ಬೆಂಗಳೂರು: ಇಂದಿನ ಡಿಜಿಟಲ್ ಯುಗದಲ್ಲಿ ಹಣ ಸಂಪಾದನೆಗೆ ಯೂಟ್ಯೂಬ್ ಅತ್ಯಂತ ಪ್ರಬಲ ಹಾಗೂ ಜನಪ್ರಿಯ ವೇದಿಕೆಯಾಗಿ ಹೊರಹೊಮ್ಮಿದೆ. ಸ್ವಂತ ಚಾನೆಲ್ ತೆರೆದು ಕಂಟೆಂಟ್ ಕ್ರಿಯೇಟರ್ಆಗಿ ಯಶಸ್ವಿ ವೃತ್ತಿಜೀವನ ರೂಪಿಸಿಕೊಳ್ಳಲು ಬಯಸುವವರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ. ಆದರೆ, ಸೂಕ್ತ ಮಾಹಿತಿ ಹಾಗೂ ಯೂಟ್ಯೂಬ್ನ ಕಟ್ಟುನಿಟ್ಟಿನ ನಿಯಮಗಳ ಅರಿವಿಲ್ಲದೆ ಅನೇಕರು ಗೊಂದಲಕ್ಕೊಳಗಾಗುತ್ತಿದ್ದಾರೆ.ನಿಮಗೂ ಯೂಟ್ಯೂಬ್ ಚಾನೆಲ್ ಆರಂಭಿಸಿ ಆನ್ಲೈನ್ ಮೂಲಕ ಆದಾಯ ಗಳಿಸುವ ಆಸಕ್ತಿ ಇದೆಯೇ? ಚಾನೆಲ್ ಆರಂಭಿಸುವುದು ಹಾಗೂ ಮಾನಿಟೈಸೇಷನ್ ಪಡೆಯುವ ಕುರಿತ ಸಂಪೂರ್ಣ ಮಾರ್ಗದರ್ಶಿ ಇಲ್ಲಿದೆ:
ಕಂಟೆಂಟ್/ವಿಷಯದ ಸ್ಪಷ್ಟ ಆಯ್ಕೆ ಮುಖ್ಯ:
ಚಾನೆಲ್ ಆರಂಭಿಸುವ ಮುನ್ನ ನೀವು ಯಾವ ವಿಷಯದ ಮೇಲೆ ವಿಡಿಯೋ ಮಾಡಲು ಬಯಸುತ್ತೀರಿ ಎಂಬುದನ್ನು ನಿಖರವಾಗಿ ನಿರ್ಧರಿಸಿ.
ವಿಷಯಗಳು: ಟೆಕ್ ರಿವ್ಯೂ, ವ್ಲಾಗಿಂಗ್, ಅಡುಗೆ, ಶಿಕ್ಷಣ, ಪ್ರವಾಸ, ಹಣಕಾಸು ಅಥವಾ ಮನರಂಜನೆ – ನಿಮ್ಮ ಆಸಕ್ತಿಗೆ ತಕ್ಕ ಕ್ಷೇತ್ರವನ್ನು ಆಯ್ಕೆ ಮಾಡಿಕೊಳ್ಳಿ.
ಟಾರ್ಗೆಟ್ ವೀಕ್ಷಕರು: ಸರಿಯಾದ ಕಂಟೆಂಟ್ ಆಯ್ಕೆ ಮಾಡುವುದರಿಂದ ನಿಮ್ಮ ಲಕ್ಷ್ಯದ ವೀಕ್ಷಕರನ್ನು ಸುಲಭವಾಗಿ ತಲುಪಬಹುದು.
ಹೊಸ ಚಾನೆಲ್ ಆರಂಭಿಸುವುದು ಅತ್ಯಂತ ಸರಳ:
ನಿಮ್ಮ ಬಳಿ ಇರುವ ಗೂಗಲ್ (Gmail) ಅಕೌಂಟ್ ಬಳಸಿ ಕೆಲವೇ ನಿಮಿಷಗಳಲ್ಲಿ ಉಚಿತವಾಗಿ ಚಾನೆಲ್ ಕ್ರಿಯೇಟ್ ಮಾಡಬಹುದು.
ಚಾನೆಲ್ಗೆ ಸೂಕ್ತವಾದ ಹೆಸರು, ಆಕರ್ಷಕ ಪ್ರೊಫೈಲ್ ಚಿತ್ರ ಹಾಗೂ ಬ್ಯಾನರ್ ವಿನ್ಯಾಸಗೊಳಿಸಿ ಸೆಟ್ ಮಾಡಿ.
ನಿಯಮಿತ ಅಪ್ಲೋಡ್: ಆರಂಭಿಕ ದಿನಗಳಲ್ಲಿ ವಿಡಿಯೋ ಕ್ವಾಲಿಟಿಗಿಂತಲೂ ನಿರಂತರವಾಗಿ ಹಾಗೂ ನಿಯಮಿತವಾಗಿ ವಿಡಿಯೋಗಳನ್ನು ಅಪ್ಲೋಡ್ ಮಾಡುವುದು ವೀಕ್ಷಕರ ಸಂಖ್ಯೆಯನ್ನು ಹೆಚ್ಚಿಸಲು ನೆರವಾಗುತ್ತದೆ.
ಯೂಟ್ಯೂಬ್ ಮಾನಿಟೈಸೇಷನ್ (YPP) ಷರತ್ತುಗಳು:
ಯೂಟ್ಯೂಬ್ ಪಾರ್ಟ್ನರ್ ಪ್ರೋಗ್ರಾಂ ಸೇರಿ ಜಾಹೀರಾತುಗಳ ಮೂಲಕ ಹಣ ಗಳಿಸಲು ಮುಖ್ಯವಾಗಿ ಎರಡು ಮಾರ್ಗಗಳಿವೆ:
ದೀರ್ಘಾವಧಿ ವಿಡಿಯೋಗಳಿಗೆ : ಕಳೆದ 12 ತಿಂಗಳಲ್ಲಿ ಕನಿಷ್ಠ 1,000 ಸಬ್ಸ್ಕ್ರೈಬರ್ಗಳು ಹಾಗೂ 4,000 ಗಂಟೆಗಳ ಸಾರ್ವಜನಿಕ ವಾಚ್ ಟೈಮ್ ಪೂರೈಸಬೇಕು.
ಯೂಟ್ಯೂಬ್ ಶಾರ್ಟ್ಸ್ಗೆ (YouTube Shorts): ಕಳೆದ 90 ದಿನಗಳಲ್ಲಿ 1,000 ಸಬ್ಸ್ಕ್ರೈಬರ್ಗಳು ಹಾಗೂ ಶಾರ್ಟ್ಸ್ ವಿಡಿಯೋಗಳಲ್ಲಿ ಒಟ್ಟು 1 ಕೋಟಿ (10 ಮಿಲಿಯನ್) ವೀವ್ಸ್ ಪಡೆಯಬೇಕು.
ಕಮ್ಯೂನಿಟಿ ಗೈಡ್ಲೈನ್ಸ್ ಪಾಲನೆ ಕಡ್ಡಾಯ
ಕೇವಲ ಸಬ್ಸ್ಕ್ರೈಬರ್ ಮತ್ತು ವಾಚ್ ಟೈಮ್ ಪೂರೈಸಿದರೆ ಸಾಲದು. ನಿಮ್ಮ ಚಾನೆಲ್ ಯೂಟ್ಯೂಬ್ನ ಸಮುದಾಯ ಮಾರ್ಗಸೂಚಿಗಳು (Community Guidelines) ಮತ್ತು ಮಾನಿಟೈಸೇಷನ್ ನೀತಿಗಳನ್ನು ಸಂಪೂರ್ಣವಾಗಿ ಪಾಲಿಸಿರಬೇಕು.
