ಸೌತೆಕಾಯಿ ಪಾಯಸ ಸವಿದಿದ್ದೀರಾ……? ಇಲ್ಲಿದೆ ಮಾಡುವ ವಿಧಾನ

ಸೌತೆಕಾಯಿಯಿಂದ ಸಾಂಬಾರ್, ದೋಸಾ, ಸಲಾಡ್ ಮಾಡಿ ತಿಂದಿರ್ತೀರಾ. ಸೌತೆಕಾಯಿಯಿಂದ ಪಾಯಸ ಕೂಡ ಮಾಡಬಹುದು.

ಸೌತೆಕಾಯಿ ಪಾಯಸ ಮಾಡಲು ಬೇಕಾಗುವ ಪದಾರ್ಥ:

2 ಬಲಿತ ಸೌತೆಕಾಯಿ

½ ಕಪ್ ಬೆಲ್ಲ

¼ ಲೋಟ ಸಕ್ಕರೆ

½ ಬಟ್ಟಲು ತೆಂಗಿನ ತುರಿ

1 ಕಪ್ ಹಾಲು

1 ಚಮಚ ನೆನೆಸಿಟ್ಟ ಅಕ್ಕಿ

1 ಚಮಚ ಗಸಗಸೆ

4-5 ಏಲಕ್ಕಿ, ಲವಂಗ

ಸ್ವಲ್ಪ ದ್ರಾಕ್ಷಿ, ಗೋಡಂಬಿ

ಸೌತೆಕಾಯಿ ಪಾಯಸ ಮಾಡುವ ವಿಧಾನ :

ಸೌತೆಕಾಯಿಯ ತಿರುಳು, ಬೀಜ ತೆಗೆದು ಸಣ್ಣ ಹೋಳುಗಳನ್ನಾಗಿ ಮಾಡಿ ನೀರಿನಲ್ಲಿ ಬೇಯಿಸಿಕೊಳ್ಳಿ. ತೆಂಗಿನ ತುರಿ, ಅಕ್ಕಿ, ಗಸಗಸೆ, ಏಲಕ್ಕಿ, ಲವಂಗ ಎಲ್ಲವನ್ನೂ ನುಣ್ಣಗೆ ಮಿಕ್ಸ್ ಮಾಡಿಕೊಂಡು ಅದನ್ನು ಬೆಂದ ಸೌತೆಕಾಯಿಗೆ ಸೇರಿಸಿ. ಬೆಲ್ಲ ಹಾಕಿ ಚೆನ್ನಾಗಿ ಕುದ್ದ ಮೇಲೆ ಕೆಳಗಿಳಿಸಿ ಹಾಲು, ತುಪ್ಪದಲ್ಲಿ ಕರಿದ ದ್ರಾಕ್ಷಿ, ಗೋಡಂಬಿಯನ್ನು ಸೇರಿಸಿ.