ಬೆಂಗಳೂರು: ದೇಶೀಯ ಷೇರು ಮಾರುಕಟ್ಟೆಯಲ್ಲಿ ಸತತ ಮೂರು ವಹಿವಾಟು ಸೆಷನ್‌ಗಳಿಂದ ರಾಕೆಟ್ ವೇಗದಲ್ಲಿ ಏರುತ್ತಿದ್ದ ಚಿನ್ನದ ಬೆಲೆಯ ಓಟಕ್ಕೆ ವಾರದ ಕೊನೆಯ ದಿನವಾದ ಶುಕ್ರವಾರ (ಮೇ 22) ದಿಢೀರ್ ಬ್ರೇಕ್ ಬಿದ್ದಿದೆ. ಕಳೆದ ಮೂರು ದಿನಗಳಿಂದ ಭಾರಿ ಏರಿಕೆ ಕಂಡಿದ್ದ ಹಳದಿ ಲೋಹದ ಬೆಲೆಯಲ್ಲಿ ಇಂದು ಬಿಗ್ ಕರೆಕ್ಷನ್ ಆಗಿದ್ದು, ಗ್ರಾಹಕರಿಗೆ ಕೊಂಚ ನಿರಾಳ ತಂದಿದೆ. ಆದಾಗ್ಯೂ, ಇಂದಿನ ಮಾರುಕಟ್ಟೆಯಲ್ಲಿ ಬೆಳ್ಳಿ ದರದಲ್ಲಿ ಹೆಚ್ಚಿನ ವ್ಯತ್ಯಾಸ ಕಂಡುಬಂದಿಲ್ಲ.
ಚಿನ್ನದ ದರ ಇಳಿಕೆಗೆ ಜಾಗತಿಕ ಕಾರಣವೇನು?ಜಾಗತಿಕ ರಾಜಕೀಯ ವಿದ್ಯಮಾನಗಳು ಚಿನ್ನದ ಮಾರುಕಟ್ಟೆಯ ಮೇಲೆ ನೇರ ಪರಿಣಾಮ ಬೀರಿವೆ. ಅಮೆರಿಕ ಮತ್ತು ಇರಾನ್ ನಡುವಿನ ಸಂಘರ್ಷದ ಹಿನ್ನೆಲೆಯಲ್ಲಿ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ತೈಲ ಬೆಲೆ (Crude Oil) ಮತ್ತೆ ಹೆಚ್ಚಾಗಿದ್ದು, ಇದು ಹಳದಿ ಲೋಹದ ದರ ಇಳಿಕೆಗೆ ಪ್ರಮುಖ ಕಾರಣವಾಗಿದೆ ಎಂದು ಆರ್ಥಿಕ ತಜ್ಞರು ವಿಶ್ಲೇಷಿಸಿದ್ದಾರೆ.
ಮೇ ತಿಂಗಳ ಗರಿಷ್ಠ ದರವಾಗಿ ಮೇ 14 ರಂದು ಚಿನ್ನದ ಬೆಲೆ 10 ಗ್ರಾಮ್‌ಗೆ ದಾಖಲೆಯ ಮಟ್ಟಕ್ಕೆ ಏರಿಕೆ ಕಂಡಿತ್ತು. ಆದರೆ ಇಂದು ಮಾರುಕಟ್ಟೆಯಲ್ಲಿ ಇಳಿಕೆ ಪ್ರವೃತ್ತಿ ಕಂಡುಬಂದಿದೆ.
ಬೆಂಗಳೂರು ಹಾಗೂ ದೇಶದ ಪ್ರಮುಖ ನಗರಗಳ ಇಂದಿನ ದರ ವಿವರ:ಇಂದು ಶುಕ್ರವಾರ ಚಿನ್ನದ ಬೆಲೆಯಲ್ಲಿ ಗ್ರಾಮ್‌ಗೆ ಸುಮಾರು 40 ರೂ.ಗಳಷ್ಟು ವ್ಯತ್ಯಾಸ ಕಂಡುಬಂದಿದ್ದು, ಒಟ್ಟಾರೆ ಮಾರುಕಟ್ಟೆ ದರಗಳು ಹೀಗಿವೆ:
ಚಿನ್ನ / ಬೆಳ್ಳಿ ವಿಧ ಇಂದಿನ ಮಾರುಕಟ್ಟೆ ದರ (ಮೇ 22)
22 ಕ್ಯಾರೆಟ್ ಆಭರಣ ಚಿನ್ನ (10 ಗ್ರಾಮ್)ರೂ. 1,46,20024
ಕ್ಯಾರೆಟ್ ಅಪರಂಜಿ ಚಿನ್ನ (10 ಗ್ರಾಮ್)ರೂ. 1,59,490
ಬೆಳ್ಳಿ ದರ (100 ಗ್ರಾಮ್ – ಬೆಂಗಳೂರು/ದಿಲ್ಲಿ)ರೂ. 28,500
ಬೆಳ್ಳಿ ದರ (100 ಗ್ರಾಮ್ – ತಮಿಳುನಾಡು/ಕೇರಳ)ರೂ. 29,500
ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿಯೂ ಸಹ ಹಳದಿ ಲೋಹದ ಬೆಲೆ ಕೊಂಚ ತಗ್ಗಿದೆ. ಇಂದು ನಗರದಲ್ಲಿ 10 ಗ್ರಾಮ್ 22 ಕ್ಯಾರೆಟ್ ಆಭರಣ ಚಿನ್ನದ ಬೆಲೆ ರೂ. 1,46,200 ಆಗಿದ್ದರೆ, 100 ಗ್ರಾಮ್ ಬೆಳ್ಳಿಯ ಬೆಲೆ ಯಾವುದೇ ಬದಲಾವಣೆ ಕಾಣದೆ ರೂ. 28,500 ರಲ್ಲೇ ಸ್ಥಿರವಾಗಿದೆ. ಆದರೆ ನೆರೆಯ ತಮಿಳುನಾಡು ಮತ್ತು ಕೇರಳದ ಕೆಲವು ಭಾಗಗಳಲ್ಲಿ 100 ಗ್ರಾಮ್ ಬೆಳ್ಳಿಯ ದರ 29,500 ರೂ. ಆಸುಪಾಸಿನಲ್ಲಿದೆ.
ಕಳೆದ ನಾಲ್ಕು ದಿನಗಳಲ್ಲಿ ಬರೋಬ್ಬರಿ 340 ರೂಪಾಯಿಗಳಷ್ಟು ಏರಿಕೆ ಕಂಡಿದ್ದ ಚಿನ್ನದ ದರ ಸದ್ಯ ವಾರದ ಕೊನೆಯಲ್ಲಿ ಇಳಿಕೆ ಹಾದಿಗೆ ಬಂದಿರುವುದು ಆಭರಣ ಕೊಳ್ಳುವವರಿಗೆ ಸುವರ್ಣಾವಕಾಶ ನೀಡಿದೆ.
ಬೆಂಗಳೂರು ಸೇರಿದಂತೆ ಪ್ರಮುಖ ನಗರಗಳಲ್ಲಿ 24 ಕ್ಯಾರೆಟ್ ಚಿನ್ನದ ಬೆಲೆ
ನಗರಗಳ ಹೆಸರು ಚಿನ್ನದ ಬೆಲೆ (10 ಗ್ರಾಂ)
ಬೆಂಗಳೂರು ₹1,59,490
ನಾಗ್ಪುರ ₹1,59,490
ಮುಂಬೈ ₹1,59,490
ಚೆನ್ನೈ ₹1,61,240
ಕೋಲ್ಕತ್ತಾ ₹1,59,490
ಪಾಟ್ನಾ ₹1,59,540
ಸೂರತ್‌ ₹1,59,540
ಚಂಡೀಗಢ ₹1,59,640
ಲಕ್ನೋ ₹1,59,640
