ನವದೆಹಲಿ : ಒಲಿಂಪಿಕ್ ಪುರುಷರ ಜಾವೆಲಿನ್ ಫೈನಲ್ ನಲ್ಲಿ ತನ್ನ ಮಗನನ್ನು ಸೋಲಿಸಿ ಚಿನ್ನದ ಪದಕ ಗೆದ್ದ ಪಾಕಿಸ್ತಾನದ ಅರ್ಷದ್ ನದೀಮ್ ಬಗ್ಗೆ ನೀರಜ್ ಚೋಪ್ರಾ ಅವರ ತಾಯಿ ಸರೋಜ್ ದೇವಿ ಹೃದಯಸ್ಪರ್ಶಿ ಹೇಳಿಕೆ ನೀಡುವ ಮೂಲಕ ಗಡಿಯಾಚೆಗಿನ ಅಭಿಮಾನಿಗಳ ಹೃದಯವನ್ನು ಗೆದ್ದಿದ್ದಾರೆ.
ಭಾರತದ ಹಾಲಿ ಚಾಂಪಿಯನ್ ನೀರಜ್ ಚೋಪ್ರಾ ಬೆಳ್ಳಿ ಪದಕ ಗೆದ್ದಿದ್ದರೂ, ಅವರ ತಾಯಿ ಪಾಕಿಸ್ತಾನದ ಚಿನ್ನದ ಪದಕ ವಿಜೇತ ಅರ್ಷದ್ ನದೀಮ್ ಬಗ್ಗೆ ಅಪಾರ ಹೆಮ್ಮೆ ವ್ಯಕ್ತಪಡಿಸಿದರು.”ನಾವು ಬೆಳ್ಳಿ ಪದಕದಿಂದ ಸಂತೋಷಗೊಂಡಿದ್ದೇವೆ. ಚಿನ್ನ ಗೆದ್ದವನು (ಅರ್ಷದ್ ನದೀಮ್) ಕೂಡ ನನ್ನ ಮಗು” ಎಂದು ಸರೋಜ್ ದೇವಿ ಹೇಳಿದ್ದಾರೆ.
ನೀರಜ್ ಅವರ ತಾಯಿಯ ಹೇಳಿಕೆಯನ್ನು ಭಾರತೀಯ ಮತ್ತು ಪಾಕಿಸ್ತಾನಿ ಅಭಿಮಾನಿಗಳು ಅವರ ಆತ್ಮೀಯತೆ ಮತ್ತು ಕ್ರೀಡಾ ಮನೋಭಾವಕ್ಕಾಗಿ ವ್ಯಾಪಕವಾಗಿ ಶ್ಲಾಘಿಸಿದ್ದಾರೆ. ನದೀಮ್ ಗುರುವಾರ ಪುರುಷರ ಜಾವೆಲಿನ್ ಸ್ಪರ್ಧೆಯಲ್ಲಿ ಚಿನ್ನ ಗೆಲ್ಲುವ ಮೂಲಕ ಅಥ್ಲೆಟಿಕ್ಸ್ನಲ್ಲಿ ಪಾಕಿಸ್ತಾನದ ಮೊದಲ ಒಲಿಂಪಿಕ್ ಪದಕವನ್ನು ಗೆಲ್ಲುವ ಮೂಲಕ ಇತಿಹಾಸ ಬರೆದಿದ್ದಾರೆ. ನದೀಮ್ ತನ್ನ ಎರಡನೇ ಪ್ರಯತ್ನದಲ್ಲಿ 92.97 ಮೀಟರ್ ಎಸೆದು ಒಲಿಂಪಿಕ್ ದಾಖಲೆಯನ್ನು ಮುರಿದಿದ್ದಲ್ಲದೆ, ಸಾರ್ವಕಾಲಿಕ ಜಾವೆಲಿನ್ ಎಸೆತಗಳ ಪಟ್ಟಿಯಲ್ಲಿ ಆರನೇ ಸ್ಥಾನ ಪಡೆದರು.
Neeraj Chopra’s mother: “We’re very happy with the silver. The one who won the gold is also our boy”
Neeraj and Arshad share an incredible bond. This is how a rivalry should be – healthy and competitive devoid of any jingoist toxicity. pic.twitter.com/syFmrJgLjh
— Saif (@isaifpatel) August 8, 2024
