ಪವಾಡಸದೃಶ್ಯ ರೀತಿಯಲ್ಲಿ ಅಪಾಯದಿಂದ ಪಾರಾದ ಎ.ಆರ್. ರೆಹಮಾನ್ ಪುತ್ರ

ಖ್ಯಾತ ಸಂಗೀತ ಸಂಯೋಜಕ ಎ.ಆರ್. ರೆಹಮಾನ್ ಅವರ ಪುತ್ರ ಎ.ಆರ್. ಅಮೀನ್ ಅವರು ಪ್ರದರ್ಶನ ನೀಡುತ್ತಿದ್ದ ವೇಳೆ ಅಪಘಾತದಿಂದ ಪಾರಾಗಿರುವ ವಿಷಯವನ್ನ ಬಹಿರಂಗಪಡಿಸಿದ್ದಾರೆ.

ಕೆಲವು ದಿನಗಳ ಹಿಂದೆ ಸೆಟ್‌ ನಲ್ಲಿ ಕೆಲಸ ಮಾಡುತ್ತಿದ್ದಾಗ ಸಂಭವಿಸಿದ ಅಪಘಾತ ತಪ್ಪಿದ ಬಗ್ಗೆ ಇನ್ ಸ್ಟಾಗ್ರಾಂ ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಅವರು ಪ್ರದರ್ಶನ ನೀಡುತ್ತಿದ್ದ ಸೆಟ್ ನಲ್ಲಿ ಬೃಹತ್ ಲೈಟ್ ಗೊಂಚಲು ಸೇರಿದಂತೆ ಹಲವಾರು ವಸ್ತುಗಳು ಕೆಳಗೆ ಬಿದ್ದ ಬಗ್ಗೆ ಅವರು ತಮ್ಮ ಇನ್‌ಸ್ಟಾಗ್ರಾಮ್ ಪುಟದಲ್ಲಿ ಬಹಿರಂಗಪಡಿಸಿದ್ದಾರೆ. ಘಟನೆಯಲ್ಲಿ ತನಗೆ ಯಾವುದೇ ಹಾನಿಯಾಗದಿದ್ದರೂ, ಮೂರು ದಿನಗಳ ನಂತರವೂ ಅವರು ಆಘಾತಕ್ಕೊಳಗಾಗಿದ್ದಾಗಿ ಹೇಳಿದ್ದಾರೆ.

ಸೆಟ್ ನಲ್ಲಿ ಘಟನೆ ಸಂಭವಿಸಿದ ಮೊದಲ ಮತ್ತು ನಂತರದ ಚಿತ್ರಗಳನ್ನು ಎ.ಆರ್. ಅಮೀನ್ ಅವರು ಹಂಚಿಕೊಂಡಿದ್ದಾರೆ.

“ನಾನು ಇಂದು ಸುರಕ್ಷಿತವಾಗಿ ಮತ್ತು ಜೀವಂತವಾಗಿರುವ ಸರ್ವಶಕ್ತ, ನನ್ನ ಪೋಷಕರು, ಕುಟುಂಬ, ಹಿತೈಷಿಗಳು ಮತ್ತು ನನ್ನ ಆಧ್ಯಾತ್ಮಿಕ ಶಿಕ್ಷಕರಿಗೆ ನಾನು ಕೃತಜ್ಞನಾಗಿದ್ದೇನೆ. ಕೇವಲ ಮೂರು ರಾತ್ರಿಗಳ ಹಿಂದೆ, ನಾನು ಒಂದು ಹಾಡಿನ ಚಿತ್ರೀಕರಣದಲ್ಲಿದ್ದೆ ಮತ್ತು ನಾನು ಕ್ಯಾಮರಾ ಮುಂದೆ ಪ್ರದರ್ಶನ ನೀಡುತ್ತಿರುವಾಗ, ಎಂಜಿನಿಯರಿಂಗ್ ಮತ್ತು ಸುರಕ್ಷತೆಯ ಬಗ್ಗೆ ತಂಡವು ಕಾಳಜಿ ವಹಿಸಿದೆ ಎಂದು ನಾನು ನಂಬಿದ್ದೆ. ನಾನು ಸ್ಥಳದ ಮಧ್ಯದಲ್ಲಿದ್ದಾಗ ಸಂಪೂರ್ಣ ಬೃಹತ್ ಲೈಟ್ಸ್ ಗೊಂಚಲು ಮತ್ತು ಕೆಲವು ವಸ್ತುಗಳು ಕೆಳಗೆ ಬಿದ್ದವು. ಅಲ್ಲೊಂದು ಇಲ್ಲೊಂದು ಇಂಚು ಇದ್ದಿದ್ದರೆ ಕೆಲವು ಸೆಕೆಂಡ್ ಗಳ ಮುಂಚೆಯೋ ಅಥವಾ ತಡವಾಗಿಯೋ ಇಡೀ ರಿಂಗ್ ನಮ್ಮ ತಲೆಯ ಮೇಲೆ ಬೀಳುತ್ತಿತ್ತು. ನನ್ನ ತಂಡ ಮತ್ತು ನಾನು ಆಘಾತಕ್ಕೊಳಗಾಗಿದ್ದೇವೆ ಮತ್ತು ಆಘಾತದಿಂದ ಚೇತರಿಸಿಕೊಳ್ಳಲು ಸಾಧ್ಯವಾಗುತ್ತಿಲ್ಲ” ಎಂದು ಅಮೀನ್ ಹೇಳಿದ್ದಾರೆ.