ಮದುವೆ ಅಂದ್ರೆ ಇಬ್ಬರು ಜೀವಂತ ವ್ಯಕ್ತಿಗಳ ಪವಿತ್ರ ಬಂಧನ. ಆದ್ರೆ ಚೀನಾದಲ್ಲಿ ಮಾತ್ರ ವಿಚಿತ್ರ ಪದ್ಧತಿಯೊಂದು ಚಾಲ್ತಿಯಲ್ಲಿದೆ. ಇಲ್ಲಿ ಹೆಣ್ಣು ಮಕ್ಕಳು ಸತ್ತವರನ್ನೇ ಮದುವೆಯಾಗ್ತಾರೆ ! ಇದನ್ನ ‘ದೆವ್ವದ ಮದುವೆ’ ಅಂತ ಕರೀತಾರೆ. ಸುಮಾರು 3000 ವರ್ಷಗಳ ಹಿಂದೆ ಶುರುವಾದ ಈ ಸಂಪ್ರದಾಯ ಈಗಲೂ ಕೆಲವು ಕಡೆಗಳಲ್ಲಿ ಮುಂದುವರೆದಿದೆ.
ಹೌದು, ಸತ್ತ ಗಂಡಸರಿಗೆ ಹೆಂಡತಿಯಂದಿರನ್ನು ಹುಡುಕಿ ಮದುವೆ ಮಾಡೋದು ಇಲ್ಲಿನ ವಾಡಿಕೆ. ಅವಿವಾಹಿತ ವ್ಯಕ್ತಿ ಸತ್ತರೆ ಆತನ ಆತ್ಮ ಒಂಟಿಯಾಗಿರಬಾರದು ಅನ್ನೋ ನಂಬಿಕೆಯಿಂದ ಈ ರೀತಿ ಮಾಡ್ತಾರೆ. ಜೀವಂತ ವ್ಯಕ್ತಿಗಳಿಗೆ ಮ್ಯಾಚ್ ಮೇಕರ್ ಇರುವ ಹಾಗೆ, ಸತ್ತ ಮಗ ಅಥವಾ ಮಗಳಿಗೂ ಸೂಕ್ತ ಸಂಗಾತಿಯನ್ನು ಹುಡುಕಲು ಫೆಂಗ್ ಶೂಯಿ ತಜ್ಞರನ್ನು ನೇಮಿಸುತ್ತಾರೆ. ಆಮೇಲೆ ಸತ್ತ ದೇಹವನ್ನು ಸ್ಮಶಾನದಿಂದ ತಂದು ವಧು ಅಥವಾ ವರನಂತೆ ಅಲಂಕರಿಸಿ ವಿಧ್ಯುಕ್ತವಾಗಿ ಮದುವೆ ಮಾಡ್ತಾರೆ!
ಹೆಚ್ಚಾಗಿ ಗ್ರಾಮೀಣ ಭಾಗಗಳಲ್ಲಿ ಈ ಪದ್ಧತಿ ಕಾಣಸಿಗುತ್ತೆ. ವಿವಾಹಿತ ಹೆಂಗಸಿನ ಸಮಾಧಿಯನ್ನು ಅವಿವಾಹಿತ ಗಂಡಸಿನ ಸಮಾಧಿ ಪಕ್ಕದಲ್ಲಿ ಕಟ್ಟಿದ್ರೆ, ಆ ಗಂಡಸು ಮುಂದಿನ ಜನ್ಮದಲ್ಲೂ ಒಂಟಿಯಾಗಿರಲ್ಲ ಅನ್ನೋದು ಕೆಲವರ ನಂಬಿಕೆ. ಈ ಮದುವೆಗಳಿಗೆ ಬಹಳಷ್ಟು ಖರ್ಚಾಗುತ್ತೆ. ಚೀನಾ ಸರ್ಕಾರ ಇದನ್ನು ಕಾನೂನುಬಾಹಿರ ಅಂತ ಹೇಳಿದ್ರೂ, ಕೆಲವು ಕಡೆಗಳಲ್ಲಿ ಇದು ಇನ್ನೂ ನಡೀತಿದೆ ಅನ್ನೋದು ಅಚ್ಚರಿಯ ವಿಷಯ.
ಒಟ್ಟಿನಲ್ಲಿ ಹೇಳೋದಾದ್ರೆ, ಚೀನಾದಲ್ಲಿ ದೆವ್ವದ ಮದುವೆ ಅನ್ನೋದು ಒಂದು ಮೂಢನಂಬಿಕೆ. ಸತ್ತ ವ್ಯಕ್ತಿ ಮರಣಾನಂತರ ಒಂಟಿಯಾಗಿರಬಾರದು ಅನ್ನೋ ಕಾರಣಕ್ಕೆ ಜೀವಂತ ವ್ಯಕ್ತಿ ಶವವನ್ನ ಮದುವೆಯಾಗೋ ವಿಚಿತ್ರ ಪದ್ಧತಿ ಇದು.
