ನವದೆಹಲಿ: ಸರಕು ಮತ್ತು ಸೇವಾ ತೆರಿಗೆ(ಜಿಎಸ್ಟಿ)ಯ ವಿವಿಧ ಶ್ರೇಣಿಗಳಲ್ಲಿ ಶೇಕಡ 12ರ ಸ್ಲ್ಯಾಬ್ ತೆಗೆದು ಹಾಕಲು ಜಿಎಸ್ಟಿ ಮಂಡಳಿ ನಿರ್ಧರಿಸಿದೆ ಎಂದು ಹೇಳಲಾಗಿದೆ.
ಈಗಿನ ತೆರಿಗೆ ವ್ಯವಸ್ಥೆಯಲ್ಲಿ ಶೇಕಡ 5, ಶೇಕಡ 12, ಶೇಕಡ 18 ಮತ್ತು ಶೇಕಡ 28 ರಷ್ಟು ಸೇರಿ 5 ಸ್ಲ್ಯಾಬ್ ಗಳಿವೆ. ಶೇಕಡ 12ರಷ್ಟು ಸ್ಲ್ಯಾಬ್ ತೆಗೆದುಹಾಕಲು ಅನೇಕ ರಾಜ್ಯಗಳು ಬೆಂಬಲ ನೀಡಿವೆ. ಇದು ರದ್ದಾದಲ್ಲಿ ಶೇಕಡ 12ರ ತೆರಿಗೆ ವ್ಯಾಪ್ತಿಯಲ್ಲಿದ್ದ ವಸ್ತುಗಳನ್ನು ಶೇಕಡ 5 ಇಲ್ಲವೇ ಶೇಕಡ 18ರ ವ್ಯಾಪ್ತಿಗೆ ತರುವ ಸಾಧ್ಯತೆ ಇದೆ.
ಪುಷ್ಟೀಕರಿಸಿದ ಹಾಲು, 20 ಲೀಟರ್ ಕುಡಿಯುವ ನೀರಿನ ಬಾಟಲ್, ವಾಕಿ ಟಾಕಿ, ಕಾಂಟ್ಯಾಕ್ಟ್ ಲೆನ್ಸ್, ಬೆಣ್ಣೆ, ಕರ್ಜೂರ, ಡ್ರೈ ಫ್ರೂಟ್ಸ್, ಜಾಮ್, ಜಲ್ಲಿ, ಹಣ್ಣಿನ ಜ್ಯೂಸ್, ಟೂತ್ ಪೌಡರ್, ಫೀಡಿಂಗ್ ಬಾಟಲ್, ಕಾರ್ಪೆಟ್, ಛತ್ರಿ, ಸೈಕಲ್, ಮರದ ಮೇಜು, ಪೆನ್ಸಿಲ್, ಹ್ಯಾಂಡ್ ಬ್ಯಾಗ್, ಒಂದು ಸಾವಿರ ರೂಪಾಯಿ ಒಳಗಿನ ಪಾದರಕ್ಷೆಗಳು ಇತ್ಯಾದಿ ವಸ್ತುಗಳು ಶೇ. 12ರ ತೆರಿಗೆ ಸ್ಲ್ಯಾಬ್ ವ್ಯಾಪ್ತಿಯಲ್ಲಿವೆ.
ಜೂನ್ ಇಲ್ಲವೇ ಜುಲೈನಲ್ಲಿ ಜಿಎಸ್ಟಿ ಮಂಡಳಿ ಸಭೆ ನಡೆಯಲಿದ್ದು, ಆಗ ಶೇಕಡ 12 ತೆರಿಗೆ ಸ್ಲ್ಯಾಬ್ ಗಳನ್ನು ಮರು ಹೊಂದಾಣಿಕೆ ಮಾಡುವ ಬಗ್ಗೆ ತೀರ್ಮಾನ ಕೈಗೊಳ್ಳುವ ಸಾಧ್ಯತೆ ಇದೆ.
