ಇಂದಿನ ಕಾಲದಲ್ಲಿ ಸ್ಮಾರ್ಟ್‌ಫೋನ್ ನಮ್ಮ ಜೀವನದ ಅವಿಭಾಜ್ಯ ಅಂಗವಾಗಿದೆ. ಆದರೆ, ಅನೇಕ ಜನರು ಬೆಳಿಗ್ಗೆ ಎದ್ದ ತಕ್ಷಣ ಕಣ್ಣು ಸರಿಯಾಗಿ ಬಿಡುವ ಮೊದಲೇ ಮೊಬೈಲ್ ಹಿಡಿದು ‘ರೀಲ್ಸ್ ಸ್ಕ್ರೋಲಿಂಗ್’ ಮಾಡುವುದನ್ನು ಅಭ್ಯಾಸ ಮಾಡಿಕೊಂಡಿದ್ದಾರೆ. ಕೇವಲ 15 ನಿಮಿಷ ಎಂದು ಶುರುಮಾಡುವ ಈ ಹವ್ಯಾಸ ಗಂಟೆಗಟ್ಟಲೆ ಸಮಯವನ್ನು ವ್ಯರ್ಥ ಮಾಡುತ್ತಿದೆ.
ಏನಿದು ಡಿಜಿಟಲ್ ವ್ಯಸನ ? : ಬೆಳಿಗ್ಗೆ ಎದ್ದ ಕೂಡಲೇ ಇನ್‌ಸ್ಟಾಗ್ರಾಮ್ ಅಥವಾ ಯೂಟ್ಯೂಬ್ ರೀಲ್ಸ್ ನೋಡುವುದು ನಿಮ್ಮ ಆರೋಗ್ಯದ ಮೇಲೆ ಗಂಭೀರ ಪರಿಣಾಮ ಬೀರುತ್ತದೆ. ತಜ್ಞರ ಪ್ರಕಾರ ಇದು ಒಂದು ರೀತಿಯ ‘ಡಿಜಿಟಲ್ ವ್ಯಸನ’. ಇದರಿಂದ ಬೆಳಿಗ್ಗೆ ಮಾಡಬೇಕಾದ ಪ್ರಮುಖ ಕೆಲಸಗಳು ವಿಳಂಬವಾಗುವುದಲ್ಲದೆ, ಇಡೀ ದಿನ ಮಾನಸೀಕ ಆಯಾಸ ಉಂಟಾಗುತ್ತದೆ.
ಈ ಅಭ್ಯಾಸ ಏಕೆ ಅಪಾಯಕಾರಿ ?
ನಾವು ರೀಲ್ಸ್ ನೋಡುತ್ತಿರುವಾಗ ನಮ್ಮ ಮೆದುಳಿಗೆ ತಕ್ಷಣದ ಮನರಂಜನೆ (Instant Gratification) ಸಿಗುತ್ತದೆ. ಇದರಿಂದ ಮೆದುಳಿನಲ್ಲಿ ಡೋಪಮೈನ್ ಎಂಬ ರಾಸಾಯನಿಕ ಬಿಡುಗಡೆಯಾಗಿ, ನಾವು ಮತ್ತಷ್ಟು ರೀಲ್ಸ್ ನೋಡುವಂತೆ ಪ್ರೇರೇಪಿಸುತ್ತದೆ. ಇದರ ಪರಿಣಾಮವಾಗಿ:
- ಬೆಳಿಗ್ಗೆಯೇ ಮೆದುಳು ಆಯಾಸಗೊಳ್ಳುತ್ತದೆ.
- ದಿನವಿಡೀ ಏಕಾಗ್ರತೆ (Concentration) ಕಡಿಮೆಯಾಗುತ್ತದೆ.
- ಮಾನಸಿಕ ಮತ್ತು ದೈಹಿಕ ಆರೋಗ್ಯ ಕ್ಷೀಣಿಸುತ್ತದೆ.
ಪರಿಹಾರವೇನು? (ಡಿಜಿಟಲ್ ಡಿಟಾಕ್ಸ್):
ಈ ವ್ಯಸನದಿಂದ ಹೊರಬರಲು ಮತ್ತು ನಿಮ್ಮ ಬೆಳಿಗ್ಗೆಯನ್ನು ಉತ್ಸಾಹಭರಿತವಾಗಿಸಲು ‘ಡಿಜಿಟಲ್ ಡಿಟಾಕ್ಸ್’ ಅನುಸರಿಸಲು ತಜ್ಞರು ಸಲಹೆ ನೀಡುತ್ತಾರೆ:
- ಬೆಳಿಗ್ಗೆ ಫೋನ್‌ನಿಂದ ದೂರವಿರಿ: ಎದ್ದ ತಕ್ಷಣ ಕನಿಷ್ಠ ಒಂದು ಗಂಟೆ ಫೋನ್ ಮುಟ್ಟಬೇಡಿ.
- ಹವ್ಯಾಸ ಬದಲಿಸಿ: ಫೋನ್ ಬದಲಿಗೆ ಯೋಗ, ಧ್ಯಾನ ಅಥವಾ ಪುಸ್ತಕ ಓದುವ ಅಭ್ಯಾಸ ಮಾಡಿಕೊಳ್ಳಿ.
- ಅಲಾರಾಂ ಕ್ಲಾಕ್ ಬಳಸಿ: ಮೊಬೈಲ್‌ನಲ್ಲಿ ಅಲಾರಾಂ ಇಡುವ ಬದಲು ಸಾಮಾನ್ಯ ಗಡಿಯಾರ ಬಳಸಿ, ಇದರಿಂದ ಫೋನ್ ಪಕ್ಕದಲ್ಲಿ ಇಡುವ ಅವಶ್ಯಕತೆ ಇರುವುದಿಲ್ಲ.
ನಿಮ್ಮ ಮೆದುಳನ್ನು ಹ್ಯಾಕ್ ಮಾಡುತ್ತಿರುವ ಈ ಡಿಜಿಟಲ್ ಬಲೆಯಿಂದ ಹೊರಬಂದು, ದಿನವನ್ನು ಆರೋಗ್ಯಕರವಾಗಿ ಆರಂಭಿಸಿ.
