ದೇವಸ್ಥಾನಕ್ಕೆ ಹೋದಾಗ ನಾವೆಲ್ಲರೂ ಪ್ರದಕ್ಷಿಣೆ ಹಾಕುತ್ತೇವೆ. ಆದರೆ, ಎಷ್ಟು ಬಾರಿ ಸುತ್ತು ಬರಬೇಕು? ಯಾವ ಸಮಯದಲ್ಲಿ ಪ್ರದಕ್ಷಿಣೆ ಹಾಕಿದರೆ ಯಾವ ಲಾಭ ಸಿಗುತ್ತದೆ ಎಂಬುದು ನಿಮಗೆ ಗೊತ್ತೇ? ಶಾಸ್ತ್ರಗಳ ಪ್ರಕಾರ ಪ್ರದಕ್ಷಿಣೆ ಎಂಬುದು ಕೇವಲ ಆಚರಣೆಯಲ್ಲ, ಅದೊಂದು ಶರಣಾಗತಿಯ ಸಂಕೇತ. ಇದರ ಹಿಂದಿರುವ ಅಸಲಿ ಸತ್ಯಗಳು ಇಲ್ಲಿವೆ:
ಪ್ರದಕ್ಷಿಣೆ ಅಂದ್ರೆ ಏನು?
ಭಗವಂತನೇ ನಮ್ಮ ಬದುಕಿನ ಕೇಂದ್ರ ಬಿಂದು. ನಿನ್ನನ್ನು ಬಿಟ್ಟರೆ ನಮ್ಮನ್ನು ಕಾಯುವವರು ಯಾರೂ ಇಲ್ಲ, ನೀನು ತೋರಿಸಿದ ಹಾದಿಯಲ್ಲೇ ನಡೆಯುತ್ತೇವೆ ಎಂದು ದೇವರಿಗೆ ಸಲ್ಲಿಸುವ ಭಕ್ತಿಯ ಸಮರ್ಪಣೆಯೇ ಈ ಪ್ರದಕ್ಷಿಣೆ.
ಪ್ರದಕ್ಷಿಣೆಯ ಸಂಖ್ಯೆ – ಸಿಗುವ ಫಲ:
ನೀವು ಮಾಡುವ ಒಂದೊಂದು ಪ್ರದಕ್ಷಿಣೆಗೂ ಅದರದ್ದೇ ಆದ ವಿಶೇಷ ಫಲವಿದೆ ಎಂದು ಆಧ್ಯಾತ್ಮಿಕ ಶಾಸ್ತ್ರಗಳು ಹೇಳುತ್ತವೆ:
5 ಪ್ರದಕ್ಷಿಣೆ: ಕೆಲಸ ಕಾರ್ಯಗಳಲ್ಲಿ ಜಯ ಸಿಗುತ್ತದೆ.
7 ಪ್ರದಕ್ಷಿಣೆ: ಶತ್ರುಗಳನ್ನು ಪರಾಜಯಗೊಳಿಸುವ ಶಕ್ತಿ ಬರುತ್ತದೆ.
9 ಪ್ರದಕ್ಷಿಣೆ: ಸಂತಾನ ಪ್ರಾಪ್ತಿಯಾಗುತ್ತದೆ ಎಂಬ ನಂಬಿಕೆಯಿದೆ.
11 ಪ್ರದಕ್ಷಿಣೆ: ಆಯಸ್ಸು ವೃದ್ಧಿಯಾಗುತ್ತದೆ ಮತ್ತು ದೀರ್ಘಾಯುಷ್ಯ ಲಭಿಸುತ್ತದೆ.
ಸಮಯದ ಮಹತ್ವ – ಯಾವಾಗ ಮಾಡಿದರೆ ಏನು ಲಾಭ?
ದೇವಸ್ಥಾನಕ್ಕೆ ನೀವು ಹೋಗುವ ಸಮಯದ ಮೇಲೆ ಅದರ ಫಲಗಳು ಬದಲಾಗುತ್ತವೆ:
ಬೆಳಗಿನ ಜಾವ: ರೋಗ ನಿವಾರಣೆಯಾಗಿ ಆರೋಗ್ಯ ಲಭಿಸುತ್ತದೆ.
ಮಧ್ಯಾಹ್ನ: ನಿಮ್ಮ ಮನಸ್ಸಿನ ಇಷ್ಟಾರ್ಥಗಳು ಸಿದ್ಧಿಯಾಗುತ್ತವೆ.
ಸಂಜೆ: ದಿನವಿಡೀ ಮಾಡಿದ ಪಾಪಗಳು ದೂರವಾಗುತ್ತವೆ.
ರಾತ್ರಿ: ಆತ್ಮಕ್ಕೆ ಶಾಂತಿ ಸಿಗುತ್ತದೆ ಮತ್ತು ಮೋಕ್ಷ ಸಿದ್ಧಿಯಾಗುತ್ತದೆ.
ದೇವರು ಮತ್ತು ಪ್ರದಕ್ಷಿಣೆಗಳ ಸಂಖ್ಯೆ
ಭೈರವ – 3 ಪ್ರದಕ್ಷಿಣೆಗಳು
ಶನಿ ದೇವ – 7 ಪ್ರದಕ್ಷಿಣೆಗಳು
ಹನುಮಾನ್ – 3 ಪ್ರದಕ್ಷಿಣೆಗಳು •
ಗಣೇಶ – 3 ಪ್ರದಕ್ಷಿಣೆಗಳು
ಅಶ್ವತ್ಥ ಮರ (ಪೀಪಲ್ ಟ್ರೀ) – 7 ಪ್ರದಕ್ಷಿಣೆಗಳು
ಕೃಷ್ಣ – 4 ಪ್ರದಕ್ಷಿಣೆಗಳು
ವಿಷ್ಣು – 4 ಪ್ರದಕ್ಷಿಣೆಗಳು
ಶ್ರೀರಾಮ – 4 ಪ್ರದಕ್ಷಿಣೆಗಳು
ದುರ್ಗಾ ಮಾತೆ – 1 ಪ್ರದಕ್ಷಿಣೆ
ಶಿವ (ಶಿವಲಿಂಗ) – ಅರ್ಧ ಪ್ರದಕ್ಷಿಣೆ
ದೇವಸ್ಥಾನದಲ್ಲಿ ಪ್ರದಕ್ಷಿಣೆ ಮಾಡುವ ಸರಿಯಾದ ಕ್ರಮ ಯಾವುದು?
ಬಲದಿಂದ ಆರಂಭ: ಪ್ರದಕ್ಷಿಣೆಯನ್ನು ಯಾವಾಗಲೂ ತನ್ನ ಬಲಭಾಗದಿಂದಲೇ ಆರಂಭಿಸಬೇಕು. ಗರ್ಭಗುಡಿಯಲ್ಲಿರುವ ದೈವವು ಸದಾ ನಮ್ಮ ಬಲಕ್ಕೆ ಇರುವಂತೆ ಸುತ್ತುವರಿದು, ಎಡಗೈ ದಿಕ್ಕಿನ ಮೂಲಕ ಪೂರ್ಣಗೊಳಿಸಬೇಕು. ಇದನ್ನು ‘ಸವ್ಯ’ ಅಥವಾ ‘ಪ್ರದಕ್ಷಿಣಾ’ ಪಥ ಎನ್ನಲಾಗುತ್ತದೆ.
ದೈವಿಕ ಶಕ್ತಿಯ ಸಂಚಲನ:
ಧನಾತ್ಮಕ ಶಕ್ತಿ: ನಂಬಿಕೆಗಳ ಪ್ರಕಾರ, ಗರ್ಭಗುಡಿಯಲ್ಲಿರುವ ವಿಗ್ರಹದ ಸುತ್ತಲೂ ಅಪಾರವಾದ ದೈವಿಕ ಸೆಳವು (Divine Aura) ಇರುತ್ತದೆ. ನಾವು ಪ್ರದಕ್ಷಿಣೆ ಹಾಕುವಾಗ ಈ ಧನಾತ್ಮಕ ಶಕ್ತಿಯು ನಮ್ಮ ದೇಹವನ್ನು ಪ್ರವೇಶಿಸಿ, ಮನಸ್ಸಿಗೆ ಶಾಂತಿ ನೀಡುತ್ತದೆ.
ಏಕಾಗ್ರತೆ: ನಿಧಾನವಾಗಿ, ದೇವರ ನಾಮಸ್ಮರಣೆ ಮಾಡುತ್ತಾ ಪ್ರದಕ್ಷಿಣೆ ಮಾಡುವುದರಿಂದ ಮನಸ್ಸಿನ ಚಂಚಲತೆ ಕಡಿಮೆಯಾಗಿ ಅಧ್ಯಾತ್ಮಿಕ ಉನ್ನತಿ ಸಾಧ್ಯವಾಗುತ್ತದೆ.
