ಬೆಂಗಳೂರು: ಇವತ್ತಿನ ಕಾಲದಲ್ಲಿ ಎಲ್ಲರಿಗೂ ಹೈಸ್ಪೀಡ್ ಯುಗ. ವಂದೇ ಭಾರತ್ ಬುಲೆಟ್ ಟ್ರೈನ್ ಅಂತ ಜನ ವೇಗವಾಗಿ ಓಡ್ತಿದ್ದಾರೆ. ಆದ್ರೆ ನಮ್ಮ ದೇಶದಲ್ಲಿ ಒಂದು ರೈಲಿದೆ, ಇದು ಎಷ್ಟು ಸ್ಲೋ ಅಂದ್ರೆ ನೀವು ನಡ್ಕೊಂಡು ಹೋದ್ರೂ ಇದನ್ನ ಹಿಂದಿಕ್ಕಬಹುದು ಆದ್ರೂ ಈ ರೈಲು ಹತ್ತೋಕೆ ಜನ ತಿಂಗಳುಗಟ್ಟಲೆ ಕಾಯ್ತಾರೆ.
ಯಾವುದು ಈ ರೈಲು?
ತಮಿಳುನಾಡಿನ ಮೆಟ್ಟುಪಾಳಯಂನಿಂದ (326 ಮೀಟರ್ ಎತ್ತರ) ಊಟಿಯವರೆಗೆ (2,203 ಮೀಟರ್ ಎತ್ತರ) 46 ಕಿಲೋಮೀಟರ್‌ಗಳನ್ನು ಕ್ರಮಿಸಲು ಈ ರೈಲು ಸುಮಾರು 5 ಗಂಟೆಗಳನ್ನು ತೆಗೆದುಕೊಳ್ಳುತ್ತದೆ. ಅಂದರೆ ಗಂಟೆಗೆ ಕೇವಲ 10-15 ಕಿಲೋಮೀಟರ್ ವೇಗ ಅಂದ್ರೆ, ಇದರ ವೇಗ ಗಂಟೆಗೆ ಬರೀ 9 ಕಿಲೋಮೀಟರ್
ಜನ ಯಾಕೆ ಕ್ಯೂ ನಿಲ್ತಾರೆ? ವೇಗಕ್ಕಿಂತ ಇಲ್ಲಿ ಅನುಭವ ಮುಖ್ಯ. ಈ ರೈಲು ಹೋಗೋ ದಾರಿ ಸುಮ್ಮನೆ ಕೂತು ನೋಡೋದೇ ಒಂದು ಸಂಭ್ರಮ. ಹಸಿರು ಕಾಡು, ಮಂಜು ಮುಸುಕಿದ ಬೆಟ್ಟಗಳು ಮತ್ತು ಚಹಾ ತೋಟಗಳ ನಡುವೆ ರೈಲು ಹಾವಿನಂತೆ ಬಳುಕಿ ಸಾಗುತ್ತೆ.
ಹಸಿರು ಕಣಿವೆಯ ನಡುವೆ ಒಂದು ಪಯಣ
ಒಮ್ಮೆ ನೀವು ಈ ರೈಲನ್ನು ಹತ್ತಿದರೆ, ದಟ್ಟವಾದ ಕಾಡುಗಳು, ವಿಶಾಲವಾದ ಚಹಾ ತೋಟಗಳು ಮತ್ತು ಹಸಿರು ಕಣಿವೆಗಳ ವಿಹಂಗಮ ನೋಟ ನಿಮ್ಮದಾಗುತ್ತದೆ. ಹವಾಮಾನವು ತಂಪಾಗುತ್ತಾ ಮಂಜಿನ ನಡುವೆ ರೈಲು ಸಾಗುವಾಗ ಪ್ರಕೃತಿಯ ಸೌಂದರ್ಯವು ಮಾಂತ್ರಿಕವಾಗಿ ಕಾಣುತ್ತದೆ.
ಈ ರೈಲಿನ ವಿಶೇಷತೆಗಳೇನು?
ವೇಗಕ್ಕಿಂತ ಸುಂದರ ನೋಟವೇ ಮುಖ್ಯ: ಈ ರೈಲು ಕೇವಲ 46 ಕಿಲೋಮೀಟರ್ ದೂರವನ್ನು ಕ್ರಮಿಸಲು ಬರೊಬ್ಬರಿ 5 ಗಂಟೆ ತೆಗೆದುಕೊಳ್ಳುತ್ತದೆ! ಇದು ಮೆಟ್ಟುಪಾಳಯಂನಿಂದ (326 ಮೀಟರ್ ಎತ್ತರ) ಊಟಿಯವರೆಗೆ (2,203 ಮೀಟರ್ ಎತ್ತರ) ಗುಡ್ಡಗಾಡು ಪ್ರದೇಶದಲ್ಲಿ ನಿಧಾನವಾಗಿ ಸಾಗುತ್ತದೆ.
ಟಾಯ್ ಟ್ರೈನ್: ಇದನ್ನು ಪ್ರೀತಿಯಿಂದ ಟಾಯ್ ಟ್ರೈನ್ ಎಂದು ಕರೆಯಲಾಗುತ್ತದೆ. ಇದರಲ್ಲಿ ಸಾಮಾನ್ಯವಾಗಿ 3 ರಿಂದ 4 ಬೋಗಿಗಳು ಮಾತ್ರ ಇರುತ್ತವೆ ಮತ್ತು ಬಣ್ಣಬಣ್ಣದ ನೀಲಿ ಬೋಗಿಗಳು ನೋಡುಗರ ಕಣ್ಣಿಗೆ ಹಬ್ಬವನ್ನು ಉಂಟುಮಾಡುತ್ತವೆ.
ಯುನೈಟೆಡ್ ನೇಷನ್ಸ್ ಮಾನ್ಯತೆ (UNESCO): 2005 ರಲ್ಲಿ ಯುನೆಸ್ಕೋ ಇದನ್ನು ವಿಶ್ವ ಪಾರಂಪರಿಕ ತಾಣವೆಂದು ಘೋಷಿಸಿದೆ. ದಾರ್ಜಿಲಿಂಗ್ ಮತ್ತು ಕಾಲ್ಕಾ-ಶಿಮ್ಲಾ ರೈಲುಗಳ ಜೊತೆಗೆ ಇದು ಕೂಡ ಭಾರತದ ಹೆಮ್ಮೆಯಾಗಿದೆ.
ರ‍್ಯಾಕ್ ಅಂಡ್ ಪಿನಿಯನ್ ವ್ಯವಸ್ಥೆ: ಭಾರತದಲ್ಲೇ ಈ ರೀತಿಯ ವ್ಯವಸ್ಥೆ ಇರುವ ಏಕೈಕ ರೈಲು ಇದಾಗಿದೆ. ಇದು ಕಡಿದಾದ ಬೆಟ್ಟಗಳನ್ನು ಹತ್ತಲು ರೈಲಿಗೆ ಸಹಾಯ ಮಾಡುತ್ತದೆ ಇದು ಎಂಜಿನಿಯರಿಂಗ್ ಲೋಕದ ಒಂದು ಅದ್ಭುತ.
ದಾರಿಯಲ್ಲಿ ಸಿಗುವ ಪ್ರಮುಖ ನಿಲ್ದಾಣಗಳು: ಬ್ರಿಟಿಷರ ಕಾಲದ ವಾಸ್ತುಶಿಲ್ಪದ ಸೌಂದರ್ಯ ಹೊಂದಿರುವ ಕೆಟ್ಟಿ (Ketti), ಲವ್‌ಡೇಲ್ (Lovedale) ಮತ್ತು ವೆಲ್ಲಿಂಗ್ಟನ್ (Wellington) ನಿಲ್ದಾಣಗಳ ಮೂಲಕ ಈ ರೈಲು ಹಾದುಹೋಗುತ್ತದೆ.
ಟಿಕೆಟ್ ಬುಕಿಂಗ್: ಈ ರೈಲು ಯಾವಾಗಲೂ ಪ್ರವಾಸಿಗರಿಂದ ತುಂಬಿರುತ್ತದೆ. ಆದ್ದರಿಂದ ನೀವು IRCTC ವೆಬ್‌ಸೈಟ್ ಮೂಲಕ ಮುಂಚಿತವಾಗಿ ಟಿಕೆಟ್ ಬುಕ್ ಮಾಡುವುದು ಉತ್ತಮ.
ಸರಿಯಾದ ಸಮಯ: ಏಪ್ರಿಲ್‌ನಿಂದ ಜೂನ್ ಮತ್ತು ಸೆಪ್ಟೆಂಬರ್‌ನಿಂದ ಜನವರಿವರೆಗೆ ಇಲ್ಲಿ ಪ್ರವಾಸಿಗರ ಸಂಖ್ಯೆ ಹೆಚ್ಚಾಗಿರುತ್ತದೆ.
ಭಾರತದ ಅತಿ ವೇಗದ ವಂದೇ ಭಾರತ್ ಎಕ್ಸ್‌ಪ್ರೆಸ್ ಗಂಟೆಗೆ 180 ಕಿ.ಮೀ ವೇಗದಲ್ಲಿ ಹಳಿಯ ಮೇಲೆ ಮಿಂಚಿನಂತೆ ಸಾಗುತ್ತಿದ್ದರೆ, ದೇಶದ ಮತ್ತೊಂದು ರೈಲು ಅದಕ್ಕಿಂತ 20 ಪಟ್ಟು ನಿಧಾನವಾಗಿ ಹೆಜ್ಜೆ ಹಾಕುತ್ತದೆ
ಆದರೆ ನೆನಪಿಡಿ, ಈ ರೈಲು ವೇಗದಲ್ಲಿ ಸೋತಿರಬಹುದು, ಆದ್ರೆ ಜನರ ಮನಸ್ಸು ಗೆಲ್ಲುವಲ್ಲಿ ನಂಬರ್ ಒನ್. ಇಲ್ಲಿ ಕಿಲೋಮೀಟರ್‌ಗಿಂತಲೂ ಕ್ಷಣಗಳು ಮುಖ್ಯ. ಪ್ರತಿದಿನ ಸಾವಿರಾರು ಪ್ರವಾಸಿಗರು ಈ ನಿಧಾನಗತಿಯ ಪಯಣಕ್ಕಾಗಿ ತಿಂಗಳುಗಟ್ಟಲೆ ತಾಳ್ಮೆಯಿಂದ ಕಾಯುತ್ತಾರೆ.
ಏಕೆಂದರೆ, ಈ ಪ್ರಯಾಣ ಕೇವಲ ಒಂದು ಊರನ್ನು ತಲುಪುವುದಕ್ಕಲ್ಲ; ಬದಲಿಗೆ ಹಸಿರು ಕಣಿವೆ, ಮಂಜಿನ ಬೆಟ್ಟಗಳ ನಡುವೆ ಸಾಗುತ್ತಾ ಚಲಿಸುವ ಸ್ವರ್ಗವನ್ನು ಅನುಭವಿಸುವುದಕ್ಕಾಗಿ
