್ಗಾ ರಾಷ್ಟ್ರೀಯ ರಸ್ತೆಯಲ್ಲಿ ಟ್ರಾಫಿಕ್ ಜಾಮ್ ಮಧ್ಯದಲ್ಲಿ ರಸ್ತೆಯ ಬದಿಯ ಬಂಡೆ ಇದ್ದಕ್ಕಿದ್ದಂತೆ ಬಿದ್ದು, ಅನೇಕ ವಾಹನಗಳಿಗೆ ಡಿಕ್ಕಿ ಹೊಡೆದಿದೆ ಎಂದು ಹೇಳಿದ್ದಾರೆ. ಮೃತರಲ್ಲಿ ಒಬ್ಬ ವ್ಯಕ್ತಿ, ಆತನ ಪತ್ನಿ ಮತ್ತು ಅವರ ಮಗು ಸೇರಿದ್ದಾರೆ ಎಂದು ಮುಹಾರಿ ತಿಳಿಸಿದ್ದಾರೆ.
ಏಳು ಜನರಿಗೆ ಸ್ವಲ್ಪ ಗಾಯಗಳಾಗಿದ್ದು, ಇತರ ಆರು ಮಂದಿ ಗಂಭೀರವಾಗಿ ಗಾಯಗೊಂಡಿದ್ದು, ಅವರನ್ನು ಹತ್ತಿರದ ವೈದ್ಯಕೀಯ ಸೌಲಭ್ಯಗಳಿಗೆ ಸಾಗಿಸಲಾಗಿದೆ.ಘಟನೆಯಲ್ಲಿ ಒಂದು ಮನೆ, ಐದು ಮಿನಿ ಬಸ್ ಗಳು, ಒಂದು ಲಾಜಿಸ್ಟಿಕ್ಸ್ ಟ್ರಕ್ ಮತ್ತು ಕೆಲವು ಮೋಟಾರ್ ಸೈಕಲ್ ಗಳು ಸುಟ್ಟುಹೋಗಿವೆ.
