ಬೆಳಗಾವಿ : ಜಿಲ್ಲೆಯ ಬೈಲಹೊಂಗಲ ತಾಲ್ಲೂಕಿನ ಪ್ರತಿಷ್ಠಿತ ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ ಸೈನಿಕ ಶಾಲೆಯಲ್ಲಿ ಖಾಲಿ ಇರುವ ವಿವಿಧ ಹುದ್ದೆಗಳ ಭರ್ತಿಗೆ ಅರ್ಜಿ ಆಹ್ವಾನಿಸಲಾಗಿದೆ. ಗುತ್ತಿಗೆ ಆಧಾರದ ಮೇಲೆ ಈ ನೇಮಕಾತಿ ನಡೆಯುತ್ತಿದ್ದು, ಶಿಕ್ಷಕರು ಸೇರಿದಂತೆ ಅಡ್ಮಿನ್ ವಿಭಾಗದ ಒಟ್ಟು 23 ಹುದ್ದೆಗಳಿಗೆ ಅರ್ಹ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಬಹುದಾಗಿದೆ.
ಆಸಕ್ತ ಅಭ್ಯರ್ಥಿಗಳು ಶಾಲೆಯ ಅಧಿಕೃತ ವೆಬ್ಸೈಟ್ (www.ksrss.com) ಮೂಲಕ ಅರ್ಜಿ ನಮೂನೆಯನ್ನು ಡೌನ್ಲೋಡ್ ಮಾಡಿಕೊಳ್ಳಬೇಕು. ಭರ್ತಿ ಮಾಡಿದ ಅರ್ಜಿಗಳನ್ನು ಅಗತ್ಯ ದಾಖಲೆಗಳೊಂದಿಗೆ ಏಪ್ರಿಲ್ 6, 2026 ರ ಒಳಗೆ ಸ್ಪೀಡ್ ಪೋಸ್ಟ್ ಅಥವಾ ನೋಂದಾಯಿತ ಅಂಚೆ ಮೂಲಕ ಶಾಲೆಯ ವಿಳಾಸಕ್ಕೆ ಕಳುಹಿಸಲು ಸೂಚಿಸಲಾಗಿದೆ.
ಬೈಲಹೊಂಗಲ ತಾಲ್ಲೂಕಿನ, ಸಂಗೊಳ್ಳಿ ಗ್ರಾಮದಲ್ಲಿನ ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ ಸೈನಿಕ ಶಾಲೆಯಲ್ಲಿ ಗುತ್ತಿಗೆ ಆಧಾರದ ಮೇರೆಗೆ ಈ ಕೆಳಕಂಡ ಹುದ್ದೆಗಳಿಗೆ ಅರ್ಜಿಗಳನ್ನು ಆಹ್ವಾನಿಸಲಾಗಿದೆ.
| ಕ್ರ.ಸಂ | ಹುದ್ದೆ | ಸಂಖ್ಯೆ |
| 1 | ಟಿ. ಜಿ. ಟಿ ಇಂಗ್ಲಿಷ್ | 3 |
| 2 | ಟಿ. ಜಿ. ಟಿ ವಿಜ್ಞಾನ | 4 |
| 3 | ಟಿ. ಜಿ. ಟಿ ಗಣಿತಶಾಸ್ತ್ರ | 2 |
| 4 | ಟಿ. ಜಿ. ಟಿ ಸಾಮಾಜಿಕ ಅಧ್ಯಯನ | 4 |
| 5 | ಟಿ. ಜಿ. ಟಿ ಸಂಸ್ಕೃತ | 1 |
| 6 | ಟಿ. ಜಿ. ಟಿ ಕನ್ನಡ | 1 |
| 7 | ಕಲಾ ಶಿಕ್ಷಕರು | 1 |
| 8 | ಗ್ರಂಥಪಾಲಕರು | 1 |
| 9 | ನರ್ಸ್ ಪುರುಷರು | 1 |
| 10 | ವಾರ್ಡನ್ ಮಹಿಳಾ | 1 |
| 11 | ಗುಮಾಸ್ತ (LDC) | 2 |
| 12 | ದೈಹಿಕ ಶಿಕ್ಷಕರು | 2 |
ಅರ್ಜಿ ನಮೂನೆಯನ್ನು ಶಾಲೆಯ ವೆಬ್ಸೈಟ್ನಿಂದ ಡೌನ್ಲೋಡ್ ಮಾಡಿಕೊಂಡು ಭರ್ತಿ ಮಾಡಿದ ಅರ್ಜಿಯನ್ನು 06 ಏಪ್ರಿಲ್2026 ರಂದು ಅಥವಾ ಅದಕ್ಕೂ ಮೊದಲು ನೋಂದಾಯಿತ/ಸ್ಪೀಡ್ ಪೋಸ್ಟ್ ಮೂಲಕ ಸಲ್ಲಿಸಲು ಈ ಮೂಲಕ ಸೂಚಿಸಲಾಗಿದೆ.
