ಪಲಾವ್ ಪ್ರಿಯರಿಗೆ ಹೊಸ ರುಚಿ: ಪೌಷ್ಟಿಕಾಂಶದಿಂದ ಕೂಡಿದ ಕಲಿ ಮಸೂರ್ ಪುಲಾವ್ ಮಾಡುವುದು ಹೇಗೆ?

ಸಾಮಾನ್ಯ ಪಲಾವ್ ಮಾಡಿ ಬೋರ್ ಆಗಿದ್ದರೆ, ಪ್ರೋಟೀನ್‌ನಿಂದ ಸಮೃದ್ಧವಾಗಿರುವ ಕಪ್ಪು ಮಸೂರ್ ದಾಲ್ (ಕಲಿ ಮಸೂರ್) ಪುಲಾವ್ ಮಾಡುವುದು ಅತ್ಯುತ್ತಮ ಆಯ್ಕೆ. ರುಚಿಯ ಜೊತೆಗೆ ಆರೋಗ್ಯಕ್ಕೂ ಒಳ್ಳೆಯದಾಗಿರುವ ಈ ಖಾದ್ಯವನ್ನು ಸುಲಭವಾಗಿ ಮನೆಯಲ್ಲೇ ಸಿದ್ಧಪಡಿಸಬಹುದು.

ಅಗತ್ಯವಿರುವ ಸಾಮಗ್ರಿಗಳು

• ಬಾಸ್ಮತಿ ಅಕ್ಕಿ – 2 ಕಪ್

  📱 ಬ್ರೇಕಿಂಗ್ ನ್ಯೂಸ್ ಬೇಗ ಬೇಕೆ?KannadaDunia App ಡೌನ್‌ಲೋಡ್ ಮಾಡಿ, ತಾಜಾ ಸುದ್ದಿ ಮೊದಲು ಪಡೆಯಿರಿ.

  APP ತೆರೆಯಿರಿ

• ಕಪ್ಪು ಮಸೂರ್ ಬೇಳೆ – 2 ಕಪ್

• ಈರುಳ್ಳಿ – 1 (ಉದ್ದಕ್ಕೆ ಹೆಚ್ಚಿದ್ದು)

• ಟೊಮೆಟೊ – 2 (ಹೆಚ್ಚಿದ್ದು)

• ಜಿಂಜರ್ ಗಾರ್ಲಿಕ್ ಪೇಸ್ಟ್ – 2 ಚಮಚ

• ಹಸಿಮೆಣಸಿನಕಾಯಿ – 2

• ಜೀರಿಗೆ – 1 ಚಮಚ

• ಅರಿಶಿನ ಪುಡಿ – 1 ಚಮಚ

• ಕೊತ್ತಂಬರಿ ಪುಡಿ – 1 ಚಮಚ

• ಗರಂ ಮಸಾಲ – 1 ಚಮಚ

• ಚಕ್ಕೆ – 1 ತುಂಡು

• ಏಲಕ್ಕಿ – 4

• ಲವಂಗ – 4

• ಪಲಾವ್ ಎಲೆ – 1

• ಕೊತ್ತಂಬರಿ ಸೊಪ್ಪು – ಸ್ವಲ್ಪ

• ತುಪ್ಪ ಮತ್ತು ಉಪ್ಪು – ರುಚಿಗೆ ತಕ್ಕಷ್ಟು

ತಯಾರಿಸುವ ವಿಧಾನ

1. ಮೊದಲಿಗೆ ಕಪ್ಪು ಮಸೂರ್ ಬೇಳೆಯನ್ನು ಕನಿಷ್ಠ 8 ಗಂಟೆಗಳ ಕಾಲ ಅಥವಾ ರಾತ್ರಿಯಿಡೀ ನೆನೆಸಿಡಿ. ನಂತರ ಬಾಸ್ಮತಿ ಅಕ್ಕಿಯನ್ನು ಅರ್ಧ ಗಂಟೆ ನೀರನಲ್ಲಿ ನೆನೆಸಿ.

2. ಒಂದು ಪಾತ್ರೆಯಲ್ಲಿ ನೀರು ಕಾಯಿಸಿ, ನೆನೆಸಿದ ಅಕ್ಕಿ ಮತ್ತು ಸ್ವಲ್ಪ ಉಪ್ಪು ಹಾಕಿ ಅರ್ಧದಷ್ಟು ಬೆಂದ ನಂತರ ನೀರು ಬಸಿಯಿರಿ.

3. ಈಗ ಕುಕ್ಕರ್‌ನಲ್ಲಿ ತುಪ್ಪ ಕಾಯಿಸಿ ಜೀರಿಗೆ, ಚಕ್ಕೆ, ಲವಂಗ, ಏಲಕ್ಕಿ, ಪಲಾವ್ ಎಲೆ ಹಾಗೂ ಹಸಿಮೆಣಸಿನಕಾಯಿ ಹಾಕಿ ಒಗ್ಗರಣೆ ಕೊಡಿ. ನಂತರ ಈರುಳ್ಳಿ ಮತ್ತು ಜಿಂಜರ್ ಗಾರ್ಲಿಕ್ ಪೇಸ್ಟ್ ಹಾಕಿ ಹಸಿ ವಾಸನೆ ಹೋಗುವವರೆಗೆ ಹುರಿಯಿರಿ.

4. ಬಳಿಕ ಟೊಮೆಟೊ, ಅರಿಶಿನ, ಖಾರದ ಪುಡಿ, ಕೊತ್ತಂಬರಿ ಪುಡಿ, ಗರಂ ಮಸಾಲ ಹಾಗೂ ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಟೊಮೆಟೊ ಮೆತ್ತಗಾಗುವವರೆಗೆ ಬೇಯಿಸಿ.

5. ಈ ಮಸಾಲೆಗೆ ನೆನೆಸಿದ ಮಸೂರ್ ಬೇಳೆ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ.

6. ನಂತರ ಅರ್ಧ ಬೆಂದಿರುವ ಅಕ್ಕಿಯನ್ನು ಸೇರಿಸಿ, ಅಕ್ಕಿ ಮುರಿಯದಂತೆ ಮೆಲ್ಲನೆ ಕಲಸಿ. ಅಗತ್ಯಕ್ಕೆ ತಕ್ಕಷ್ಟು (ಸುಮಾರು 2 ಕಪ್) ನೀರು ಸೇರಿಸಿ, ಕುಕ್ಕರ್ ಮುಚ್ಚಳ ಮುಚ್ಚಿ 3 ವಿಸಿಲ್ ಕೂಗಿಸಿ.

7. ಕುಕ್ಕರ್ ತಣ್ಣಗಾದ ಮೇಲೆ ಮುಚ್ಚಳ ತೆಗೆದು, ಮೇಲಿಂದ ಕೊತ್ತಂಬರಿ ಸೊಪ್ಪು ಉದುರಿಸಿದರೆ ಗಮಗಮಿಸುವ ಕಪ್ಪು ಮಸೂರ್ ಪುಲಾವ್ ಸಿದ್ಧ.