ಉದ್ಯಮಿ ಆನಂದ್ ಮಹೀಂದ್ರಾ ಪ್ರಪಂಚದಾದ್ಯಂತ ಪ್ರಭಾವಶಾಲಿ ತಂತ್ರಜ್ಞಾನ ಮತ್ತು ವಾಸ್ತುಶಿಲ್ಪವನ್ನು ಪ್ರದರ್ಶಿಸುವ ವೀಡಿಯೊಗಳನ್ನು ಹಂಚಿಕೊಳ್ಳಲು ಹೆಸರುವಾಸಿಯಾಗಿದ್ದಾರೆ.
ಅವರ ಇತ್ತೀಚಿನ ಪೋಸ್ಟ್ ನಲ್ಲಿ, ನೆದರ್‌ಲ್ಯಾಂಡ್ಸ್‌ನಲ್ಲಿ ಸುರಂಗವನ್ನು ನಿರ್ಮಿಸುತ್ತಿರುವುದನ್ನು ತೋರಿಸುವ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ.
ಅದರ ವಿಶೇಷವೆಂದರೆ ಸುರಂಗ ನಿರ್ಮಾಣದ ಇಡೀ ಯೋಜನೆಯು ಕೇವಲ ಒಂದು ವಾರದಲ್ಲಿ ಪೂರ್ಣಗೊಂಡಿದೆ ಎಂಬುದು.
ಆನಂದ್ ಮಹಿಂದ್ರಾ ಅವರು ಟ್ವಿಟರ್‌ನಲ್ಲಿ ಹಂಚಿಕೊಂಡಿರುವ ವಿಡಿಯೋದಲ್ಲಿ ಕ್ರೇನ್‌ಗಳು ಮತ್ತು ಇತರ ಭಾರೀ ಯಂತ್ರೋಪಕರಣಗಳೊಂದಿಗೆ ಸುರಂಗವನ್ನು ನಿರ್ಮಿಸುವುದನ್ನು ತೋರಿಸುತ್ತದೆ.
“ಡಚ್ಚರು ಕೇವಲ ಒಂದು ವಾರಾಂತ್ಯದಲ್ಲಿ ಹೆದ್ದಾರಿಯ ಕೆಳಗೆ ಸುರಂಗವನ್ನು ನಿರ್ಮಿಸಿದರು ! ನಾವು ಪಡೆಯಬೇಕಾದ ಕೌಶಲ್ಯಗಳು. ಇದು ಕಾರ್ಮಿಕ ಉಳಿತಾಯದ ಬಗ್ಗೆ ಅಲ್ಲ, ಆದರೆ ಸಮಯ ಉಳಿತಾಯದ ಬಗ್ಗೆ. ಇದು ಉದಯೋನ್ಮುಖ ಆರ್ಥಿಕತೆಯಲ್ಲೂ ನಿರ್ಣಾಯಕವಾಗಿದೆ. ತ್ವರಿತ ಮೂಲಸೌಕರ್ಯ ಸೃಷ್ಟಿ ಎಂದರೆ ವೇಗವಾದ ಬೆಳವಣಿಗೆ ಮತ್ತು ಎಲ್ಲರಿಗೂ ಪ್ರಯೋಜನಗಳು” ಎಂದು ಆನಂದ್ ಮಹೀಂದ್ರಾ ವಿಡಿಯೋಗೆ ಶೀರ್ಷಿಕೆ ನೀಡಿದ್ದಾರೆ.
Loading ...