ಮುಖದ ಕಾಂತಿ ಹೆಚ್ಚಿಸಲು ದುಬಾರಿ ಕ್ರೀಮ್‌ಗಳು ಅಥವಾ ಪಾರ್ಲರ್ ಟ್ರೀಟ್‌ಮೆಂಟ್‌ಗಳ ಅಗತ್ಯವಿಲ್ಲ. ಮನೆಯಲ್ಲಿರುವ ಸರಳ ನೈಸರ್ಗಿಕ ಪದಾರ್ಥಗಳಿಂದಲೇ ತ್ವಚೆಗೆ ಹೊಳೆಯುವ ಗ್ಲೋ ನೀಡಬಹುದು. ಕಾಫಿ ಫೇಸ್ ಪ್ಯಾಕ್ ಅತ್ಯುತ್ತಮ ಆಯ್ಕೆಯಾಗಿದೆ. ಕಾಫಿ ಪುಡಿಯಲ್ಲಿ ಆಂಟೀಆಕ್ಸಿಡೆಂಟ್‌ಗಳು ಸಮೃದ್ಧವಾಗಿರುತ್ತವೆ, ಇದು ಮೃತ ಕೋಶಗಳನ್ನು ತೆಗೆದುಹಾಕಿ, ರಕ್ತ ಸಂಚಾರ ಹೆಚ್ಚಿಸಿ ಮುಖಕ್ಕೆ ನೈಸರ್ಗಿಕ ಹೊಳಪು ನೀಡುತ್ತದೆ. ಹಸಿ ಹಾಲು, ಜೇನುತುಪ್ಪ ಮತ್ತು ಅಲೋವೆರಾ ಜೆಲ್ ಸೇರಿಸಿ ತಯಾರಿಸುವ ಈ ಹೋಮ್ ಮೇಡ್ ಕಾಫಿ ಫೇಸ್ ಪ್ಯಾಕ್ ತ್ವಚೆಯನ್ನು ಮೃದುವಾಗಿಸಿ, ಮೊಡವೆಗಳನ್ನು ಕಡಿಮೆ ಮಾಡುತ್ತದೆ.
ಫೇಸ್‌ಪ್ಯಾಕ್ ತಯಾರಿಸುವ ವಿಧಾನ:
ಒಂದು ಬೌಲ್‌ನಲ್ಲಿ 1-2 ಚಮಚ ಕಾಫಿ ಪುಡಿ ತೆಗೆದುಕೊಳ್ಳಿ. ಅದಕ್ಕೆ ಸಾಕಷ್ಟು ಹಸಿ ಹಾಲು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ನಂತರ 1 ಚಮಚ ಜೇನುತುಪ್ಪ ಮತ್ತು 1 ಚಮಚ ಅಲೋವೆರಾ ಜೆಲ್ ಸೇರಿಸಿ ನುಣ್ಣನೆಯ ಪೇಸ್ಟ್ ತಯಾರಿಸಿ..
ಬಳಸುವ ಕ್ರಮ:
ಸ್ವಚ್ಛಗೊಳಿಸಿದ ಮುಖಕ್ಕೆ ಈ ಪೇಸ್ಟ್ ಅನ್ನು ಸಮನಾಗಿ ಹಚ್ಚಿ. 15-20 ನಿಮಿಷಗಳ ಕಾಲ ಬಿಟ್ಟು, ಬೆಚ್ಚಗಿನ ನೀರಿನಿಂದ ವೃತ್ತಾಕಾರದಲ್ಲಿ ಮಸಾಜ್ ಮಾಡುತ್ತಾ ತೊಳೆಯಿರಿ. ವಾರಕ್ಕೆ 2-3 ಬಾರಿ ಬಳಸಿ ಉತ್ತಮ ಫಲಿತಾಂಶ ಪಡೆಯಿರಿ.
ಈ ನೈಸರ್ಗಿಕ ಫೇಸ್ ಪ್ಯಾಕ್ ಬಳಸುವುದರಿಂದ ತ್ವಚೆಯ ಮೃತ ಕೋಶಗಳು ತೆಗೆದುಹೋಗಿ, ರಕ್ತ ಪ್ರಸರಣ ಸುಧಾರಿಸಿ ಮುಖಕ್ಕೆ ತ್ವರಿತ ಹೊಳಪು ಬರುತ್ತದೆ. ಜೇನುತುಪ್ಪ ಮಾಯಿಶ್ಚರೈಸ್ ಮಾಡಿ, ಅಲೋವೆರಾ ತಂಪು ನೀಡಿ, ಹಾಲು ತ್ವಚೆಯನ್ನು ಬಿಳಿಮಾಡುತ್ತದೆ. ರಾಸಾಯನಿಕ ಮುಕ್ತವಾದ ಈ ಮನೆಮದ್ದು ಎಲ್ಲಾ ತ್ವಚೆಯ ರೀತಿಗೆ ಸೂಕ್ತ. ಇಂದೇ ಟ್ರೈ ಮಾಡಿ, ನಿಮ್ಮ ಮುಖಕ್ಕೆ ಪಾರ್ಲರ್‌ನಂತೆ ಗ್ಲೋ ಪಡೆಯಿರಿ!
