ಗರ್ಭದಲ್ಲಿರುವ ಮಗು ಮೊದಲ ಬಾರಿ ಒದೆಯುವುದು, ಚಲಿಸುವುದು ಮಾಡಿದಾಗ ತಾಯಿಯಾದವಳಿಗೆ ಸಿಗುವ ಅನುಭವವೇ ಅನನ್ಯವಾದದ್ದು. ಮಗು ತಾನು ಬೆಳೆಯುತ್ತಿರುವುದನ್ನು ಸೂಚಿಸಲು ಈ ಎಲ್ಲಾ ಚಟುವಟಿಕೆಗಳನ್ನು ಮಾಡುತ್ತಿರುತ್ತದೆ.
ಸಾಮಾನ್ಯವಾಗಿ ಈ ಒದೆತಗಳು 20 ವಾರಗಳ ಬಳಿಕ ಆರಂಭಗೊಳ್ಳುತ್ತದೆ. ಮೂರನೇ ತ್ರೈಮಾಸಿಕದಲ್ಲಿ ಈ ಕಿಕ್ ಗಳು ಸ್ವಲ್ಪ ಕಡಿಮೆ ಇರಬಹುದು. ಏಕೆಂದರೆ ಮಗು ಹೊಟ್ಟೆಯ ಒಳಭಾಗದ ತುಂಬಾ ತುಂಬಿಕೊಂಡಿರುತ್ತದೆ.
ಹೀಗಿದ್ದೂ ಮಗುವಿನ ಚಲನೆ ಕಂಡು ಬರುತ್ತಿಲ್ಲ ಎಂಬುದು ತಿಳಿದಾಕ್ಷಣ ನೀವು ವೈದ್ಯರನ್ನು ಸಂಪರ್ಕಿಸುವುದು ಒಳ್ಳೆಯದು. ಸಾಮಾನ್ಯವಾಗಿ ಮಕ್ಕಳು ಬೆಳಿಗ್ಗೆ ಮತ್ತು ಸಂಜೆ ಹೆಚ್ಚು ಸಕ್ರಿಯವಾಗಿರುತ್ತಾರೆ. ಆ ಸಮಯದಲ್ಲಿ ಚಲನೆಯನ್ನು ಗಮನಿಸಿ.
ಸತತ ಒಂದು ಗಂಟೆ ಹೊತ್ತು ಕಿಕ್ ಕಾಣಿಸದಿದ್ದರೆ ಜ್ಯೂಸ್ ಕುಡಿಯಿರಿ ಇಲ್ಲವೇ ಸಿಹಿ ತಿನ್ನಿ. ಬಲಬದಿಗೆ ಮಲಗಿ. ಆಗಲೂ ಚಲನೆ ಕಾಣಿಸದಿದ್ದರೆ ವೈದ್ಯರನ್ನು ಭೇಟಿ ಮಾಡಿ.
