ಚಿನ್ನದ ಬೆಲೆ ಮತ್ತೆ ಏರಿಕೆ ದಾಖಲೆಯ ಮಟ್ಟದತ್ತ ಗೋಲ್ಡ್‌ ರೇಟ್‌, ಬೆಳ್ಳಿ ದರ ಸ್ಥಿರ

ಮದುವೆ ಸೀಸನ್ ಆರಂಭ ಬೆನ್ನಲ್ಲೇ ಆಭರಣ ಪ್ರಿಯರಿಗೆ ಮತ್ತೆ ದರ ಏರಿಕೆಯ ಶಾಕ್ ಎದುರಾಗಿದೆ. ಕಳೆದ ಮೂರ್ನಾಲ್ಕು ದಿನಗಳಲ್ಲಿ 750 ರೂಪಾಯಿಯಷ್ಟು ಜಿಗಿದಿದ್ದ ಚಿನ್ನದ ದರ, ಇಂದು ಸೋಮವಾರವೂ ಏರಿಕೆ ಹಾದಿಯಲ್ಲೇ ಸಾಗಿದೆ.ಆಗಸ್ಟ್ 24 ರ ಸೋಮವಾರದ ವಹಿವಾಟಿನಲ್ಲಿ 10 ಗ್ರಾಂ 24 ಕ್ಯಾರಟ್ (ಅಪರಂಜಿ) ಚಿನ್ನದ ಬೆಲೆಯಲ್ಲಿ ₹880 ರಷ್ಟು ಏರಿಕೆಯಾಗಿದ್ದರೆ, 22 ಕ್ಯಾರಟ್ ಆಭರಣ ಚಿನ್ನದ ಬೆಲೆ ₹800 ರಷ್ಟು ಹೆಚ್ಚಾಗಿದೆ. ಇತ್ತ ಬೆಳ್ಳಿ ದರದಲ್ಲಿ ಕಳೆದ 4 ದಿನಗಳಿಂದ ಯಾವುದೇ ಬದಲಾವಣೆಯಾಗದೆ ಸ್ಥಿರತೆ ಕಾಯ್ದುಕೊಂಡಿದೆ.

ಇಂದಿನ ಚಿನ್ನ-ಬೆಳ್ಳಿ ದರ ವಿವರ (ಆಗಸ್ಟ್ 24):

ಬೆಂಗಳೂರು ಮತ್ತು ಭಾರತದ ಪ್ರಮುಖ ನಗರಗಳಲ್ಲಿ:

24 ಕ್ಯಾರಟ್ ಚಿನ್ನ (10 ಗ್ರಾಂ): ₹1,63,970 (1 ಗ್ರಾಂಗೆ: ₹16,397)

22 ಕ್ಯಾರಟ್ ಚಿನ್ನ (10 ಗ್ರಾಂ): ₹1,50,300 (1 ಗ್ರಾಂಗೆ: ₹15,030)

18 ಕ್ಯಾರಟ್ ಚಿನ್ನ (1 ಗ್ರಾಂ): ₹12,293

ಬೆಳ್ಳಿ ದರ (1 ಕೆಜಿ): ₹2,60,000 (100 ಗ್ರಾಂಗೆ: ₹26,000 1 ಗ್ರಾಂಗೆ: ₹260)

(ಗಮನಿಸಿ: ತಮಿಳುನಾಡು, ಕೇರಳ ಸೇರಿದಂತೆ ನೆರೆಯ ರಾಜ್ಯಗಳಲ್ಲಿ ಬೆಳ್ಳಿ ದರ ಕೆಜಿಗೆ ₹2,70,000 ತಲುಪಿದೆ.)

ಜಾಗತಿಕ ಮಾರುಕಟ್ಟೆ ಚಲನವಲನ:

ದೇಶೀಯವಾಗಿ ಮದುವೆ ಸೀಸನ್ ಬೇಡಿಕೆಯಿಂದಾಗಿ ದರ ಏರಿಕೆಯಾಗಿದ್ದರೂ, ಜಾಗತಿಕ ಮಾರುಕಟ್ಟೆಯಲ್ಲಿ ಸಣ್ಣಮಟ್ಟದ ಇಳಿಕೆ ಕಂಡುಬಂದಿದೆ. ಸ್ಪಾಟ್ ಗೋಲ್ಡ್ ದರ ಪ್ರತಿ ಔನ್ಸ್‌ಗೆ ಸುಮಾರು 7 ಡಾಲರ್ ಇಳಿಕೆಯಾಗಿ 4,618 ಡಾಲರ್‌ನಲ್ಲಿ ವಹಿವಾಟು ನಡೆಸುತ್ತಿದೆ. ಅಂತೆಯೇ ಜಾಗತಿಕವಾಗಿ ಸ್ಪಾಟ್ ಬೆಳ್ಳಿ ದರ ಶೇ. 1.24 ರಷ್ಟು ಇಳಿಕೆಯಾಗಿ ಪ್ರತಿ ಔನ್ಸ್‌ಗೆ 68 ಡಾಲರ್‌ ತಲುಪಿದೆ.