ಮಕ್ಕಳು ಮುಗ್ಧವಾಗಿ ವರ್ತಿಸುವ ವೀಡಿಯೊಗಳು ಸಾಮಾನ್ಯವಾಗಿ ಆನ್ಲೈನ್ನಲ್ಲಿ ಹೆಚ್ಚು ಗಮನ ಸೆಳೆಯುತ್ತವೆ. ಇತ್ತೀಚೆಗಷ್ಟೇ ಪುಟ್ಟ ಮಗುವೊಂದು ವಿಮಾನ ಹತ್ತಿ ಎಲ್ಲರಿಗೂ ಶುಭಾಶಯ ಕೋರುತ್ತಿರುವ ಮುದ್ದಾದ ವಿಡಿಯೋವೊಂದು ಅಂತರ್ಜಾಲ ಬಳಕೆದಾರರ ಗಮನ ಸೆಳೆದಿದೆ. ಅನೇಕ ಜನರು ವಿಡಿಯೋವನ್ನು ಇಷ್ಟಪಟ್ಟಿದ್ದಾರೆ.
ವಿಡಿಯೋವನ್ನು ಮೊರಿಸ್ಸಾ ಶ್ವಾರ್ಟ್ಜ್ ಅವರು ಮೈಕ್ರೋಬ್ಲಾಗಿಂಗ್ ಪ್ಲಾಟ್ಫಾರ್ಮ್ನಲ್ಲಿ ಹಂಚಿಕೊಂಡಿದ್ದಾರೆ. ಇದರಲ್ಲಿ ಪುಟ್ಟ ಮಗು ವಿಮಾನದ ಹಜಾರದಲ್ಲಿ ನಡೆದುಕೊಂಡು ಹೋಗುತ್ತಿರುವುದನ್ನು ಕಾಣಬಹುದು. ಆತ ಪ್ರತಿ ಆಸನದ ಮೂಲಕ ಹಾದುಹೋಗುವಾಗ, ಪ್ರತಿಯೊಬ್ಬ ಪ್ರಯಾಣಿಕರ ಕೈಗಳನ್ನು ಕುಲುಕುತ್ತಾನೆ ಮತ್ತು ಅವರು ನಗುವಿನಿಂದ ಅವನನ್ನು ಸ್ವಾಗತಿಸುತ್ತಾರೆ.
ವಿಡಿಯೋಗೆ “ಎಂತಹ ಸ್ನೇಹಪರ ಆತ್ಮ” ಎಂದು ಶೀರ್ಷಿಕೆ ನೀಡಲಾಗಿದೆ. ಹಂಚಿಕೊಂಡ ನಂತರ, ವಿಡಿಯೋ ಮೂರು ಮಿಲಿಯನ್ ವೀಕ್ಷಣೆಗಳನ್ನು ಮತ್ತು 53,000 ಇಷ್ಟಗಳನ್ನು ಸಂಗ್ರಹಿಸಿದೆ. “ಈತನೊಬ್ಬ ಪುಟ್ಟ ದೇವತೆ. ಎಲ್ಲರ ಮೊಗದಲ್ಲಿಯೂ ನಗು ತರಿಸುತ್ತಾನೆ ” ಎಂದು ಬಳಕೆದಾರರು ಬರೆದಿದ್ದಾರೆ.
What a friendly soul 💕 https://t.co/rVmhHVSSK0
— Morissa Schwartz 📚 (Dr. Rissy) (@MorissaSchwartz) January 11, 2023
