ನವದೆಹಲಿ: ಉತ್ತರ ಅಮೆರಿಕಾದ ಟೊರೊಂಟೊ ಪಿಯರ್ಸನ್ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಏಪ್ರಿಲ್ 2023 ರಲ್ಲಿ ನಡೆದ ಚಿನ್ನದ ದರೋಡೆ ಪ್ರಕರಣದಲ್ಲಿ ಕೆನಡಾದಾದ್ಯಂತ ವಾರಂಟ್ ಎದುರಿಸುತ್ತಿರುವ 32 ವರ್ಷದ ಏರ್ ಕೆನಡಾದ ಮಾಜಿ ಮ್ಯಾನೇಜರ್ ಸಿಮ್ರಾನ್ ಪ್ರೀತ್ ಪನೇಸರ್ ಅವರ ಮನೆಯ ಮೇಲೆ ಜಾರಿ ನಿರ್ದೇಶನಾಲಯ (ಇಡಿ) ಶುಕ್ರವಾರ ದಾಳಿ ನಡೆಸಿ ವಿಚಾರಣೆ ನಡೆಸಿದೆ.
ಪಂಜಾಬ್ನ ಮೊಹಾಲಿಯ ಸೆಕ್ಟರ್ 79 ರಲ್ಲಿರುವ ಸಿಮ್ರಾನ್ ಪ್ರೀತ್ ಪನೇಸರ್ ಅವರ ನಿವಾಸಕ್ಕೆ ಜಾರಿ ನಿರ್ದೇಶನಾಲಯದ ತಂಡ ಶುಕ್ರವಾರ ಬೆಳಿಗ್ಗೆ ಆಗಮಿಸಿದೆ.
“ನಮ್ಮ ತಂಡಗಳು ಅವರನ್ನು ಪ್ರಶ್ನಿಸುವ ಪ್ರಕ್ರಿಯೆಯಲ್ಲಿವೆ” ಎಂದು ಹಿರಿಯ ಇಡಿ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಆರ್ಥಿಕ ಅಪರಾಧಗಳನ್ನು ತನಿಖೆ ಮಾಡುವ ಕೇಂದ್ರ ಸಂಸ್ಥೆಯಾದ ಇಡಿ, ಭಾರತದ ಪ್ರಾದೇಶಿಕ ಗಡಿಗಳನ್ನು ಮೀರಿದ ಅಪರಾಧದ ತನಿಖೆಯ ಅಪರೂಪದ ಸಂದರ್ಭದಲ್ಲಿ, ಆರೋಪಿ ಈಗ ಭಾರತದಲ್ಲಿರುವುದರಿಂದ ಈ ಪ್ರಕರಣದಲ್ಲಿ ಮನಿ ಲಾಂಡರಿಂಗ್ ತನಿಖೆಯನ್ನು ಪ್ರಾರಂಭಿಸಿದೆ.
Loading ...
