ಯುವ ನಟಿ ಅನೀತ್ ಪಡ್ಡಾ ಅವರು ತಮ್ಮ ಇಪ್ಪತ್ನಾಲ್ಕನೇ ಹುಟ್ಟುಹಬ್ಬವನ್ನು ಕಾಲ್ಪನಿಕ ಕಥೆಯ (ಫೇರಿಟೇಲ್) ಥೀಮ್ ಆಧರಿತ ಅದ್ದೂರಿ ಪಾರ್ಟಿಯೊಂದಿಗೆ ಆಚರಿಸಿಕೊಂಡಿದ್ದಾರೆ. ಅಕ್ಟೋಬರ್ ೧೩ ರಂದು ನಡೆದ ಈ ವಿಶೇಷ ಹುಟ್ಟುಹಬ್ಬದ ಸಂಭ್ರಮದ ಸುಂದರ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಅಭಿಮಾನಿಗಳ ಮನ ಗೆಲ್ಲುತ್ತಿವೆ. ಈ ವಿಶೇಷ ದಿನದಂದು ನಟಿ ತಮ್ಮ ಆಪ್ತ ಸ್ನೇಹಿತರೊಂದಿಗೆ ಕಾಲ ಕಳೆದಿದ್ದು, ವಿಶೇಷವಾಗಿ ಅವರ ಮುಂಬರುವ ‘ಸೈಯಾರಾ’ ಚಿತ್ರದ ಸಹನಟ ಆಹಾನ್ ಪಾಂಡೆ, ಅವರ ತಾಯಿ ಡೀನ್ ಪಾಂಡೆ ಹಾಗೂ ಬಾಲಿವುಡ್ ಸ್ಟಾರ್ ನಟಿ ಆಲಿಯಾ ಭಟ್ ಪಾಲ್ಗೊಂಡು ಮೆರುಗು ತಂದಿದ್ದಾರೆ.
ನಟ ಆಲಮ್ ಖಾನ್ ಅವರು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿರುವ ಈ ಫೋಟೋಗಳಲ್ಲಿ ಅನೀತ್ ಹಳದಿ ಬಣ್ಣದ ಶಾರ್ಟ್ ಡ್ರೆಸ್‌ನಲ್ಲಿ ಕಂಗೊಳಿಸುತ್ತಿದ್ದರೆ, ಆಹಾನ್ ಪಾಂಡೆ ಶಿಮ್ಮರಿಂಗ್ ಕಪ್ಪು ಶರ್ಟ್ ಮತ್ತು ಕಪ್ಪು ಜೀನ್ಸ್ ಧರಿಸಿ ಗಮನ ಸೆಳೆದಿದ್ದಾರೆ. ಈ ಪಾರ್ಟಿಯಲ್ಲಿ ಅನೀತ್ ಪಡ್ಡಾ ಮತ್ತು ಡೀನ್ ಪಾಂಡೆ ಕ್ಯಾಮೆರಾ ಮುಂದೆ ತಮಾಷೆಯ ಮುಖಭಾವಗಳನ್ನು ನೀಡುತ್ತಾ ಪೊದೆಸಿರುವ ಫೋಟೋಗಳು ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿವೆ. ಇನ್ನು ಅನೀತ್ ಪಡ್ಡಾ ಅವರ ಅಚ್ಚುಮೆಚ್ಚಿನ ನಟಿಯಾಗಿರುವ ಆಲಿಯಾ ಭಟ್ ಈ ಜನ್ಮದಿನದ ಪಾರ್ಟಿಯಲ್ಲಿ ಭಾಗವಹಿಸಿದ್ದು ವಿಶೇಷ ಆಕರ್ಷಣೆಯಾಯಿತು.
ಹುಟ್ಟುಹಬ್ಬದ ಹಿಂದಿನ ದಿನವೇ ಆಹಾನ್ ಪಾಂಡೆ ಅವರು ಅನೀತ್ ಜತೆಗಿನ ಕೆಲ ಸುಂದರ ಹಾಗೂ ಮುಕ್ತ ಕ್ಷಣಗಳ ಫೋಟೋಗಳನ್ನು ಹಂಚಿಕೊಳ್ಳುವ ಮೂಲಕ ವಿಶಿಷ್ಠವಾಗಿ ಶುಭ ಕೋರಿದ್ದರು. “ನೀನು ಬ್ರಹ್ಮಾಂಡಕ್ಕೆ ನೀಡಿರುವ ಒಂದು ಸುಂದರ ಉಡುಗೊರೆ, ನಿನ್ನ ಸ್ಪರ್ಶದಿಂದ ಎಲ್ಲವೂ ಹೊಳೆಯುತ್ತದೆ” ಎಂದು ಪ್ರೀತಿಯ ಸಂದೇಶ ಬರೆದಿದ್ದರು. ಇದಕ್ಕೆ ಪ್ರತಿಕ್ರಿಯಿಸಿದ್ದ ಅನೀತ್, “ನೀನು ಇಡೀ ಜಗತ್ತಿನಲ್ಲೇ ಅತ್ಯುತ್ತಮ ವ್ಯಕ್ತಿ, ಧನ್ಯವಾದಗಳು” ಎಂದು ಕೃತಜ್ಞತೆ ಸಲ್ಲಿಸಿದ್ದರು. ಯುವ ನಟರ ಈ ಹಾಟ್‌ ಟಾಪಿಕ್ ಬರ್ತ್‌ಡೇ ಪಾರ್ಟಿ ಈಗ ಸಿನಿಮಾದಲ್ಲಿ ಭಾರೀ ಚರ್ಚೆಗೆ ಗ್ರಾಸವಾಗಿದೆ.
