ಮಹೀಂದ್ರಾ ಗ್ರೂಪ್ನ ಅಧ್ಯಕ್ಷ ಆನಂದ್ ಮಹೀಂದ್ರಾ ಅವರು ಹೊಸ ಹೊಸ ಪೋಸ್ಟ್ಗಳನ್ನು ಶೇರ್ ಮಾಡುತ್ತಲೇ ಇರುತ್ತಾರೆ. ಇವುಗಳ ಪೈಕಿ ಹಲವು ಸ್ಫೂರ್ತಿದಾಯವಾಗಿರುತ್ತವೆ. ಅಂಥದ್ದೇ ವಿಡಿಯೋ ಒಂದು ಇದೀಗ ವೈರಲ್ ಆಗಿದೆ.
ಮಹೀಂದ್ರಾ ಅವರು ಓಟದ ಸ್ಪರ್ಧೆಯ 12 ಸೆಕೆಂಡುಗಳ ವೀಡಿಯೊವನ್ನು ಹಂಚಿಕೊಂಡಿದ್ದು, ಈ ವಿಡಿಯೋ ಬಹಳಷ್ಟು ಹೇಳುವಂತಿದೆ. ತಮ್ಮ 10.3 ಮಿಲಿಯನ್ ಟ್ವಿಟ್ಟರ್ ಅನುಯಾಯಿಗಳೊಂದಿಗೆ ತಮ್ಮ ಬುದ್ಧಿವಂತಿಕೆಯ ಮಾತುಗಳನ್ನು ಈ ವಿಡಿಯೋ ಮೂಲಕ ಆನಂದ್ ಅವರು ಹಂಚಿಕೊಂಡಿದ್ದಾರೆ.
ಈ ವೈರಲ್ ವೀಡಿಯೊ ಕುತೂಹಲವಾಗಿದೆ. ಅತ್ಯಂತ ಅಸಾಂಪ್ರದಾಯಿಕ ರೀತಿಯಲ್ಲಿ ಓಟದ ಸ್ಪರ್ಧೆಯನ್ನು ಯುವಕನೊಬ್ಬ ಗೆದ್ದುಕೊಂಡಿರುವ ವಿಡಿಯೋ ಇದಾಗಿದೆ. ರೇಸ್ ಟ್ರ್ಯಾಕ್ನ ಫಿನಿಶಿಂಗ್ ಲೈನ್ ಬಂದಾಗ ಅಥ್ಲೀಟ್ ಒಬ್ಬ ಓಡುವ ಬದಲು ಹಾರಿ ಬೌಂಡರಿ ಲೈನ್ ಅನ್ನು ತಲುಪಿದ್ದಾರೆ.
ಅಸಂಭವ ಎನ್ನುವ ಈ ವಿಡಿಯೋ ಭಾರಿ ವೈರಲ್ ಆಗಿದ್ದು ಎಲ್ಲರ ಹುಬ್ಬೇರಿಸುತ್ತಿದೆ. ಗುರಿ ತಲುಪಲು ಕೊನೆ ಕ್ಷಣದವರೆಗೂ ಹೋರಾಟ ನಡೆಸಿ ಎಂಬ ಸಂದೇಶವನ್ನು ಆನಂದ್ ಮಹೀಂದ್ರಾ ಸಾರಿದ್ದಾರೆ.
Love this. It’s common, mid-week, to feel that you’re falling behind. But there’s always a chance to make a flying leap into first place! https://t.co/vIpJmhzoUs
— anand mahindra (@anandmahindra) February 22, 2023
