ಟೆಹ್ರಾನ್ : ಪಾಕಿಸ್ತಾನದಲ್ಲಿ ಜೈಶ್ ಅಲ್-ಅದ್ಲ್ ಉಗ್ರ ಸಂಘಟನೆಯ ಕಮಾಂಡರ್ ಇಸ್ಮಾಯಿಲ್ ಶಹಬಕ್ಷ್ ಮತ್ತು ಆತನ ಸಹಚರರನ್ನು ಇರಾನ್ ಪಡೆಗಳು ಹತ್ಯೆಗೈದಿವೆ ಎಂದು ವರದಿಯೊಂದು ತಿಳಿಸಿದೆ.
ಉಭಯ ದೇಶಗಳು ಪರಸ್ಪರರ ಭೂಪ್ರದೇಶಗಳ ಮೇಲೆ ವೈಮಾನಿಕ ದಾಳಿ ನಡೆಸಿದ ಒಂದು ತಿಂಗಳ ನಂತರ ಈ ಬೆಳವಣಿಗೆ ಸಂಭವಿಸಿದೆ.
“ಪಾಕಿಸ್ತಾನದ ಭೂಪ್ರದೇಶದೊಳಗೆ ಸಶಸ್ತ್ರ ಘರ್ಷಣೆಯಲ್ಲಿ ಮಿಲಿಟರಿ ಪಡೆಗಳು ಹಿರಿಯ ಜೈಶ್ ಅಲ್-ಅದ್ಲ್ ಉಗ್ರಗಾಮಿ ಗುಂಪಿನ ಕಮಾಂಡರ್ ಇಸ್ಮಾಯಿಲ್ ಶಹಬಕ್ಷ್ ಮತ್ತು ಅವರ ಕೆಲವು ಸಹಚರರನ್ನು ಕೊಂದಿವೆ” ಎಂದು ಇರಾನ್ ಅಂತರರಾಷ್ಟ್ರೀಯ ಮಾಧ್ಯಮಗಳು ಪೋಸ್ಟ್ ಮಾಡಿವೆ.
