ಬೆಂಗಳೂರು: ನೀವು ಚಿನ್ನ ಖರೀದಿಸುವ ಪ್ಲಾನ್ ಮಾಡಿದ್ದೀರಾ? ಹಾಗಿದ್ದಲ್ಲಿ ಈ ಸುದ್ದಿ ನಿಮಗಾಗಿ. ಕಳೆದ ಗುರುವಾರವಷ್ಟೇ ಕೊಂಚ ಇಳಿಕೆಯಾಗಿ ನಿಟ್ಟುಸಿರು ಬಿಟ್ಟಿದ್ದ ಗ್ರಾಹಕರಿಗೆ ಇಂದು ಮತ್ತೆ ಬೆಲೆ ಏರಿಕೆಯ ಬಿಸಿ ತಟ್ಟಿದೆ. ಹೌದು, ಸಿಲಿಕಾನ್ ಸಿಟಿಯಲ್ಲಿ ಹಳದಿ ಲೋಹದ ಬೆಲೆ ಗಗನಕ್ಕೇರುತ್ತಿದೆ.
ಚಿನ್ನದ ಬೆಲೆ ಏರಿಕೆಗೆ ಕಾರಣವೇನು?
ಜಾಗತಿಕ ರಾಜಕೀಯ ವಿದ್ಯಮಾನಗಳು ಚಿನ್ನದ ಮೇಲೆ ನೇರ ಪ್ರಭಾವ ಬೀರಲಿವೆ ಎನ್ನುವುದಕ್ಕೆ ಇದೇ ಸಾಕ್ಷಿ. ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಸುಂಕ ನೀತಿಯಿಂದಾಗಿ ಚಿನ್ನದ ಬೆಲೆ ಭಾರವಾಗುತ್ತಿದೆ. ಅಮೆರಿಕ ಸುಪ್ರೀಂ ಕೋರ್ಟ್ ಟ್ರಂಪ್ ಅವರ ಹೆಚ್ಚುವರಿ ಸುಂಕವನ್ನು ರದ್ದುಗೊಳಿಸಿದಾಗಿನಿಂದ ಬೆಲೆ ಏರಿಕೆಯಲ್ಲಿ ಬಿರುಗಾಳಿ ಎದ್ದಿದೆ. ಈ ಆದೇಶದಿಂದಾಗಿ ಜಾಗತಿಕ ವ್ಯಾಪಾರದಲ್ಲಿ ಅಸ್ಥಿರತೆ ಉಂಟಾಗಿದ್ದು, ಡಾಲರ್ ಮೌಲ್ಯ ಕುಸಿದಿದೆ. ಇದರ ನೇರ ಲಾಭ ಚಿನ್ನಕ್ಕೆ ಸಿಕ್ಕಿದ್ದು, ಬೆಲೆಯು ಏರಿಕೆಯ ಹಾದಿಯಲ್ಲಿದೆ.
ಬೆಂಗಳೂರಿನಲ್ಲಿ ಇಂದಿನ ದರ ಎಷ್ಟು? (ಫೆಬ್ರವರಿ 27, 2026)
ನಿನ್ನೆ ಒಂದೇ ದಿನ 870 ರೂಪಾಯಿ ಇಳಿಕೆಯಾಗಿದ್ದ ಚಿನ್ನದ ದರ, ಇಂದು ಮತ್ತೆ ಭಾರಿ ಏರಿಕೆ ಕಂಡಿದೆ.
24 ಕ್ಯಾರೆಟ್ ಚಿನ್ನ (10 ಗ್ರಾಂ): ಇಂದು ಬರೋಬ್ಬರಿ 550 ರೂಪಾಯಿ ಹೆಚ್ಚಳವಾಗಿದ್ದು, ಒಟ್ಟು ಬೆಲೆ 1,61,570 ರೂಪಾಯಿಗೆ ತಲುಪಿದೆ.
1 ಗ್ರಾಂ ಬೆಲೆ: ಇಂದಿನ ದರ 16,157 ರೂಪಾಯಿ.ಕಳೆದ ಐದಾರು ದಿನಗಳಲ್ಲಿ ಬಹುತೇಕ ದಿನಗಳು ದಾಖಲೆ ಮಟ್ಟಕ್ಕೆ ಬೆಲೆ ಏರಿಕೆಯಾಗುತ್ತಿರುವುದು ಜನಸಾಮಾನ್ಯರ ಆತಂಕಕ್ಕೆ ಕಾರಣವಾಗಿದೆ.
ಬೆಳ್ಳಿ ದರ
ಚಿನ್ನದ ಬೆಲೆ ರಾಕೆಟ್ ವೇಗದಲ್ಲಿ ಏರುತ್ತಿದ್ದರೆ, ಬೆಳ್ಳಿ ಬೆಲೆ ಮಾತ್ರ ಸದ್ಯಕ್ಕೆ ಗ್ರಾಹಕರಿಗೆ ಸಣ್ಣ ನಿರಾಳತೆ ನೀಡಿದೆ. ಹಳದಿ ಲೋಹದ ಬೆಲೆಯಲ್ಲಿನ ಬಿರುಗಾಳಿಯ ನಡುವೆಯೂ ಶ್ವೇತ ಲೋಹದ ಬೆಲೆ ಇಂದು ಯಾವುದೇ ಏರಿಳಿತ ಕಾಣದೆ ಸ್ಥಿರತೆಯನ್ನು ಕಾಯ್ದುಕೊಂಡಿದೆ.
ಇಂದಿನ ಬೆಳ್ಳಿ ದರ ಪಟ್ಟಿ (ಫೆಬ್ರವರಿ 27, 2026)
ನೆನ್ನೆಯ ದರವೇ ಇಂದೂ ಮುಂದುವರಿದಿದ್ದು, ಮಾರುಕಟ್ಟೆಯಲ್ಲಿ ಬೆಳ್ಳಿಯ ಬೆಲೆ ಹೀಗಿದೆ:
1 ಗ್ರಾಂ: 285 ರೂ.
10 ಗ್ರಾಂ: 2,850 ರೂ.
100 ಗ್ರಾಂ: 28,500 ರೂ.
1 ಕೆ.ಜಿ ಬೆಳ್ಳಿ: 2,85,000 ರೂ.
24 ಕ್ಯಾರೆಟ್ ಚಿನ್ನದ ಬೆಲೆ:
| ತೂಕ | ನಿನ್ನೆ ಬೆಲೆ (₹) | ಇಂದು ಬೆಲೆ (₹) | ಏರಿಕೆ (₹) |
|---|---|---|---|
| 1 ಗ್ರಾಂ | 16,102 | 16,157 | 55 |
| 10 ಗ್ರಾಂ | 1,61,020 | 1,61,570 | 550 |
| 100 ಗ್ರಾಂ | 16,10,200 | 16,15,700 | 5,500 |
ಭಾರತದ ಪ್ರಮುಖ ನಗರಗಳಲ್ಲಿ 24 ಕ್ಯಾರೆಟ್ ಚಿನ್ನದ ದರ(24 ಕ್ಯಾರೆಟ್ ಚಿನ್ನದ ದರ (1 ಗ್ರಾಂ)
ಬೆಂಗಳೂರು₹16,157
ಮುಂಬೈ₹16,157
ಕೋಲ್ಕತ್ತಾ₹16,157
ಹೈದರಾಬಾದ್₹16,157
ಕೇರಳ₹16,157
ಪುಣೆ₹16,157
ಚೆನ್ನೈ₹16,255
ದೆಹಲಿ₹16,172
ಅಹಮದಾಬಾದ್₹16,162
ವಡೋದರಾ₹16,162
