ಬೆಂಗಳೂರು: ದೇಶೀಯ ಮಾರುಕಟ್ಟೆಯಲ್ಲಿ ಹಳದಿ ಲೋಹದ ಬೆಲೆ ಏರಿಕೆ ಪರ್ವ ಸತತವಾಗಿ ಮುಂದುವರಿದಿದ್ದು, ಗುರುವಾರವೂ (ಆಗಸ್ಟ್ 13) ಚಿನ್ನದ ದರದಲ್ಲಿ ಮತ್ತೆ ಹೆಚ್ಚಳ ಕಂಡುಬಂದಿದೆ. ಕಳೆದ ಎರಡು ದಿನಗಳಿಂದ ಸಸತವಾಗಿ ಏರಿಕೆಯಾಗುತ್ತಿರುವ ಚಿನ್ನದ ಬೆಲೆ ಇದೀಗ ಸಾರ್ವಕಾಲಿಕ ಗರಿಷ್ಠ ಮಟ್ಟವನ್ನು ತಲುಪಿದೆ. ಆದರೆ, ಖರೀದಿದಾರರಿಗೆ ಕೊಂಚ ನೆಮ್ಮದಿ ನೀಡುವ ವಿಷಯವೆಂದರೆ ಬೆಳ್ಳಿ ಬೆಲೆಯಲ್ಲಿ ಯಾವುದೇ ಬದಲಾವಣೆಯಾಗದೆ ತಟಸ್ಥವಾಗಿದೆ.
ಜಾಗತಿಕ ಮಟ್ಟದಲ್ಲಿ ಹಣದುಬ್ಬರದ ಭೀತಿ ಕಡಿಮೆಯಾಗಿರುವುದು ಹಾಗೂ ಬಡ್ಡಿದರ ಏರಿಕೆಯ ಕುರಿತು ಅನಿಶ್ಚಿತತೆ ವ್ಯಕ್ತವಾಗಿರುವ ಹಿನ್ನೆಲೆಯಲ್ಲಿ ಹೂಡಿಕೆದಾರರು ಬಂಗಾರ ಮತ್ತು ಬೆಳ್ಳಿಯತ್ತ ಹೆಚ್ಚಿನ ಆಸಕ್ತಿ ತೋರಿಸುತ್ತಿದ್ದಾರೆ. ಇದರ ಪರಿಣಾಮವಾಗಿ ಮಾರುಕಟ್ಟೆಯಲ್ಲಿ ಲೋಹಗಳ ದರ ಭಾರಿ ಜಿಗಿತ ಕಾಣುತ್ತಿದೆ.
ಇಂದಿನ ಚಿನ್ನದ ದರ ಪಟ್ಟಿ (ಆಗಸ್ಟ್ 13, 2026):
24 ಕ್ಯಾರೆಟ್ (ಅಪರಂಜಿ ಚಿನ್ನ): 1 ಗ್ರಾಂ ಶುದ್ಧ ಚಿನ್ನದ ಬೆಲೆಯಲ್ಲಿ ₹27 ಏರಿಕೆಯಾಗಿದ್ದು, ಪ್ರಸ್ತುತ ₹15,513 ತಲುಪಿದೆ. 10 ಗ್ರಾಂ ಶುದ್ಧ ಚಿನ್ನದ ಬೆಲೆ ₹270 ಹೆಚ್ಚಳವಾಗಿ ಬರೋಬ್ಬರಿ ₹1,55,130 ತಲುಪಿದೆ.
22 ಕ್ಯಾರೆಟ್ (ಆಭರಣ ಚಿನ್ನ): 1 ಗ್ರಾಂ ಆಭರಣ ಚಿನ್ನದ ಬೆಲೆ ₹25 ಏರಿಕೆಯಾಗಿ ₹14,220 ತಲುಪಿದೆ. 10 ಗ್ರಾಂ ಬೆಲೆಯಲ್ಲಿ ₹250 ಹೆಚ್ಚಳವಾಗಿದ್ದು, ಪ್ರಸ್ತುತ ₹1,42,200 ರಷ್ಟಿದೆ.
18 ಕ್ಯಾರೆಟ್ ಚಿನ್ನ: 1 ಗ್ರಾಂ ಬೆಲೆ ₹210 ಏರಿಕೆಯಾಗಿದ್ದು, ₹11,635 ರಂತೆ ಮಾರಾಟವಾಗುತ್ತಿದೆ. 10 ಗ್ರಾಂ ಬೆಲೆ ₹1,16,350 ತಲುಪಿದೆ.
ಬೆಂಗಳೂರು ಮಾರುಕಟ್ಟೆ ಹಾಗೂ ಬೆಳ್ಳಿ ದರ:
ರಾಜಧಾನಿ ಬೆಂಗಳೂರಿನಲ್ಲಿ 24 ಕ್ಯಾರೆಟ್ನ ಶುದ್ಧ ಚಿನ್ನದ ಗ್ರಾಂ ಬೆಲೆ ₹15,513 ತಲುಪಿದೆ. ಇನ್ನು ಬೆಳ್ಳಿ ಬೆಲೆಯಲ್ಲಿ ಇಂದು ಯಾವುದೇ ವ್ಯತ್ಯಾಸವಾಗಿಲ್ಲ. 1 ಗ್ರಾಂ ಬೆಳ್ಳಿಯ ಬೆಲೆ ₹255 ರಷ್ಟಿದ್ದು, 1 ಕೆಜಿ ಬೆಳ್ಳಿಯ ದರ ₹2,55,000 ನಲ್ಲಿ ಸ್ಥಿರವಾಗಿದೆ.
ಕಳೆದ 12 ದಿನಗಳ ವಹಿವಾಟನ್ನು ಗಮನಿಸಿದರೆ, ದೇಶೀಯ ಮಾರುಕಟ್ಟೆಯಲ್ಲಿ ಚಿನ್ನದ ದರದಲ್ಲಿ ಒಟ್ಟಾರೆಯಾಗಿ ಬರೋಬ್ಬರಿ ₹10,000 ದಷ್ಟು ಭಾರಿ ಏರಿಕೆ ದಾಖಲಾಗಿರುವುದು ಹೂಡಿಕೆದಾರರಲ್ಲಿ ಹೊಸ ಸಂಚಲನ ಮೂಡಿಸಿದೆ.
ಬೆಂಗಳೂರು ಸೇರಿದಂತೆ ಪ್ರಮುಖ ನಗರಗಳಲ್ಲಿ 24 ಕ್ಯಾರೆಟ್ ಚಿನ್ನದ ಬೆಲೆ
ನಗರಗಳ ಹೆಸರು ಚಿನ್ನದ ಬೆಲೆ (10 ಗ್ರಾಂ)
ಬೆಂಗಳೂರು ₹1,55,130
ನಾಗ್ಪುರ ₹1,55,130
ಮುಂಬೈ ₹1,55,130
ಚೆನ್ನೈ ₹1,55,130
ಕೋಲ್ಕತ್ತಾ ₹1,55,130
ಪಾಟ್ನಾ ₹1,55,180
ಸೂರತ್ ₹1,55,180
ಚಂಡೀಗಢ ₹1,55,280
ಲಕ್ನೋ ₹1,55,280
