ಬೆಂಗಳೂರು: ಕಳೆದ ಒಂದು ವಾರದಿಂದ ಸತತ ಕುಸಿತ ಕಂಡು ಹೂಡಿಕೆದಾರರಲ್ಲಿ ನಿಟ್ಟುಸಿರು ಬಿಡುವಂತೆ ಮಾಡಿದ್ದ ಚಿನ್ನದ ಬೆಲೆ, ಇದೀಗ ದಿಢೀರ್ ಏರಿಕೆ ಕಂಡು ಶಾಕ್ ನೀಡಿದೆ. ಮಧ್ಯಪ್ರಾಚ್ಯದಲ್ಲಿ ತೀವ್ರಗೊಂಡಿರುವ ಇರಾನ್ ಮತ್ತು ಅಮೆರಿಕಾ ನಡುವಿನ ಸಂಘರ್ಷದ ಕರಿನೆರಳು ಇದೀಗ ನೇರವಾಗಿ ಅಮೂಲ್ಯ ಲೋಹಗಳ ಮೇಲೆ ಬಿದ್ದಿದೆ. ಇಂದು ಅಂದರೆ ಮಾರ್ಚ್ 17ರ ಮಂಗಳವಾರ, ಬಂಗಾರ ಮತ್ತು ಬೆಳ್ಳಿ ಬೆಲೆ ಏಕಾಏಕಿ ಏರಿಕೆ ಕಾಣುವ ಮೂಲಕ ಮಾರುಕಟ್ಟೆಯಲ್ಲಿ ಹೊಸ ಸಂಚಲನ ಮೂಡಿಸಿವೆ.ಪ್ರತಿ 10 ಗ್ರಾಂ ಚಿನ್ನದ ಮೇಲೆ ಬರೋಬ್ಬರಿ 1,200 ರೂ. ಏರಿಕೆಯಾಗಿದೆ.
ಬೆಲೆ ಏರಿಕೆಗೆ ಅಸಲಿ ಕಾರಣವೇನು?
ಜಾಗತಿಕ ಮಾರುಕಟ್ಟೆಯಲ್ಲಿನ ಅನಿಶ್ಚಿತತೆ ಮತ್ತು ಭೌಗೋಳಿಕ ರಾಜಕೀಯ ಬದಲಾವಣೆಗಳು ಈ ಬೆಲೆ ಏರಿಕೆಯ ಹಿಂದಿನ ಪ್ರಮುಖ ಶಕ್ತಿಗಳಾಗಿವೆ.
ಯುದ್ಧದ ಭೀತಿ: ಇರಾನ್-ಅಮೆರಿಕಾ ಸಂಘರ್ಷದಿಂದಾಗಿ ಕಚ್ಚಾ ತೈಲ ಬೆಲೆ ಏರಿಕೆಯಾಗುತ್ತಿದೆ. ಇಂತಹ ಅನಿಶ್ಚಿತ ಸಮಯದಲ್ಲಿ ಹೂಡಿಕೆದಾರರು ಷೇರು ಮಾರುಕಟ್ಟೆಗಿಂತ ಚಿನ್ನವನ್ನೇ ಸುರಕ್ಷಿತ ಹೂಡಿಕೆ (Safe Haven) ಎಂದು ನಂಬುತ್ತಿದ್ದಾರೆ.
ಡಾಲರ್ ಪ್ರಭಾವ: ಈ ಹಿಂದೆ ಡಾಲರ್ ಮೌಲ್ಯ ಹೆಚ್ಚಾದಾಗ ಚಿನ್ನದ ಬೆಲೆ ಇಳಿಕೆಯಾಗಿತ್ತು. ಆದರೆ ಈಗ ಯುದ್ಧದ ತೀವ್ರತೆಯಿಂದಾಗಿ ಹೂಡಿಕೆದಾರರು ಬಂಗಾರದ ಮೇಲೆ ಮುಗಿಬೀಳುತ್ತಿರುವುದು ಬೆಲೆ ಹೆಚ್ಚಳಕ್ಕೆ ಕಾರಣವಾಗಿದೆ.
ಇಂದಿನ ದರ ಎಷ್ಟು? (ಮಾರ್ಚ್ 17, ಮಂಗಳವಾರ)
ಕಳೆದ ವಾರವಿಡೀ ಇಳಿಕೆಯ ಹಾದಿಯಲ್ಲಿದ್ದ ಚಿನ್ನ, ಇಂದು ದಿಢೀರ್ ಚೇತರಿಕೆ ಕಂಡಿದೆ. ಕೇವಲ ಚಿನ್ನ ಮಾತ್ರವಲ್ಲದೆ ಕೈಗಾರಿಕಾ ಲೋಹವಾದ ಬೆಳ್ಳಿಯ ದರದಲ್ಲೂ ಭಾರಿ ಏರಿಕೆ ಕಂಡುಬಂದಿದೆ. ಮಾರುಕಟ್ಟೆಯ ಮೂಲಗಳ ಪ್ರಕಾರ, ಹೂಡಿಕೆದಾರರು ಈಗ ಚಿನ್ನ ಮತ್ತು ಬೆಳ್ಳಿಯನ್ನು ಖರೀದಿಸಲು ಹೆಚ್ಚಿನ ಆಸಕ್ತಿ ತೋರುತ್ತಿದ್ದಾರೆ.
ಬೆಳ್ಳಿ ಬೆಲೆ: ಭಾರತದಲ್ಲಿ ಇಂದು ಬೆಳ್ಳಿ ದರವೂ ಭಾರೀ ಏರಿಕೆಯಾಗಿದೆ. 1 ಗ್ರಾಂ ಬೆಳ್ಳಿ ಬೆಲೆ ₹275 ರೂ. ಆಗಿದ್ದು, ನಿನ್ನೆಗಿಂತ ಇಂದು ಪ್ರತೀ ಗ್ರಾಂನಲ್ಲಿ 5 ರೂ. ಹೆಚ್ಚಳವಾಗಿದೆ.
ಇಂದಿನ 24 ಕ್ಯಾರೆಟ್ (24K) ಚಿನ್ನದ ದರ ಪಟ್ಟಿ (ಮಾರ್ಚ್ 17, 2026)
1 ಗ್ರಾಂ -₹15,862
8 ಗ್ರಾಂ-₹1,26,896
10 ಗ್ರಾಂ – ₹1,58,620
100 ಗ್ರಾಂ ₹15,86,200
ಭಾರತದ ವಿವಿಧ ನಗರಗಳಲ್ಲಿ 24K ಚಿನ್ನದ ಬೆಲೆ:
ಚೆನ್ನೈ: ₹15,982
ಮುಂಬೈ: ₹15,862
ದೆಹಲಿ: ₹15,877
ಕೋಲ್ಕತ್ತಾ: ₹15,862
ಬೆಂಗಳೂರು: ₹15,862
ಹೈದರಾಬಾದ್: ₹15,862
ಕೇರಳ: ₹15,862
ಪುಣೆ: ₹15,862
ವಡೋದರಾ: ₹15,867
ಅಹಮದಾಬಾದ್: ₹15,867
