ಬೆಂಗಳೂರು: ಪೋಷಕರು ಮಕ್ಕಳ ಬಗ್ಗೆ ಕೊಂಚ ನಿರ್ಲಕ್ಷ ಮಾಡಿದರೂ ಮಕ್ಕಳು ಎಂತಹ ಅವಘಡಗಳನ್ನು ಮಾಡಿಕೊಳ್ಳುತ್ತಿದ್ದಾರೆ ಎಂಬುದಕ್ಕೆ ಈ ಘಟನೆ ಸಾಕ್ಷಿ. ಒಂದೂವರೆ ವರ್ಷದ ಮಗು ಮೂರನೇ ಮಹಡಿ ಮೇಲಿಂದ ಕೆಳಗೆ ಬಿದ್ದು ಗಂಭೀರವಾಗಿ ಗಾಯಗೊಂಡಿರುವ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ.
ಬೆಂಗಳೂರಿನ ಚಿಕ್ಕಆಡುಗೋಡಿಯಲ್ಲಿ ಈ ಘಟನೆ ನಡೆದಿದೆ. ಮನೆಯ ಮಹಡಿಯಲ್ಲಿ ಮಗುವೊಂದೇ ಆಟವಾಡುತ್ತಿತ್ತು. ಮೂರನೇ ಮಹಡಿಯಿಂದ ಆಕಸ್ಮಿಕವಾಗಿ ಕ್ರೆಳಗೆ ರಸ್ತೆಗೆ ಬಿದ್ದಿದೆ. ತಕ್ಷಣ ಸ್ಥಳೀಯರು ಮಗುವನ್ನು ಎತ್ತಿಕೊಂಡು ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ.
ಮಗುವಿನ ತಲೆಯ ಭಾಗದಲ್ಲಿ ಗಂಭೀರವಾದ ಪೆಟ್ಟು ಬಿದ್ದಿದೆ. ಮಗು ಸಾಅವು-ಬದುಕಿನ ನಡಿವೆ ಹೋರಾಟ ನಡೆಸುತ್ತಿದೆ. ಮಗು ಆಟವಾಡುತ್ತಿದೆ ಎಂದು ಪೋಷಕರು ಮಗುವನ್ನೊಂದೆ ಬಿಟ್ಟು ಕೆಲಸದಲ್ಲಿ ಬ್ಯುಸಿಯಾಗಿದ್ದಾರೆ. ತಂದೆ-ತಾಯಿಗಳ ಒಂದು ಸಣ್ಣ ನಿರ್ಲಕ್ಷ ಈಗ ಮಗು ಪ್ರಾಣಕ್ಕೆ ಅಪಾಯ ತಂದುಕೊಂಡಿದೆ.
ಈ ಹಿಂದೆಯೂ ಎರಡು ಬಾರಿ ಮಗು ಮನೆಯಿಂದ ಬಿದ್ದು ಗಾಯಗೊಂಡಿತ್ತು. ಇಂದು ಮತ್ತೆ ಇದೇ ರೀತಿ ಘಟನೆ ನಡೆದಿದೆ. ಪೋಷಕರ ನಿರ್ಲಕ್ಷ್ಯದ ವಿರುದ್ಧ ಚಿಕ್ಕಆಡುಗೋಡಿ ಠಾಣೆಯಲ್ಲಿ ಸ್ಥಳೀಯರು ದೂರು ದಾಖಲಿಸಿದ್ದಾರೆ.
