ರೋಟಿ, ಚಪಾತಿ ಮಾಡಿದಾಗ ಸೈಡ್ ಡಿಶ್ ಗೆ ಏನಾದರೂ ಇದ್ದರೆ ಚೆನ್ನಾಗಿರುತ್ತದೆ. ಅದರಲ್ಲೂ ಮೊಟ್ಟೆ ಕರ್ರಿ ಇದ್ದರೆ ಕೇಳಬೇಕೆ…? ಇಲ್ಲಿ ರುಚಿಕರವಾದ ಹಾಗೂ ಬೇಗನೆ ಆಗುವಂತಹ ಮೊಟ್ಟೆ ಕರ್ರಿ ಇದೆ. ಮನೆಯಲ್ಲಿ ಟ್ರೈ ಮಾಡಿ.
ಬೇಕಾಗುವ ಸಾಮಗ್ರಿ
4- ಬೇಯಿಸಿದ ಮೊಟ್ಟೆ, 2 ಟೇಬಲ್ ಸ್ಪೂನ್- ಎಣ್ಣೆ, 1 ½ ಟೀ ಸ್ಪೂನ್- ಜೀರಿಗೆ, ¾ ಕಪ್– ಟೊಮೆಟೊ ಪ್ಯೂರಿ, ½ ಕಪ್- ನೀರು, ½ ಕಪ್- ಈರುಳ್ಳಿ ಕತ್ತರಿಸಿದ್ದು, 2- ಹಸಿಮೆಣಸು ಕತ್ತರಿಸಿದ್ದು, ½ ಟೀ ಸ್ಪೂನ್- ಅರಿಶಿನ, 1 ½ ಟೀ ಸ್ಪೂನ್- ಖಾರದ ಪುಡಿ, 2 ಟೀ ಸ್ಪೂನ್- ಧನಿಯಾ ಪುಡಿ, 1 ಟೀ ಸ್ಪೂನ್- ಗರಂ ಮಸಾಲ, ಉಪ್ಪು- ರುಚಿಗೆ ತಕ್ಕಷ್ಟು, ಕೊತ್ತಂಬರಿಸೊಪ್ಪು- ಸ್ವಲ್ಪ.
ಮಾಡುವ ವಿಧಾನ
ಗ್ಯಾಸ್ ಮೇಲೆ ಒಂದು ಪ್ಯಾನ್ ಇಟ್ಟು ಅದಕ್ಕೆ ಎಣ್ಣೆ ಹಾಕಿ ನಂತರ ಜೀರಿಗೆ ಸೇರಿಸಿ. ಇದು ಸಿಡಿಯುತ್ತಿದ್ದಂತೆ ಈರುಳ್ಳಿ, ಹಸಿಮೆಣಸು ಹಾಕಿ 2 ನಿಮಿಷಗಳ ಕಾಲ ಫ್ರೈ ಮಾಡಿ. ಆಮೇಲೆ ಅರಿಶಿನ ಸೇರಿಸಿ ಮಿಕ್ಸ್ ಮಾಡಿ ಖಾರದ ಪುಡಿ, ಧನಿಯಾ ಪುಡಿ, ಗರಂ ಮಸಾಲ, ಉಪ್ಪು ಸೇರಿಸಿ 1 ನಿಮಿಷಗಳ ಕಾಲ ಚೆನ್ನಾಗಿ ಫ್ರೈ ಮಾಡಿ.
ಟೊಮೆಟೋ ಪ್ಯೂರಿ ಸೇರಿಸಿ ಮಿಕ್ಸ್ ಮಾಡಿ. ಇದಕ್ಕೆ ನೀರು ಸೇರಿಸಿ ಒಂದು ಮುಚ್ಚಳ ಮುಚ್ಚಿ 5 ನಿಮಿಷಗಳ ಕಾಲ ಬೇಯಿಸಿಕೊಳ್ಳಿ. ನಂತರ ಮೊಟ್ಟೆ, ಕೊತ್ತಂಬರಿ ಸೊಪ್ಪು ಸೇರಿಸಿ 2 ನಿಮಿಷಗಳ ಕಾಲ ಫ್ರೈ ಮಾಡಿಕೊಂಡು ಗ್ಯಾಸ್ ಆಫ್ ಮಾಡಿದರೆ ರುಚಿಕರವಾದ ಮೊಟ್ಟೆ ಕರ್ರಿ ಸವಿಯಲು ಸಿದ್ಧ.
