ಭಾನುವಾರ ಲಂಡನ್ನಿಂದ ಮ್ಯಾಂಚೆಸ್ಟರ್ಗೆ ರೈಲಿನಲ್ಲಿ ಪ್ರಯಾಣಿಸುತ್ತಿದ್ದ 26 ವರ್ಷದ ಭಾರತೀಯ ಮೂಲದ ಗೇಬ್ರಿಯೆಲ್ ಫೋರ್ಸಿತ್ ಎಂಬ ಮಹಿಳೆ ಜನಾಂಗೀಯ ನಿಂದನೆ ಎದುರಿಸುವಂತಾಯಿತು. ರೈಲಿನಲ್ಲಿ ಸಹ ಪ್ರಯಾಣಿಕರೊಂದಿಗೆ ಮಾತನಾಡುತ್ತಿದ್ದಾಗ, ಪಕ್ಕದಲ್ಲಿದ್ದ ವ್ಯಕ್ತಿಯೊಬ್ಬರು ಆಕಸ್ಮಿಕವಾಗಿ ಅವರ ಮಾತುಗಳನ್ನು ಕೇಳಿಸಿಕೊಂಡು ಜನಾಂಗೀಯ ನಿಂದನೆ ಮಾಡಲು ಪ್ರಾರಂಭಿಸಿದ್ದು, ಈ ಘಟನೆಯನ್ನು ಫೋರ್ಸಿತ್ ತಮ್ಮ ಮೊಬೈಲ್ನಲ್ಲಿ ಸೆರೆಹಿಡಿದಿದ್ದಾರೆ.
ಆರೋಪಿ ವ್ಯಕ್ತಿ “ನೀವು ಇಂಗ್ಲೆಂಡ್ನಲ್ಲಿದ್ದೀರಾ, ನೀವು ಏನನ್ನೋ ಹೇಳುತ್ತಿದ್ದೀರಾ. ನೀವು ಏನನ್ನೂ ಹೇಳದಿದ್ದರೆ ನೀವು ಇಂಗ್ಲೆಂಡ್ನಲ್ಲಿ ಇರಲು ಸಾಧ್ಯವಿಲ್ಲ. ಇಂಗ್ಲಿಷ್ ಜನರು ಜಗತ್ತನ್ನು ವಶಪಡಿಸಿಕೊಂಡರು ಮತ್ತು ಅದನ್ನು ನಿಮಗೆ ಹಿಂತಿರುಗಿಸಿದರು. ನಾವು ಭಾರತವನ್ನು ವಶಪಡಿಸಿಕೊಂಡೆವು, ನಮಗೆ ಅದು ಬೇಡವಾಗಿತ್ತು, ನಾವು ಅದನ್ನು ನಿಮಗೆ ಹಿಂತಿರುಗಿಸಿದ್ದೇವೆ” ಎಂದು ಹೇಳಿದ್ದಾರೆ. ಅಲ್ಲದೆ, ಇತರ ಪ್ರಯಾಣಿಕರನ್ನು “ವಲಸಿಗರು” ಎಂದು ನಿಂದಿಸಿದ್ದಾರೆ.
ಈ ಘಟನೆಯ ನಂತರ ಫೋರ್ಸಿತ್ ಆನ್ಲೈನ್ನಲ್ಲೂ ಅಪಮಾನಕ್ಕೆ ಒಳಗಾಗಿದ್ದು, ಅನೇಕರು ಅವರನ್ನು ಜನಾಂಗೀಯ ನಿಂದನೆ ಮಾಡಿದ್ದಾರೆ. ಈ ಬಗ್ಗೆ ಪ್ರತಿಕ್ರಿಯಿಸಿದ ಫೋರ್ಸಿತ್, “ನಾನು ಈ ವೀಡಿಯೊದಿಂದ ಎಷ್ಟು ನಿಂದನೆ ಸ್ವೀಕರಿಸಿದ್ದೇನೆಂದರೆ ನನಗೆ ಆಶ್ಚರ್ಯವಾಗಿದೆ. ಅಸ್ತಿತ್ವದಲ್ಲಿದ್ದ ಜನಾಂಗೀಯ ನಿಂದನೆಗಳ ಬಗ್ಗೆ ನನಗೆ ತಿಳಿದಿರಲಿಲ್ಲ” ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.
ಫೋರ್ಸಿತ್ ಈ ಘಟನೆಯನ್ನು ಬ್ರಿಟಿಷ್ ಸಾರಿಗೆ ಪೊಲೀಸರಿಗೆ (ಬಿಟಿಪಿ) ವರದಿ ಮಾಡಿದ್ದು, “ನನ್ನ ಗುರುತಿನ ಬಗ್ಗೆ ನನಗೆ ಹೆಮ್ಮೆ ಇದೆ” ಎಂದು ಅವರು ಹೇಳಿದ್ದಾರೆ.
View this post on Instagram
Also I just want to say you could never make me ashamed of being brown. I will never be ashamed of my heritage, and I will never be afraid of Nazis or bigots. Call me whatever, threaten me with whatever. I’m not going anywhere and you can die mad about it.
— gabrielle ☭ (@forsyth_gabby) February 10, 2025
