ಭಾರತದಲ್ಲಿ ಹೇಗೆ ಐಪಿಎಲ್ ಫೇಮಸ್ಸೋ, ಅದೇ ರೀತಿ ಬಾಂಗ್ಲಾದಲ್ಲಿ ಬಿಪಿಎಲ್ ಫೇಮಸ್. ಈಗ ಅಲ್ಲಿ ಟಿ20 ಟೂರ್ನಿ ಆರಂಭವಾಗಿದ್ದು, ಎಲ್ಲ ತಂಡಗಳು ಕಪ್ ಗೆಲ್ಲುವುದಕ್ಕಾಗಿ ಒಬ್ಬರಿಗೊಬ್ಬರು ಟಕ್ಕರ್ ಕೊಡ್ತಿದ್ದಾರೆ. ಬಾಂಗ್ಲಾದೇಶದ ಹಲವು ದಿಗ್ಗಜ ಆಟಗಾರರು ಸೇರಿದಂತೆ ವಿಶ್ವ ಕ್ರಿಕೆಟ್‌ನ ಪ್ರಸಿದ್ಧ ಆಟಗಾರರು ಈ ಲೀಗ್‌ನಲ್ಲಿ ಆಡುತ್ತಿದ್ದಾರೆ. ಈಗ ಇದೇ ಬಾಂಗ್ಲಾ ಪ್ರೀಮಿಯರ್ ಲೀಗ್‌ನಲ್ಲಿ ಅಂಪೈಯರ್ ಮಾಡೋ ಎಡವಟ್ಟುಗಳು, ದೊಡ್ಡ ತಲೆನೋವಾಗಿದೆ.
ಬೌಲರ್ ಮಹೇದಿ ಮೂರನೇ ಓವರ್‌ನಲ್ಲಿ ಚೆಂಡೊಂದನ್ನ ಎದುರಾಳಿ ಬ್ಯಾಟ್‌ಮನ್‌ಗೆ ಹಾಕಿದ್ದಾರೆ. ಆದರೆ ಆ ಚೆಂಡು ಆಫ್‌ದಿ ಸ್ಟಂಪ್ ಹೋಗಿದೆ. ಆದರೂ ಬ್ಯಾಟ್‌ಮನ್‌ನ ಬ್ಯಾಟ್ ಆ ಚೆಂಡಿಗೆ ಟಚ್ ಆಗಿದೆ. ಆ ನಂತರ ಆ ಚೆಂಡು ನೆಲಕ್ಕೆ ತಾಕಿ ಕೊನೆಗೆ ವಿಕೆಟ್‌ಕಿಪರ್ ಹಿಂದೆ ಹೋಗಿ ಬೀಳುತ್ತೆ. ಕೊನೆಗೆ ವಿಕೆಟ್‌ಕಿಪರ್ ಓಡಿ ಹೋಗಿ ಅದನ್ನ ಹಿಡಿಯುತ್ತಾನೆ.
ಅಷ್ಟರೊಳಗೆ ಬ್ಯಾಟ್‌ಮನ್‌ ಓಡಿ ಒಂದು ರನ್ ಗಳಿಸುತ್ತಾನೆ. ಆದರೆ ನಾನ್‌ಸ್ಟ್ರೈಕ್ ಬಳಿ ಇದ್ದ ಅಂಪೈರ್ ಮಾತ್ರ ಆ ಚೆಂಡನ್ನ ವೈಯ್ಡ್ ಎಂದು ಕೈ ಎತ್ತಿ ಘೋಷಿಸುತ್ತಾನೆ. ಆ ಕ್ಷಣ ಬೌಲರ್ ಮಹದಿ ಹಸನ್ ಶಾಕ್ ಆಗಿ, ಅಂಪೈರ್‌ನ ಆ ನಿರ್ಧಾರವನ್ನ ವಿರೋಧಿಸುತ್ತಾರೆ. ಆದರೆ ಅಂಪೈರ್ ಆ ನಿರ್ಧಾರವನ್ನ ಸರಿಯಾಗಿದೆ ಎಂದು ವಾದ ಮಾಡುತ್ತಾ. ‘ಬೌಲರ್ ಚೆಂಡು ಎಸೆಯುವಾಗ ತನ್ನ ಮುಂದೆ ಬಂದಿದ್ದ. ಆದ್ದರಿಂದ ತನಗೆ ಬ್ಯಾಟ್‌ಮನ್‌ ಬಾಲ್‌ಗೆ ಬ್ಯಾಟ್ ಟಚ್ ಮಾಡಿದ್ದು ಕಾಣಿಸಿಲ್ಲ’ ಎಂದು ವಾದಿಸಿದ್ದಾರೆ.
ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಬಿಪಿಎಲ್‌ನಲ್ಲಿಯುತ್ತಿರುವ ಕೆಟ್ಟ ಅಂಪೈರಿಂಗ್‌ಗೆ ಸಾಕ್ಷಿಯಾಗಿದೆ. ಕೆಲವೇ ದಿನಗಳ ಹಿಂದಷ್ಟೆ ಬಾಂಗ್ಲಾದೇಶದ ಕಪ್ಪನ್ ಶಕೀಲ್ ಅವರು ಕೂಡಾ ಪಂದ್ಯ ನಡೆಯುವಾಗಲೂ ಅಂಪೈರ್ ಕೊಟ್ಟ ತಪ್ಪು ನಿರ್ಧಾರಕ್ಕೆ ಅಸಮಾಧಾನಗೊಂಡಿದ್ದ ಘಟನೆ ನೆನಪಾಗುತ್ತೆ.
#Rip #BPL #BPL2023 pic.twitter.com/WieBRcB8Xy
— Osman Goni (@MdOsmanGoni05) January 8, 2023
