ತಮಿಳು ನಟರಾದ ವಿಶಾಲ್ (47) ಮತ್ತು ನಟಿ ಸಾಯಿ ಧನ್ಶಿಕಾ (35) ಆಗಸ್ಟ್ನಲ್ಲಿ ವಿವಾಹವಾಗಲಿದ್ದಾರೆ. ಸೋಮವಾರ ಚೆನ್ನೈನಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಇಬ್ಬರು ಅಧಿಕೃತ ಮಾಹಿತಿ ಹಂಚಿಕೊಂಡರು.
ಮಾತನಾಡಿದ ಧನ್ಶಿಕಾ, ತಾವು 15 ವರ್ಷಗಳಿಂದ ಪರಸ್ಪರ ಪರಿಚಿತರು, ಆದರೆ ಇತ್ತೀಚೆಗೆ ಡೇಟಿಂಗ್ ಮಾಡಲು ಪ್ರಾರಂಭಿಸಿದ್ದೇವೆ ಎಂದು ಹೇಳಿದರು.
“ನಾವು ಇದನ್ನು ಪತ್ರಿಕಾಗೋಷ್ಠಿಯಲ್ಲಿ ಘೋಷಣೆ ಮಾಡಲು ಬಯಸಲಿಲ್ಲ. ಆದರೆ, ಇಂದು ಬೆಳಿಗ್ಗೆ ಸುದ್ದಿ ವರದಿ ವೈರಲ್ ಆಯಿತು. ಕಾರ್ಯಕ್ರಮ ಪ್ರಾರಂಭವಾಗುವ ಮೊದಲು ಮಾಧ್ಯಮಗಳ ಮುಂದೆ ನಮ್ಮ ಸ್ನೇಹವನ್ನು ಉಳಿಸಿಕೊಳ್ಳುತ್ತೇವೆ ಎಂದು ನಾವು ಆರಂಭದಲ್ಲಿ ಭಾವಿಸಿದ್ದೆವು. ಆದರೆ, ವರದಿಯ ನಂತರ, ಮರೆಮಾಡಲು ಏನೂ ಇಲ್ಲ ಎಂದು ನಮಗೆ ಅನಿಸಿತು” ಎಂದು ಅವರು ಹೇಳಿದರು.
“ವಿಶಾಲ್ ಮತ್ತು ನಾನು ಆಗಸ್ಟ್ 29 ರಂದು ಮದುವೆಯಾಗಲು ಯೋಜಿಸುತ್ತಿದ್ದೇವೆ. ನನಗೆ ವಿಶಾಲ್ ಕಳೆದ 15 ವರ್ಷಗಳಿಂದ ಪರಿಚಿತರು. ಹಿಂದೆ ನಾವು ಭೇಟಿಯಾದಾಗಲೆಲ್ಲಾ ಅವರು ನನ್ನನ್ನು ಗೌರವದಿಂದ ನಡೆಸಿಕೊಳ್ಳುತ್ತಿದ್ದರು. ನಾನು ತೀವ್ರ ತೊಂದರೆಯಲ್ಲಿದ್ದಾಗ, ಅವರು ನನ್ನ ಮನೆಗೆ ಭೇಟಿ ನೀಡಿ ನನಗೆ ಸಹಾಯ ಮಾಡಿದರು ಎಂದು ಹೇಳಿದ್ದಾರೆ.
ವಿಶಾಲ್ ತಮ್ಮ ಮದುವೆಯ ಸುದ್ದಿಯನ್ನು ಮಾಧ್ಯಮಗಳಿಗೆ ಸಂತೋಷದಿಂದ ತಿಳಿಸಿ, “ನನ್ನ ಮದುವೆ ನಿಶ್ಚಯವಾಗಿದೆ. ಧನ್ಸಿಕಾಳ ತಂದೆ ಇಲ್ಲಿದ್ದಾರೆ ಮತ್ತು ಅವರ ಆಶೀರ್ವಾದದೊಂದಿಗೆ ನಾನು ಅವಳನ್ನು ಪರಿಚಯಿಸುತ್ತಿದ್ದೇನೆ. ನಾನು ಅವಳನ್ನು ಬಹಳ ಇಷ್ಟಪಡುತ್ತೇನೆ ಮತ್ತು ನಾನು ಧನ್ಸಿಕಾಳನ್ನು ಮದುವೆಯಾಗಲಿದ್ದೇನೆ. ಅವಳು ಅದ್ಭುತ ವ್ಯಕ್ತಿ” ಎಂದು ಹೇಳಿದರು.
