8 ಕೋಟಿ ‘EPFO’ ಸದಸ್ಯರಿಗೆ ಗುಡ್ ನ್ಯೂಸ್ : PF ಖಾತೆಗಳಿಗೆ ಬಡ್ಡಿ ಹಣ ಜಮೆ, ಹೀಗೆ ಬ್ಯಾಲೆನ್ಸ್ ಚೆಕ್ ಮಾಡಿ..!

ಈ ಬಾರಿ ಪಿಎಫ್ ಖಾತೆದಾರರು ಬಡ್ಡಿ ಹಣಕ್ಕಾಗಿ ಹೆಚ್ಚು ದಿನ ಕಾಯಬೇಕಾಗಿಲ್ಲ. ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (EPFO) ಇತ್ತೀಚೆಗೆ ತನ್ನ ಡೇಟಾಬೇಸ್ನ್ನು ಬಲಪಡಿಸಿ, ಸಾಫ್ಟ್ವೇರ್ ಅನ್ನು ಅಪ್ಗ್ರೇಡ್ ಮಾಡುವ ಮಹತ್ವದ ಕಾರ್ಯವನ್ನು ಪೂರ್ಣಗೊಳಿಸಿದೆ. ಈ ಹೊಸ ವ್ಯವಸ್ಥೆಯಿಂದ ಬಡ್ಡಿ ಹಣ ಜಮೆ ಪ್ರಕ್ರಿಯೆ ಹಿಂದಿನಿಗಿಂತ ವೇಗವಾಗಿ ನಡೆಯಲಿದೆ.

ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (EPFO)ಯ ಸುಮಾರು 8 ಕೋಟಿ ಸದಸ್ಯರಿಗೆ ಸಂತಸದ ಸುದ್ದಿ ಸಿಕ್ಕಿದೆ. 2025-26ನೇ ಹಣಕಾಸು ವರ್ಷದ ಪಿಎಫ್ ಠೇವಣಿಗಳ ಮೇಲೆ 8.25% ಬಡ್ಡಿದರಕ್ಕೆ ಕೇಂದ್ರ ಸರ್ಕಾರ ಅಧಿಕೃತ ಅನುಮೋದನೆ ನೀಡಿದೆ. ಸದಸ್ಯರ ಖಾತೆಗಳಿಗೆ ಸಾಧ್ಯವಾದಷ್ಟು ಬೇಗ ಬಡ್ಡಿ ಹಣ ಜಮೆ ಮಾಡುವಂತೆ EPFO ತನ್ನ ಎಲ್ಲಾ ಪ್ರಾದೇಶಿಕ ಕಚೇರಿಗಳಿಗೆ ಸೂಚನೆ ನೀಡಿದೆ.

ಹೊಸ ವ್ಯವಸ್ಥೆಯಿಂದ ಬಡ್ಡಿ ಹಣ ಜಮೆ ಇನ್ನಷ್ಟು ವೇಗ
ಈ ಬಾರಿ ಪಿಎಫ್ ಖಾತೆದಾರರು ಬಡ್ಡಿ ಹಣಕ್ಕಾಗಿ ದೀರ್ಘಕಾಲ ಕಾಯುವ ಅಗತ್ಯವಿಲ್ಲ. EPFO ತನ್ನ ಡೇಟಾಬೇಸ್ ಅನ್ನು ಬಲಪಡಿಸಿ, ಸಾಫ್ಟ್ವೇರ್ ಅನ್ನು ನವೀಕರಿಸಿದೆ. ಇದರಿಂದ ಬಡ್ಡಿ ಜಮೆ ಪ್ರಕ್ರಿಯೆ ಹೆಚ್ಚು ವೇಗವಾಗಿ ನಡೆಯಲಿದೆ.ಹಿಂದೆ ಎಲ್ಲಾ ಸದಸ್ಯರ ಖಾತೆಗಳಿಗೆ ಬಡ್ಡಿ ಹಣ ಜಮೆಯಾಗಲು ಒಂದು ಅಥವಾ ಎರಡು ತಿಂಗಳು ಬೇಕಾಗುತ್ತಿತ್ತು. ಆದರೆ ಈಗ ಈ ಪ್ರಕ್ರಿಯೆ ಬಹಳ ಕಡಿಮೆ ಸಮಯದಲ್ಲೇ ಪೂರ್ಣಗೊಳ್ಳುವ ನಿರೀಕ್ಷೆಯಿದೆ.

ಸರ್ಕಾರವು ಸತತ ಮೂರನೇ ವರ್ಷವೂ 8.25% ಬಡ್ಡಿದರವನ್ನು ಮುಂದುವರಿಸಿದೆ. ಈ ಬಡ್ಡಿದರವನ್ನು ಈ ವರ್ಷದ ಮಾರ್ಚ್ನಲ್ಲಿ EPFO ಕೇಂದ್ರ ಟ್ರಸ್ಟಿಗಳ ಮಂಡಳಿ (CBT) ಶಿಫಾರಸು ಮಾಡಿದ್ದು, ಜೂನ್ನಲ್ಲಿ ಕೇಂದ್ರ ಹಣಕಾಸು ಸಚಿವಾಲಯ ಅಂತಿಮ ಅನುಮೋದನೆ ನೀಡಿದೆ.

ಮನೆಯಿಂದಲೇ ನಿಮ್ಮ PF ಬ್ಯಾಲೆನ್ಸ್ ಪರಿಶೀಲಿಸುವುದು ಹೇಗೆ?

ಬಡ್ಡಿ ಹಣ ಖಾತೆಗೆ ಜಮೆಯಾದ ಬಳಿಕ ಕೆಳಗಿನ ನಾಲ್ಕು ಸರಳ ವಿಧಾನಗಳ ಮೂಲಕ ನಿಮ್ಮ ಪಿಎಫ್ ಬ್ಯಾಲೆನ್ಸ್ ಪರಿಶೀಲಿಸಬಹುದು.

1. EPFO ಪಾಸ್ಬುಕ್ ಪೋರ್ಟಲ್ ಮೂಲಕ
   • EPFO ಅಧಿಕೃತ ಪಾಸ್ಬುಕ್ ವೆಬ್ಸೈಟ್ ತೆರೆಯಿರಿ.
   • ನಿಮ್ಮ UAN ಸಂಖ್ಯೆ, ಪಾಸ್ವರ್ಡ್ ಹಾಗೂ ಕ್ಯಾಪ್ಚಾ ನಮೂದಿಸಿ ಲಾಗಿನ್ ಆಗಿ.
   • ನಂತರ ನಿಮ್ಮ PF Member ID ಆಯ್ಕೆ ಮಾಡಿ ಪಾಸ್ಬುಕ್ ವೀಕ್ಷಿಸಿ.
2. ಮಿಸ್ಡ್ ಕಾಲ್ ಮೂಲಕ
   • ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಯಿಂದ 9966044425 ಸಂಖ್ಯೆಗೆ ಮಿಸ್ಡ್ ಕಾಲ್ ನೀಡಿ.
   • ಎರಡು ರಿಂಗ್ಗಳ ನಂತರ ಕರೆ ಸ್ವಯಂಚಾಲಿತವಾಗಿ ಕಡಿತವಾಗುತ್ತದೆ.
   • ಬಳಿಕ ನಿಮ್ಮ ಮೊಬೈಲ್ಗೆ PF ಬ್ಯಾಲೆನ್ಸ್ ಮಾಹಿತಿ SMS ಮೂಲಕ ಬರುತ್ತದೆ.
3. SMS ಮೂಲಕ
   • ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಯಿಂದ EPFOHO UAN ENG ಎಂದು ಟೈಪ್ ಮಾಡಿ 7738299899 ಸಂಖ್ಯೆಗೆ SMS ಕಳುಹಿಸಿ.
   • ENG ಬದಲಿಗೆ ನಿಮಗೆ ಬೇಕಾದ ಭಾಷೆಯ ಕೋಡ್ನ್ನೂ ಬಳಸಬಹುದು.
4. UMANG ಆ್ಯಪ್ ಮೂಲಕ
   • UMANG ಆ್ಯಪ್ ಡೌನ್ಲೋಡ್ ಮಾಡಿ ಲಾಗಿನ್ ಆಗಿ.
   • ‘All Services’ ವಿಭಾಗದಲ್ಲಿ EPFO ಆಯ್ಕೆ ಮಾಡಿ.
   • ‘View Passbook’ ಮೇಲೆ ಕ್ಲಿಕ್ ಮಾಡಿ.
   • ನಿಮ್ಮ ನೋಂದಾಯಿತ ಮೊಬೈಲ್ಗೆ ಬಂದ OTP ನಮೂದಿಸಿದ ಬಳಿಕ ನಿಮ್ಮ PF ಬ್ಯಾಲೆನ್ಸ್ನ್ನು ಪರಿಶೀಲಿಸಬಹುದು.