ಬೆಂಗಳೂರು: ಇಡೀ ನಾಡೇ ಅತ್ಯಂತ ಕುತೂಹಲದಿಂದ ಕಾಯುತ್ತಿದ್ದ ರಾಜ್ಯ ರಾಜಕಾರಣದ ಆ ಮಹತ್ವದ ಕ್ಷಣಕ್ಕೆ ಕೊನೆಗೂ ಕೌಂಟ್‌ಡೌನ್ ಶುರುವಾಗಿದೆ.ಕೆಪಿಸಿಸಿ ಅಧ್ಯಕ್ಷ, ಕಾಂಗ್ರೆಸ್‌ನ ಟ್ರಬಲ್ ಶೂಟರ್ ಎಂದೇ ಖ್ಯಾತರಾಗಿರುವ ಡಿ.ಕೆ. ಶಿವಕುಮಾರ್ ಅವರು ರಾಜ್ಯದ ನೂತನ ಮುಖ್ಯಮಂತ್ರಿಯಾಗಿ ಅಧಿಕಾರ ಸ್ವೀಕರಿಸಲು ಕ್ಷಣಗಣನೆ ಬಾಕಿ ಇವೆ. ಇಂದು ಸಂಜೆ ಭರ್ಜರಿ ಮುಹೂರ್ತದಲ್ಲಿ, ಅಂದರೆ ಸರಿಯಾಗಿ 4:05ಕ್ಕೆ ಡಿ.ಕೆ. ಶಿವಕುಮಾರ್ ಅವರು ಕರ್ನಾಟಕದ ಮುಖ್ಯಮಂತ್ರಿಯಾಗಿ ಭವ್ಯವಾಗಿ ಪ್ರತಿಜ್ಞಾವಿಧಿ ಸ್ವೀಕರಿಸಲಿದ್ದಾರೆ.
ವಿಶೇಷವೆಂದರೆ, ಈ ಪದಗ್ರಹಣ ಸಮಾರಂಭಕ್ಕೆ ಕೇವಲ ರಾಜಕೀಯ ಲೆಕ್ಕಾಚಾರ ಮಾತ್ರವಲ್ಲದೆ, ಜ್ಯೋತಿಷ್ಯ ಮತ್ತು ಸಂಖ್ಯಾಶಾಸ್ತ್ರದ ಹಿನ್ನೆಲೆಯಲ್ಲಿ ಅತ್ಯಂತ ಅಪರೂಪದ ಹಾಗೂ ಅಪ್ರತಿಮ ಶಕ್ತಿಶಾಲಿ ಮಾಲವ್ಯ ಯೋಗದ (Malavya Yoga) ರಾಜಮುಹೂರ್ತವನ್ನು ನಿಗದಿಪಡಿಸಲಾಗಿದೆ ರಾಜಕೀಯ ಇತಿಹಾಸದಲ್ಲೇ ಇಷ್ಟೊಂದು ಯೋಚಿಸಿ ಇಟ್ಟಿರುವ ಈ ಮುಹೂರ್ತದ ಮಾಹಿತಿ ಇಲ್ಲಿದೆ:
ಏನಿದು ಮಾಲವ್ಯ ಯೋಗ? ಮುಹೂರ್ತದ ವಿಶೇಷತೆ ಏನು?
ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಇಂದು (ಜೂನ್ 3) ಸಂಜೆ 4:05ರ ಸಮಯ ಅತ್ಯಂತ ಪ್ರಭಾವಶಾಲಿ ರಾಜಯೋಗವನ್ನು ಸೃಷ್ಟಿಸುತ್ತಿದೆ. ಅಷ್ಟಕ್ಕೂ ಈ ಮುಹೂರ್ತದಲ್ಲೇ ಪ್ರಮಾಣವಚನ ಸ್ವೀಕರಿಸುತ್ತಿರುವುದರ ಹಿಂದಿನ ಜ್ಯೋತಿಷ್ಯ ರಹಸ್ಯಗಳು ಹೀಗಿವೆ:
ತುಲಾ ಲಗ್ನದ ಜಾದೂ: ಇಂದು ಸಂಜೆ 4:05ಕ್ಕೆ ಸರಿಯಾಗಿ ಆಕಾಶ ಮಂಡಲದಲ್ಲಿ ತುಲಾ ಲಗ್ನ ಇರಲಿದೆ. ಜ್ಯೋತಿಷ್ಯದ ಪ್ರಕಾರ, ತುಲಾ ಲಗ್ನವು ಸಾರ್ವಜನಿಕ ಜೀವನ, ಜನಪ್ರಿಯತೆ ಮತ್ತು ರಾಜಕೀಯ ನಾಯಕತ್ವಕ್ಕೆ ಅಪಾರವಾದ ಸಕಾರಾತ್ಮಕ ಶಕ್ತಿಯನ್ನು ನೀಡುತ್ತದೆ.
ಉಚ್ಚ ಸ್ಥಿತಿಯಲ್ಲಿ ಗುರು ಬಲ: ಪ್ರಸ್ತುತ ಗ್ರಹಗತಿಗಳ ಜಾತಕದಲ್ಲಿ ದೇವಗುರು ಬೃಹಸ್ಪತಿ (ಗುರು ಗ್ರಹ) ಉಚ್ಚ ಸ್ಥಿತಿಯಲ್ಲಿದ್ದಾನೆ. ಇದು ರಾಜಕೀಯವಾಗಿ ಅದ್ಭುತ ಯಶಸ್ಸು, ಕೀರ್ತಿ ಹಾಗೂ ಆಡಳಿತದಲ್ಲಿ ಎದುರಾಗುವ ಎಷ್ಟು ದೊಡ್ಡ ಸವಾಲುಗಳು ಮತ್ತು ವಿರೋಧಿಗಳ ಕುತೂಹಲಗಳನ್ನು ಮೆಟ್ಟಿ ನಿಲ್ಲುವ ಶಕ್ತಿಯನ್ನು ಒದಗಿಸಲಿದೆ.
ಸ್ಥಿರ ಆಡಳಿತಕ್ಕೆ ಸಕಾಲ: ಮಾಲವ್ಯ ಯೋಗ ಮತ್ತು ಗುರು ಬಲ ಒಟ್ಟಿಗೆ ಕೂಡಿ ಬಂದಿರುವುದರಿಂದ, ಡಿಕೆಶಿ ನೇತೃತ್ವದ ನೂತನ ಸರ್ಕಾರಕ್ಕೆ ಇದು ದೀರ್ಘಾವಧಿಯ ಸುಗಮ ಹಾಗೂ ಸ್ಥಿರ ಆಡಳಿತ ನಡೆಸಲು ಭದ್ರ ಬುನಾದಿ ಹಾಕಿಕೊಡಲಿದೆ ಎಂದು ಜ್ಯೋತಿಷ್ಯ ತಜ್ಞರು ವಿಶ್ಲೇಷಿಸುತ್ತಿದ್ದಾರೆ.
ಸವಾಲುಗಳನ್ನೆಲ್ಲ ಮೆಟ್ಟಿ ನಿಲ್ಲುತ್ತಾ ಕನಕಪುರ ಬಂಡೆ?
ಈಗಾಗಲೇ ಹತ್ತಾರು ರಾಜಕೀಯ ಏಳುಬೀಳುಗಳು, ಕಾನೂನು ಹೋರಾಟಗಳು ಹಾಗೂ ಐಟಿ-ಇಡಿ ದಾಳಿಗಳನ್ನು ಧೀರತನದಿಂದಲೇ ಎದುರಿಸಿ ಗೆದ್ದಿರುವ ಡಿ.ಕೆ.ಶಿವಕುಮಾರ್ ಅವರಿಗೆ ಈ ಮಾಲವ್ಯ ಯೋಗದ ಮುಹೂರ್ತವು ಮತ್ತಷ್ಟು ಆನೆ ಬಲ ತರಲಿದೆ ಎನ್ನಲಾಗುತ್ತಿದೆ. ರಾಜಕೀಯ ವರ್ತುಲದಲ್ಲಿ ಹರಿದಾಡುತ್ತಿರುವ ಮಾಹಿತಿ ಪ್ರಕಾರ, ಖುದ್ದು ಡಿಕೆಶಿ ಅವರ ಆಪ್ತ ಜ್ಯೋತಿಷಿಗಳ ಸಲಹೆಯ ಮೇರೆಗೆ ಈ ಒಂದು ನಿಮಿಷವೂ ಮಿಸ್ ಆಗದಂತೆ ಸಂಜೆ 4:05ರ ಸಮಯವನ್ನೇ ಹೈಕಮಾಂಡ್ ಮುಂದೆ ಇಟ್ಟು ಗ್ರೀನ್ ಸಿಗ್ನಲ್ ಪಡೆದುಕೊಳ್ಳಲಾಗಿದೆ.
ಲೋಕಭವನದ ಭವ್ಯ ಗಾಜಿನಮನೆಯಲ್ಲಿ ಇನ್ನು ಕೆಲವೇ ಗಂಟೆಗಳಲ್ಲಿ ಈ ಐತಿಹಾಸಿಕ ಮುಹೂರ್ತದಲ್ಲಿ ಕನಕಪುರ ಬಂಡೆಯ ಪಟ್ಟಾಭಿಷೇಕ ನೆರವೇರಲಿದ್ದು, ನಾಡಿನ ಅದೃಶ್ಯ ರಾಜಯೋಗದ ಹೊಸ ಅಧ್ಯಾಯ ಇಂದಿನಿಂದ ಶುರುವಾಗಲಿದೆ.
