ದೈನಂದಿನ ಜೀವನದಲ್ಲಿ ಅನಿರೀಕ್ಷಿತವಾಗಿ ಬಟ್ಟೆಗಳ ಮೇಲೆ ಕಲೆಯಾಗುವುದು ಸಾಮಾನ್ಯ. ಅದರಲ್ಲೂ ಹಳದಿ ಕಲೆ ಮತ್ತು ಎಣ್ಣೆ ಜಿಡ್ಡು ಬಟ್ಟೆಗೆ ಅಂಟಿಕೊಂಡರೆ, ಅವುಗಳನ್ನು ತೆಗೆಯುವುದು ದೊಡ್ಡ ಸಾಹಸವೇ ಸರಿ. ಈ ಮೊಂಡು ಕಲೆಗಳು ಸಾಮಾನ್ಯ ವಾಷಿಂಗ್ ಪೌಡರ್ ಅಥವಾ ಸೋಪ್ಗೆ ಅಷ್ಟು ಸುಲಭವಾಗಿ ಬಗ್ಗುವುದಿಲ್ಲ. ಇನ್ನು ಬಿಳಿ ಬಟ್ಟೆಗಳ ಕಥೆಯಂತೂ ಕೇಳಲೇಬೇಡಿ.
ಒಂದು ಪುಟ್ಟ ಟೀ-ಕಾಫಿ ಕಲೆ ಅಥವಾ ಪೆನ್ನಿನ ಇಂಕ್ ತಾಗಿದರೂ ಸಾಕು, ಆ ಬಟ್ಟೆಯ ಅಂದವೇ ಹಾಳಾಗುತ್ತದೆ. ಇಂತಹ ಸಮಯದಲ್ಲಿ ನಾವು ಗಟ್ಟಿಯಾಗಿ ಬ್ರಷ್ನಿಂದ ಉಜ್ಜಲು ಹೋಗಿ ಬಟ್ಟೆಯನ್ನೇ ಹಾಳು ಮಾಡಿಕೊಳ್ಳುತ್ತೇವೆ. ಆದರೆ ಇನ್ನು ಮುಂದೆ ಮೊಂಡು ಕಲೆಗಳ ಬಗ್ಗೆ ಟೆನ್ಶನ್ ಬೇಡ! ಬಟ್ಟೆಗೂ ಹಾನಿಯಾಗದಂತೆ, ಕಲೆಗಳನ್ನೂ ಪೂರ್ಣವಾಗಿ ಹೋಗಲಾಡಿಸುವ ಕೆಲವು ಅದ್ಭುತ ಮನೆಮದ್ದುಗಳು ಇಲ್ಲಿವೆ
ವಾಸನೆ ಮತ್ತು ಬ್ಯಾಕ್ಟೀರಿಯಾ ಹೋಗಲಾಡಿಸಲು ‘ಅಡುಗೆ ಸೋಡಾ’
ಬರಿ ಕೇಕ್ ಮಾಡಲಷ್ಟೇ ಅಲ್ಲ, ಬಟ್ಟೆಗಳ ದುರ್ವಾಸನೆ ಹೋಗಲಾಡಿಸಲು ಅಡುಗೆ ಸೋಡಾ ಬೆಸ್ಟ್. ಜಿಮ್ ಬಟ್ಟೆ, ಸಾಕ್ಸ್ ಅಥವಾ ಬೆವರಿನ ವಾಸನೆ ಇರುವ ಬಟ್ಟೆಗಳನ್ನು ತೊಳೆಯುವಾಗ ಅರ್ಧ ಕಪ್ ಅಡುಗೆ ಸೋಡಾ ಬಳಸಿ. ಇದು ಮೊಂಡುತನದ ವಾಸನೆಯನ್ನು ಹೀರಿಕೊಳ್ಳುತ್ತದೆ.
ವೈಟ್ ವಿನೆಗರ್ ಮ್ಯಾಜಿಕ್
ವಾಷಿಂಗ್ ಮೆಷಿನ್ಗೆ ಅರ್ಧ ಕಪ್ ವಿನೆಗರ್ ಹಾಕಿದರೆ ಬಟ್ಟೆಗಳು ಮೃದುವಾಗುತ್ತವೆ (Fabric Softener). ಬಟ್ಟೆ ಒಣಗಿದ ಮೇಲೆ ವಿನೆಗರ್ ವಾಸನೆ ಸಂಪೂರ್ಣ ಮಾಯವಾಗಿ, ಬಣ್ಣದ ಬಟ್ಟೆಗಳು ಹೊಸದರಂತೆ ಹೊಳೆಯುತ್ತವೆ.
ಬಿಳಿ ಬಟ್ಟೆಯ ಮಿಂಚಿಗೆ ನಿಂಬೆ ರಸ ಮತ್ತು ಹೈಡ್ರೋಜನ್ ಪೆರಾಕ್ಸೈಡ್
ಬಿಳಿ ಬಟ್ಟೆಗಳು ಹಳದಿಯಾಗುತ್ತಿದ್ದರೆ ಅಥವಾ ಕಾಫಿ-ಟೀ ಕಲೆಯಾಗಿದ್ದರೆ:
ನಿಂಬೆ ರಸ: ಬಿಳಿ ಬಟ್ಟೆಗಳನ್ನು ನಿಂಬೆ ರಸ ಬೆರೆಸಿದ ಬಿಸಿ ನೀರಿನಲ್ಲಿ ನೆನೆಸಿಟ್ಟರೆ ಕಲೆಗಳು ಸುಲಭವಾಗಿ ಮಾಯವಾಗುತ್ತವೆ.
ಹೈಡ್ರೋಜನ್ ಪೆರಾಕ್ಸೈಡ್ (3%): ಒಂದು ಕಪ್ ಪೆರಾಕ್ಸೈಡ್ ಸೇರಿಸುವುದರಿಂದ ಬಟ್ಟೆಗಳಿಗೆ ಹೆಚ್ಚಿನ ಹೊಳಪು ಸಿಗುತ್ತದೆ.
ಮೊಂಡುತನದ ಕಲೆಗಳನ್ನು ತೆಗೆಯಲು ಕ್ವಿಕ್ ಟಿಪ್ಸ್:
ಬಟ್ಟೆಗಳ ಮೇಲೆ ಇಂಕ್, ಎಣ್ಣೆ ಅಥವಾ ಹಳದಿ ಕಲೆಗಳಿದ್ದರೆ ಈ ಕೆಳಗಿನ ‘ಹೋಮ್ ಮೇಡ್’ ಫಾರ್ಮುಲಾ ಬಳಸಿ:
ವಿನೆಗರ್ ಸ್ಪ್ರೇ: ಸಮಪ್ರಮಾಣದ ನೀರು ಮತ್ತು ವಿನೆಗರ್ ಮಿಶ್ರಣ ಮಾಡಿ ಕಲೆಯ ಮೇಲೆ ಸ್ಪ್ರೇ ಮಾಡಿ, ಸ್ವಲ್ಪ ಸಮಯ ಬಿಟ್ಟು ತೊಳೆಯಿರಿ.
ಟೂತ್ ಪೇಸ್ಟ್ ಟ್ರಿಕ್: ಬಿಳಿ ಬಟ್ಟೆಯ ಮೇಲಿನ ಇಂಕ್ ಕಲೆಗಳಿಗೆ ಟೂತ್ ಪೇಸ್ಟ್ ಹಚ್ಚಿ 15 ನಿಮಿಷ ಬಿಡಿ. ನಂತರ ತೊಳೆದರೆ ಕಲೆ ಮಾಯ!
ಪಾತ್ರೆ ತೊಳೆಯುವ ಲಿಕ್ವಿಡ್: ಬಟ್ಟೆಯ ಮೇಲೆ ಎಣ್ಣೆ ಕಲೆಯಾಗಿದ್ದರೆ ಡಿಶ್ ವಾಶರ್ ಲಿಕ್ವಿಡ್ ಹಚ್ಚಿ ಉಜ್ಜಿದರೆ ಎಣ್ಣೆಯಂಶ ಪೂರ್ತಿ ಹೋಗುತ್ತದೆ.
ಬಟ್ಟೆಗಳನ್ನು ತೊಳೆದ ನಂತರ ನೇರ ಸೂರ್ಯನ ಬೆಳಕಿನಲ್ಲಿ ಒಣಗಿಸಿ. ಬಿಸಿಲು ಬಟ್ಟೆಯಲ್ಲಿರುವ ಬ್ಯಾಕ್ಟೀರಿಯಾ ಮತ್ತು ಹಳದಿ ಬಣ್ಣವನ್ನು ಹೋಗಲಾಡಿಸುವ ನೈಸರ್ಗಿಕ ಶಕ್ತಿಯನ್ನು ಹೊಂದಿದೆ.
