ಬೆಂಗಳೂರು: ಬೆಳಿಗ್ಗೆ ಲಂಚ್ ಬಾಕ್ಸ್‌ಗೆ ಪ್ರೀತಿಯಿಂದ ಮಾಡಿದ ರೊಟ್ಟಿ ಅಥವಾ ಚಪಾತಿಗಳು, ಮಧ್ಯಾಹ್ನ ಆಫೀಸ್ ಅಥವಾ ಶಾಲೆಯಲ್ಲಿ ಡಬ್ಬಿ ತೆರೆದಾಗ ರಬ್ಬರ್‌ನಂತೆ ಗಟ್ಟಿಯಾಗಿರುತ್ತವೆಯೇ? ಇದು ಬಹುತೇಕ ಎಲ್ಲರ ಮನೆಯ ಸಾಮಾನ್ಯ ಸಮಸ್ಯೆ. ಆದರೆ ಚಿಂತೆ ಬೇಡ ನಿಮ್ಮ ರೊಟ್ಟಿಗಳು ಬೆಳಿಗ್ಗೆಯಿಂದ ಸಂಜೆಯವರೆಗೆ ಈಗಷ್ಟೇ ಮಾಡಿದಂತೆ ಫ್ರೆಶ್ ಮತ್ತು ಮೃದುವಾಗಿರಲು ನಮ್ಮ ಅಮ್ಮಂದಿರು ಪಾಲಿಸುವ ಕೆಲವು ಸಾಂಪ್ರದಾಯಿಕ ಮತ್ತು ವೈಜ್ಞಾನಿಕ ಕಿಚನ್ ಟಿಪ್ಸ್ ಇಲ್ಲಿದೆ.
ಹಿಟ್ಟು ಕಲಸುವಲ್ಲಿ ಅಡಗಿದೆ ಅಸಲಿ ರಹಸ್ಯ
ರೊಟ್ಟಿ ಮೃದುವಾಗಿ ಬರಲು ಮೊದಲ ಹಂತವೇ ಹಿಟ್ಟು ಕಲಸುವುದು.
ಹಿಟ್ಟು ಕಲಸುವಾಗ ಯಾವಾಗಲೂ ಉಗುರು ಬೆಚ್ಚಗಿನ ನೀರನ್ನು (Lukewarm Water) ಬಳಸಿ.
ಇದು ಹಿಟ್ಟಿನಲ್ಲಿರುವ ಗ್ಲುಟನ್ ಅಂಶವನ್ನು ಸಕ್ರಿಯಗೊಳಿಸಿ, ಹಿಟ್ಟು ನಯವಾಗಲು ನೆರವಾಗುತ್ತದೆ.
ಕಲಸುವಾಗ ಒಂದು ಚಮಚ ತುಪ್ಪ ಅಥವಾ ಎಣ್ಣೆ ಸೇರಿಸುವುದರಿಂದ ರೊಟ್ಟಿಯ ಪದರಗಳು ಒಣಗುವುದನ್ನು ತಡೆಯಬಹುದು.
ಹಿಟ್ಟು ಅತಿಯಾಗಿ ಗಟ್ಟಿಯಾಗದಂತೆ ಅಥವಾ ಅತಿಯಾಗಿ ನೀರಾಗದಂತೆ ಹದವಾಗಿ ಕಲಸಬೇಕು
ಅನೇಕರು ಮಾಡುವ ದೊಡ್ಡ ತಪ್ಪು ಎಂದರೆ ಹಿಟ್ಟು ಕಲಸಿದ ತಕ್ಷಣ ರೊಟ್ಟಿ ಮಾಡಲು ಮುಂದಾಗುವುದು.
ಕಲಸಿದ ಹಿಟ್ಟನ್ನು ಕನಿಷ್ಠ 20 ನಿಮಿಷಗಳ ಕಾಲ ಒದ್ದೆ ಬಟ್ಟೆ ಅಥವಾ ತಟ್ಟೆಯಿಂದ ಮುಚ್ಚಿಡಬೇಕು.
ಈ ವಿಶ್ರಾಂತಿ ಸಮಯವು ಹಿಟ್ಟಿನ ಕಣಗಳು ನೀರನ್ನು ಸರಿಯಾಗಿ ಹೀರಿಕೊಳ್ಳಲು ಸಹಾಯ ಮಾಡುತ್ತದೆ.
ಇದರಿಂದ ರೊಟ್ಟಿ ಲಟ್ಟಿಸಲು ಸುಲಭವಾಗುತ್ತದೆ ಮತ್ತು ಬೇಯಿಸಿದ ನಂತರ ದೀರ್ಘಕಾಲ ಮೃದುವಾಗಿರುತ್ತದೆ.
ರೊಟ್ಟಿ ಬೇಯಿಸಲು ತವಾ (ಹಂಚು) ಸರಿಯಾಗಿ ಬಿಸಿಯಾಗಿರಬೇಕು.
ತಣ್ಣಗಿರುವ ತವಾ ಮೇಲೆ ರೊಟ್ಟಿ ಹಾಕಿದರೆ ಅದು ಅಂಟಿಕೊಂಡು ಗಟ್ಟಿಯಾಗುತ್ತದೆ.
ರೊಟ್ಟಿಯನ್ನು ಹೆಚ್ಚು ಸಮಯ ಬೇಯಿಸಬೇಡಿ; ಅತಿಯಾಗಿ ಬೇಯಿಸುವುದರಿಂದ ತೇವಾಂಶ (Moisture) ಆವಿಯಾಗಿ ರೊಟ್ಟಿ ಗಟ್ಟಿಯಾಗುತ್ತದೆ.
ಮಧ್ಯಮ ಉರಿಯಲ್ಲಿ ಎರಡು ಬದಿ ಸಮನಾಗಿ ಬೆಂದು ಉಬ್ಬಿದ ಕೂಡಲೇ ತೆಗೆಯಬೇಕು.
ಬೇಯಿಸಿದ ತಕ್ಷಣ ಸ್ವಲ್ಪ ತುಪ್ಪ ಅಥವಾ ಬೆಣ್ಣೆ ಸವರುವುದು ಮೃದುತ್ವ ಕಾಪಾಡಲು ಸಹಕಾರಿ
ಬಿಸಿಯಾದ ರೊಟ್ಟಿಗಳನ್ನು ನೇರವಾಗಿ ಸ್ಟೀಲ್ ಡಬ್ಬಿಗೆ ಹಾಕಬೇಡಿ, ಏಕೆಂದರೆ ಹಬೆಯು ನೀರಾಗಿ ರೊಟ್ಟಿ ಮೆತ್ತಗಾಗಬಹುದು (Soggy).
ರೊಟ್ಟಿಯನ್ನು ಮೊದಲು ಒಂದು ಶುಭ್ರವಾದ ಹತ್ತಿ ಬಟ್ಟೆ ಅಥವಾ ಪೇಪರ್ ನ್ಯಾಪ್‌ಕಿನ್‌ನಲ್ಲಿ ಸುತ್ತಿ.
ನಂತರ ಅದನ್ನು ಕ್ಯಾಸರೋಲ್ (Casserole) ಅಥವಾ ಏರ್‌ಟೈಟ್ ಡಬ್ಬಿಯಲ್ಲಿ ಸಂಗ್ರಹಿಸಿ.
ಇದು ರೊಟ್ಟಿಯ ತೇವಾಂಶವನ್ನು ಉಳಿಸಿಕೊಂಡು ಹಾಳಾಗದಂತೆ ನೋಡಿಕೊಳ್ಳುತ್ತದೆ
ಲಂಚ್ ಬಾಕ್ಸ್‌ಗಾಗಿ ರೊಟ್ಟಿ ತಯಾರಿಸುತ್ತಿದ್ದರೆ, ಹಿಟ್ಟು ಕಲಸುವಾಗ ನೀರಿನ ಬದಲಿಗೆ ಸ್ವಲ್ಪ ಹಾಲು ಬಳಸಿ. ಹಾಲಿನಿಂದ ಕಲಸಿದ ಹಿಟ್ಟಿನ ರೊಟ್ಟಿಗಳು ದೀರ್ಘಕಾಲದವರೆಗೆ ಅತಿ ಹೆಚ್ಚು ಮೃದುತ್ವವನ್ನು ಕಾಯ್ದುಕೊಳ್ಳುತ್ತವೆ.
