ಉತ್ತರ ಪ್ರದೇಶದ ಬಸ್ತಿ ಜಿಲ್ಲೆಯ 13 ವರ್ಷದ ಬಾಲಕಿ ನಿಕಿತಾ ತನ್ನನ್ನು ಮತ್ತು ತನ್ನ ಸೋದರಿಯನ್ನು ಮಂಗಗಳಿಂದ ರಕ್ಷಿಸಲು ತಂತ್ರಜ್ಞಾನ ಬಳಸುವಲ್ಲಿ ತೋರಿದ ಜಾಣ್ಮೆಗೆ ಹೆಸರುವಾಸಿಯಾಗಿದ್ದಾಳೆ.
ಆಕೆಯ ಧೈರ್ಯದ ಕಾರ್ಯ ಮಹೀಂದ್ರಾ ಸಮೂಹದ ಅಧ್ಯಕ್ಷ ಆನಂದ್ ಮಹೀಂದ್ರರಿಂದ ಪ್ರಶಂಸೆಗೆ ಪಾತ್ರವಾಗಿದೆ. ಅವರು ನಿಕಿತಾ ಅವರ ತ್ವರಿತ ಜಾಣ್ಮೆಯ ಪ್ರತಿಕ್ರಿಯೆಗೆ ಶ್ಲಾಘಿಸಿದ್ದು, ಬಾಲಕಿ ಶಿಕ್ಷಣವನ್ನು ಪೂರ್ಣಗೊಳಿಸಿದ ನಂತರ ಮಹೀಂದ್ರಾದಲ್ಲಿ ಉದ್ಯೋಗವನ್ನು ನೀಡುವುದಾಗಿ ಹೇಳಿದ್ದಾರೆ.
ನಿಕಿತಾ ವಿದ್ಯಾಭ್ಯಾಸ ಮುಗಿಸಿ ತಮ್ಮ ಕಂಪನಿಗೆ ಸೇರಿಕೊಳ್ಳುತ್ತಾರೆ ಎಂದು ಮಹೀಂದ್ರಾ ಆಶಾವಾದ ವ್ಯಕ್ತಪಡಿಸಿದ್ದಾರೆ. ಸಮಾಜವು ತಂತ್ರಜ್ಞಾನದಿಂದ ನಿಯಂತ್ರಣದಲ್ಲಿದೆಯೇ ಎಂಬ ಬಗ್ಗೆ ನಡೆಯುತ್ತಿರುವ ಚರ್ಚೆಯ ಮಹತ್ವವನ್ನು ಅವರು ಒತ್ತಿ ಹೇಳಿದ್ದಾರೆ.
ಆನಂದ್ ಮಹೀಂದ್ರಾ ಅವರು ನಿಕಿತಾ ಅವರ ಕಥೆಯನ್ನು ಮಾನವ ಸೃಜನಶೀಲತೆ ಮತ್ತು ಸಮಸ್ಯೆ ಪರಿಹಾರಕ್ಕೆ ತಂತ್ರಜ್ಞಾನವು ಮುಂದುವರಿಯುತ್ತದೆ ಎಂಬುದಕ್ಕೆ ಪುರಾವೆಯಾಗಿ ಹೈಲೈಟ್ ಮಾಡಿದ್ದಾರೆ. ಪ್ರತಿಕೂಲ ಪರಿಸ್ಥಿತಿಯಲ್ಲಿ ಅವಳ ಅಸಾಧಾರಣ ತ್ವರಿತ ಚಿಂತನೆಯನ್ನು ಪ್ರಶಂಸಿಸಿದ್ದಾರೆ.
ನಿಕಿತಾ ಅವರ ನಿವಾಸದಲ್ಲಿ ಅವರು ತಮ್ಮ ಸಂಬಂಧಿ ಮಗುವಿನೊಂದಿಗೆ ಆಟವಾಡುತ್ತಿದ್ದಾಗ ಈ ಘಟನೆ ಸಂಭವಿಸಿದೆ, ಇತರ ಕುಟುಂಬ ಸದಸ್ಯರು ಬೇರೆ ಬೇರೆ ಕೋಣೆಗಳಲ್ಲಿದ್ದರು.
ಎಲ್ಲಿಂದಲೋ ಐದಾರು ಮಂಗಗಳ ಗುಂಪೊಂದು ಮನೆಗೆ ನುಗ್ಗಿದ್ದು, ಅಡುಗೆ ಮನೆಯಲ್ಲಿದ್ದ ಪಾತ್ರೆ, ಆಹಾರ ಪದಾರ್ಥಗಳನ್ನು ಎಸೆದು ಅವಾಂತರ ಸೃಷ್ಟಿಸಿದೆ. ಹುಡುಗಿಯರು ಭಯಭೀತರಾದರು, ಅದರಲ್ಲೂ ವಿಶೇಷವಾಗಿ ಒಂದು ಮಂಗವು ತಮ್ಮ ಬಳಿಗೆ ಬರುತ್ತಲೇ ಇರುವುದನ್ನು ಗಮನಿಸಿದ ನಿಕಿತಾ ತ್ವರಿತ ಆಲೋಚನೆಯ ಕ್ಷಣದಲ್ಲಿ ಫ್ರಿಡ್ಜ್‌ ಮೇಲಿದ್ದ ಅಲೆಕ್ಸಾ ಸಾಧನ ಗಮನಿಸಿ ಬೊಗಳುವ ನಾಯಿಯ ಶಬ್ದವನ್ನು ಪ್ಲೇ ಮಾಡಲು ಸೂಚಿಸಿದ್ದಾಳೆ. ಅವಳ ಆಜ್ಞೆಗೆ ಪ್ರತಿಕ್ರಿಯಿಸಿದ ಅಲೆಕ್ಸಾ ಜೋರಾಗಿ ಬೊಗಳುವ ಶಬ್ದಗಳನ್ನು ಹೊರಸೂಸಿದೆ, ಅದನ್ನು ಕೇಳಿದ ಮಂಗಗಳು ಹೆದರಿವೆ. ಅನಿರೀಕ್ಷಿತ ಸಂದರ್ಭಗಳನ್ನು ಎದುರಿಸುವಾಗ ನಿಕಿತಾ ತೋರಿದ ಜಾಣ್ಮೆಗೆ ಭಾರಿ ಪ್ರಶಂಸೆ ವ್ಯಕ್ತವಾಗಿದೆ.
The dominant question of our era is whether we will become slaves or masters of technology.
The story of this young girl provides comfort that technology will always be an ENABLER of human ingenuity.
Her quick thinking was extraordinary.
What she demonstrated was the… https://t.co/HyTyuZzZBK
— anand mahindra (@anandmahindra) April 6, 2024
