ಸ್ಪೇನ್ ಫುಟ್ಬಾಲ್ ತಂಡವು 2026ರ ಫಿಫಾ ವಿಶ್ವಕಪ್ ಗೆದ್ದು ಚಾಂಪಿಯನ್ ಆಗಿ ಹೊರಹೊಮ್ಮಿದ ಸಂಭ್ರಮದ ಬೆನ್ನಲ್ಲೇ, ಖ್ಯಾತ ಟೆನ್ನಿಸ್ ತಾರೆ ಕಾರ್ಲೋಸ್ ಅಲ್ಕಾರಾಜ್ ಮತ್ತು ಜನಪ್ರಿಯ ಯೂಟ್ಯೂಬ್ ಸ್ಟ್ರೀಮರ್ ಐಶೋಸ್ಪೀಡ್ ನಡೆಸಿದ ಜಂಟಿ ನೃತ್ಯದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಸದ್ದು ಮಾಡುತ್ತಿದೆ.
ಖ್ಯಾತ ಪಾಪ್ ಗಾಯಕ ಜಸ್ಟಿನ್ ಬೀಬರ್ ಆಯೋಜಿಸಿದ್ದ ಫಿಫಾ ವಿಶ್ವಕಪ್ ಆಫ್ಟರ್ಪಾರ್ಟಿಯಲ್ಲಿ ಈ ಆಕರ್ಷಕ ಘಟನೆ ನಡೆದಿದೆ. ಮೈಕಲ್ ಜಾಕ್ಸನ್ ಅವರ ಪ್ರಸಿದ್ಧ ಗೀತೆಗೆ ಯೂಟ್ಯೂಬ್ ಸ್ಟ್ರೀಮರ್ ಐಶೋಸ್ಪೀಡ್ ತಮ್ಮ ವಿಶಿಷ್ಟ ಶೈಲಿಯಲ್ಲಿ ಹೆಜ್ಜೆ ಹಾಕಿದರೆ, ಅವರ ಜೊತೆ ಟೆನ್ನಿಸ್ ಚಾಂಪಿಯನ್ ಕಾರ್ಲೋಸ್ ಅಲ್ಕಾರಾಜ್ ಕೂಡ ಉತ್ಸಾಹದಿಂದ ನರ್ತಿಸಿ ನೆರೆದಿದ್ದವರ ಗಮನ ಸೆಳೆದರು.
ಫೈನಲ್ ಪಂದ್ಯದಲ್ಲಿ ಅರ್ಜೆಂಟೀನಾ ವಿರುದ್ಧ 1-0 ಅಂತರದ ರೋಚಕ ಗೆಲುವು ಸಾಧಿಸಿ ಸ್ಪೇನ್ ಎರಡನೇ ಬಾರಿಗೆ ವಿಶ್ವಕಪ್ ಮುಡಿಗೇರಿಸಿಕೊಂಡಿತ್ತು. ಈ ಐತಿಹಾಸಿಕ ಗೆಲುವಿನ ಸಂಭ್ರಮಾಚರಣೆಯಲ್ಲಿ ಕ್ರೀಡೆ ಹಾಗೂ ಡಿಜಿಟಲ್ ಜಗತ್ತಿನ ಇಬ್ಬರು ಸೂಪರ್ಸ್ಟಾರ್ಗಳು ಒಂದೇ ವೇದಿಕೆಯಲ್ಲಿ ಕಳೆಗಟ್ಟಿದ್ದು ಅಭಿಮಾನಿಗಳಿಗೆ ವಿಶೇಷ ದೃಶ್ಯ ವೈಭವ ನೀಡಿದೆ.
IShowSpeed was Seen Dancing to Michael Jackson’s “Beat It” at Justin Bieber’s World Cup Afterparty! 🕺🔥 pic.twitter.com/lyWPPn1tQ5
— Speedy Updates (@SpeedUpdates1) July 22, 2026
