ಬಾಲಿವುಡ್ನ ಗ್ಲಾಮರ್ ಕ್ವೀನ್ ದಿಶಾ ಪಟಾನಿ ತಮ್ಮ ಬೋಲ್ಡ್ ಮತ್ತು ಸ್ಟೈಲಿಶ್ ಫ್ಯಾಷನ್ ಸೆನ್ಸ್ ಮೂಲಕ ಸದಾ ಸುದ್ದಿಯಲ್ಲಿರುತ್ತಾರೆ. ಇತ್ತೀಚೆಗೆ ಮುಂಬೈನಲ್ಲಿ ನಡೆದ ‘ವೆಲ್ಕಮ್ ಟು ದಿ ಜಂಗಲ್’ (ವೆಲ್ಕಮ್ 3) ಚಿತ್ರದ ಅದ್ಧೂರಿ ಟ್ರೈಲರ್ ಲಾಂಚ್ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ದಿಶಾ, ತಮ್ಮ ಹೊಚ್ಚ ಹೊಸ ಲುಕ್ ಮೂಲಕ ಎಲ್ಲರ ಗಮನ ಸೆಳೆದಿದ್ದಾರೆ. ಈ ಬಿಗ್ ಬಜೆಟ್ ಕಾಮಿಡಿ ಮಲ್ಟಿಸ್ಟಾರರ್ ಸಿನಿಮಾದಲ್ಲಿ ಅಕ್ಷಯ್ ಕುಮಾರ್, ಜಾಕ್ವೆಲಿನ್ ಫೆರ್ನಾಂಡಿಸ್, ರವೀನಾ ಟಂಡನ್, ಸುನಿಲ್ Shetty ಸೇರಿದಂತೆ ದೊಡ್ಡ ತಾರಾಬಳಗವಿದ್ದು, ಜೂನ್ 26 ರಂದು ಸಿನಿಮಾ ತೆರೆಗೆ ಬರಲು ಸಜ್ಜಾಗಿದೆ.
ಲೈಮ್ ಗ್ರೀನ್ ಡ್ರೆಸ್ನಲ್ಲಿ ಟ್ರೋಪಿಕಲ್ ವೈಬ್ಸ್
ಟ್ರೈಲರ್ ಬಿಡುಗಡೆ ಸಮಾರಂಭಕ್ಕಾಗಿ ನಟಿ ದಿಶಾ ಪಟಾನಿ ಪ್ರಖ್ಯಾತ ಫ್ಯಾಷನ್ ಬ್ರ್ಯಾಂಡ್ ‘ಜೇಡೆಡ್ ಲಂಡನ್’ ವಿನ್ಯಾಸಗೊಳಿಸಿದ ಹೊಳೆಯುವ ಲೈಮ್ ಗ್ರೀನ್ (ತಿಳಿ ಹಸಿರು) ಬಣ್ಣದ ಶಾರ್ಟ್ ಡ್ರೆಸ್ ಧರಿಸಿದ್ದರು. ಈ ಡ್ರೆಸ್ನ ವೇಸ್ಟ್ ಕಟ್ಔಟ್ ಮತ್ತು ಥೈಯ್-ಹೈ ಸ್ಲಿಟ್ (ತೊಡೆಯ ಭಾಗದ ಕಟ್) ನಟಿಯ ಗ್ಲಾಮರಸ್ ಲುಕ್ ಅನ್ನು ಮತ್ತಷ್ಟು ಹೆಚ್ಚಿಸಿತ್ತು. ಬೇಸಿಗೆಯ ಹಬ್ಬದ ವಾತಾವರಣಕ್ಕೆ ಮ್ಯಾಚ್ ಆಗುವಂತಹ ಈ ಬ್ರೈಟ್ ಕಲರ್ ಔಟ್ಫಿಟ್ನಲ್ಲಿ ದಿಶಾ ಸಖತ್ ಬೋಲ್ಡ್ ಆಗಿ ಕಾಣಿಸಿಕೊಂಡಿದ್ದಾರೆ.
ಸಾಮಾನ್ಯವಾಗಿ ಇಂತಹ ಸಂಜೆ ಪಾರ್ಟಿ ಅಥವಾ ಸಿನಿಮಾ ಇವೆಂಟ್ಗಳಲ್ಲಿ ನಟಿಯರು ಬ್ಲ್ಯಾಕ್, ವೈಟ್ ಅಥವಾ ನ್ಯೂಟ್ರಲ್ ಬಣ್ಣಗಳ ಡ್ರೆಸ್ ಧರಿಸಲು ಇಷ್ಟಪಡುತ್ತಾರೆ. ಆದರೆ ದಿಶಾ ಪಟಾನಿ ಮಾತ್ರ ಈ ಸಾಂಪ್ರದಾಯಿಕ ಶೈಲಿಯನ್ನು ಬದಿಗೊತ್ತಿ, ಬ್ರೈಟ್ ಲೈಮ್ ಗ್ರೀನ್ ಬಣ್ಣ ಆರಿಸಿಕೊಳ್ಳುವ ಮೂಲಕ ಹೊಸ ಫ್ಯಾಷನ್ ಟ್ರೆಂಡ್ ಸೆಟ್ ಮಾಡಿದ್ದಾರೆ.
ಸಿಂಪಲ್ ಆಕ್ಸೆಸರೀಸ್, ಗ್ಲಾಮರಸ್ ಮೇಕಪ್
ತಮ್ಮ ಡ್ರೆಸ್ ಹೈಲೈಟ್ ಆಗಬೇಕೆಂಬ ಕಾರಣಕ್ಕೆ ದಿಶಾ ಪಟಾನಿ ಅತಿ ಹೆಚ್ಚು ಆಭರಣಗಳನ್ನು ಧರಿಸದೆ ಕೇವಲ ಸರಳವಾದ ಚಿನ್ನದ ಬಣ್ಣದ ಬ್ರೇಸ್ಲೆಟ್ ಧರಿಸಿದ್ದರು. ಇನ್ನು ಮೇಕಪ್ ವಿಷಯಕ್ಕೆ ಬಂದರೆ ಕ್ಲೀನ್-ಗರ್ಲ್ ಲುಕ್ ಅಪೀಲ್ ನೀಡುವಂತೆ ನ್ಯೂಡ್ ಲಿಪ್ಸ್ಟಿಕ್, ಸಾಫ್ಟ್ ಬ್ಲಶ್ ಮತ್ತು ಕಣ್ಣುಗಳಿಗೆ ಆಕರ್ಷಕ ಲೈನರ್ ಹಚ್ಚಿದ್ದರು. ಜೊತೆಗೆ ತಮ್ಮ ಕರ್ಲಿ ಕೂದಲನ್ನು ಮುಕ್ತವಾಗಿ ಬಿಟ್ಟು ಕ್ಯಾಮೆರಾಗೆ ಪೋಸ್ ನೀಡಿದ್ದಾರೆ. ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ದಿಶಾ ಪಟಾನಿ ಅವರ ಈ ಗ್ಲಾಮರಸ್ ಅವತಾರ ಸಖತ್ ವೈರಲ್ ಆಗುತ್ತಿದ್ದು, ಅಭಿಮಾನಿಗಳು ಫಿದಾ ಆಗಿದ್ದಾರೆ.
