ಫೆ. 22 ರಿಂದ ಸಿರಿಗೆರೆಯಲ್ಲಿ ಸರಳ ತರಳಬಾಳು ಹುಣ್ಣಿಮೆ

ಚಿತ್ರದುರ್ಗ: ಸಿರಿಗೆರೆಯಲ್ಲಿ ಈ ಬಾರಿ ಫೆಬ್ರವರಿ 22 ರಿಂದ 24ರ ವರೆಗೆ ಸರಳವಾಗಿ ತರಳಬಾಳು ಹುಣ್ಣಿಮೆ ಮಹೋತ್ಸವ ನಡೆಯಲಿದೆ.

ಕ್ರೀಡಾ ಮೇಳ, ಗೋಷ್ಠಿ, ವಿಜ್ಞಾನ ಮೇಳ, ಪೀಠದ ಸಂಸ್ಥಾಪಕರಾದ ಮರುಳಸಿದ್ದರ ನಾಟಕ ಪ್ರದರ್ಶನ, ಕೊನೆಯ ದಿನ ಶ್ರೀಗಳ ಸದ್ಧರ್ಮ ಸಿಂಹಾಸನಾರೋಹಣ ನಡೆಯಲಿದೆ. ತರಳಬಾಳು ಮಠದ ಡಾ. ಶಿವಮೂರ್ತಿ ಶಿವಾಚಾರ್ಯ ಸ್ವಾಮೀಜಿ ಈ ಬಗ್ಗೆ ಮಾಹಿತಿ ನೀಡಿದ್ದು, ಈ ಬಾರಿ ಸರಳವಾಗಿ ತರಳಬಾಳು ಹುಣ್ಣಿಮೆ ಮಹೋತ್ಸವ ನಡೆಸಲಾಗುವುದು. ವಿವಿಧ ಕಾರ್ಯಕ್ರಮಗಳು ನಡೆಯಲಿದ್ದು, ಇದೇ ಸಂದರ್ಭದಲ್ಲಿ ಮರುಳಸಿದ್ದ ಕಾವ್ಯ ಮತ್ತು ಮರುಳಸಿದ್ದಾಂತ ವಿಮರ್ಶಾ ಕೃತಿಗಳನ್ನು ಬಿಡುಗಡೆ ಮಾಡಲಾಗುವುದು ಎಂದು ಹೇಳಿದ್ದಾರೆ.