ಈ ವರ್ಷ ಒಡಿಶಾದ ಗಂಜಾಂ ಜಿಲ್ಲೆಯ ರುಶಿಕುಲ್ಯ ತೀರದಲ್ಲಿ 6.37 ಲಕ್ಷ ಆಲಿವ್ ರಿಡ್ಲಿ ಸಮುದ್ರ ಆಮೆಗಳು ಸಾಮೂಹಿಕ ಗೂಡುಕಟ್ಟಲು ಆಗಮಿಸಿದ್ದು, ಹಿಂದಿನ 5.5 ಲಕ್ಷ ದಾಖಲೆಯನ್ನು ಮುರಿದಿವೆ.
ಬೆರ್ಹಾಂಪುರ ವಿಭಾಗೀಯ ಅರಣ್ಯಾಧಿಕಾರಿ ಸನ್ನಿ ಖೋಕ್ಕರ್ ಈ ಮಾಹಿತಿಯನ್ನು ನೀಡಿದ್ದಾರೆ. ಪೊದಂಪೆಟ್ಟಾ ಪ್ರದೇಶ ಸಮೀಪದಲ್ಲಿ ಮೊಟ್ಟೆ ಇಡಲು ಆಮೆಗಳು ಆಗಮಿಸಿವೆ. ಫೆಬ್ರವರಿ 23 ರಿಂದ ಮಾರ್ಚ್ 2 ರವರೆಗೆ 6.37 ಲಕ್ಷ ಆಮೆಗಳು ಆಗಮಿಸಿವೆ ಎಂದು ಅವರು ಹೇಳಿದ್ದಾರೆ.
ಈ ವರ್ಷ, ಚಂಡಮಾರುತಗಳು ಮತ್ತು ಭಾರೀ ಮಳೆಯಂತಹ ಹವಾಮಾನ ವೈಪರೀತ್ಯಗಳು ಈ ಭಾಗದಲ್ಲಿ ಇಲ್ಲದ ಹಿನ್ನೆಲೆಯಲ್ಲಿ ಕಡಲತೀರಗಳು ಬಾಧಿತವಾಗಿಲ್ಲ ಎಂದು ಅವರು ಮಾಹಿತಿ ನೀಡಿದ್ದಾರೆ. ಅರಣ್ಯ ವಿಭಾಗವು ಅರಣ್ಯಾಧಿಕಾರಿಗಳನ್ನು ನಿಯೋಜಿಸುವ ಮೂಲಕ ಆಮೆಗಳ ಮರಣವನ್ನು ತಡೆಗಟ್ಟಲು ತನ್ನ ಮೇಲ್ವಿಚಾರಣೆಯನ್ನು ಹೆಚ್ಚಿಸಿದೆ.
Over 600,000 Olive Ridley Sea Turtles have come ashore this season in #Odisha to lay eggs. Remarkable.. a wonder of the natural world. Original FB post @BNHSIndia here https://t.co/QJCT05yG98 pic.twitter.com/PeXbgccP8H
— Nirmal Ghosh (@karmanomad) March 6, 2023
