ಕ್ರಷರ್ ನಿಂದ ಉರುಳಿ ಬಿದ್ದ ಬಂಡೆಯಡಿ ಸಿಲುಕಿ ಇಬ್ಬರು ಕಾರ್ಮಿಕರು ಸಾವು

ತುಮಕೂರು: ಕ್ರಷರ್ ನಿಂದ ಬಂಡೆ ಉರುಳಿ ಬಿದ್ದು ಇಬ್ಬರು ಕಾರ್ಮಿಕರು ಸಾವನ್ನಪ್ಪಿದ್ದಾರೆ. ಕೌತಮಾರನಹಳ್ಳಿಯಲ್ಲಿ ಘಟನೆ ನಡೆದಿದೆ.

ಬಿಹಾರದ ಮಹಮದ್ ಅಬ್ದುಲ್(29), ಛತ್ತೀಸ್ ಗಢದ ಮೋನು(24) ಮೃತಪಟ್ಟವರು ಎಂದು ಹೇಳಲಾಗಿದೆ. ಘಟನೆಯಲ್ಲಿ ಛತ್ತೀಸ್ ಗಢದ ಈರ(25) ಎಂಬುವರು ಗಂಭೀರವಾಗಿ ಗಾಯಗೊಂಡಿದ್ದು, ಅವರನ್ನು ಬೆಂಗಳೂರಿನ ಸಂಜಯ್ ಗಾಂಧಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಕೌತಮಾರನಹಳ್ಳಿಯಲ್ಲಿ ಕ್ರಷರ್ ನಲ್ಲಿ ಬಂಡೆ ಡ್ರಿಲ್ ಮಾಡುವಾಗ ಮೇಲ್ಭಾಗದಲ್ಲಿದ್ದ ಬಂಡೆ ಸಡಿಲಗೊಂಡು 50 ಅಡಿ ಎತ್ತರದಿಂದ ಕೆಳಕ್ಕೆ ಉರುಳಿದೆ. ಪರಿಣಾಮ ಬಂಡೆಯಡಿ ಸಿಲುಕಿ ಕಾರ್ಮಿಕರು ಸಾವನ್ನಪ್ಪಿದ್ದಾರೆ ಎನ್ನಲಾಗಿದೆ.