ನವದೆಹಲಿ: ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆಯ (EPFO) ಲಕ್ಷಾಂತರ ಚಂದಾದಾರರಿಗೆ ಕೇಂದ್ರ ಸರ್ಕಾರವು ಬಂಪರ್ ಕೊಡುಗೆ ನೀಡಿದೆ. ವಿವಿಧ ಕಾರಣಗಳಿಂದಾಗಿ ಕ್ಲೈಮ್ ಮಾಡಲಾಗದೆ ಪಿಎಫ್ ಖಾತೆಗಳಲ್ಲಿ ಸ್ಥಗಿತಗೊಂಡಿರುವ (Unclaimed/Inactive) ಬರೋಬ್ಬರಿ 10,903 ಕೋಟಿ ರೂಪಾಯಿಗಳನ್ನು ನೇರವಾಗಿ ಚಂದಾದಾರರ ಬ್ಯಾಂಕ್ ಖಾತೆಗಳಿಗೆ ಮರುಪಾವತಿ (Refund) ಮಾಡಲು ಕೇಂದ್ರ ಕಾರ್ಮಿಕ ಇಲಾಖೆ ಮಹತ್ವದ ನಿರ್ಧಾರ ಕೈಗೊಂಡಿದೆ. ಈ ಕ್ರಮದಿಂದ ದೇಶದ ಸುಮಾರು 31 ಲಕ್ಷಕ್ಕೂ ಅಧಿಕ ನೌಕರರಿಗೆ ನೇರ ಲಾಭವಾಗಲಿದ್ದು, ಪಿಎಫ್ ಹಣ ಪಡೆಯುವ ಪ್ರಕ್ರಿಯೆಯನ್ನು ಇತಿಹಾಸದಲ್ಲೇ ಮೊದಲ ಬಾರಿಗೆ ದಾಖಲೆಗಳಿಲ್ಲದೆಯೇ ಸರಳಗೊಳಿಸಲಾಗಿದೆ.
ಹೌದು. ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (EPFO) ಖಾತೆದಾರರಿಗೆ ಕೇಂದ್ರ ಸರ್ಕಾರ ಭರ್ಜರಿ ಸಿಹಿ ಸುದ್ದಿ ನೀಡಿದೆ. ಹಲವು ವರ್ಷಗಳಿಂದ ಕ್ಲೈಮ್ ಮಾಡದ ಅಥವಾ ಸ್ಥಗಿತಗೊಂಡಿರುವ (Unclaimed/Inactive) ಪಿಎಫ್ ಖಾತೆಗಳಲ್ಲಿರುವ ಹಣವನ್ನು ನೇರವಾಗಿ ಚಂದಾದಾರರ ಬ್ಯಾಂಕ್ ಖಾತೆಗೆ ಮರುಪಾವತಿ (Refund) ಮಾಡಲು ಕೇಂದ್ರ ಕಾರ್ಮಿಕ ಇಲಾಖೆ ನಿರ್ಧರಿಸಿದೆ. ಸೋಮವಾರ ನಡೆದ ಪರಿಶೀಲನಾ ಸಭೆಯಲ್ಲಿ ಕೇಂದ್ರ ಕಾರ್ಮಿಕ ಸಚಿವ ಮನ್ಸುಖ್ ಮಾಂಡವೀಯ ಈ ಪ್ರಮುಖ ಘೋಷಣೆ ಮಾಡಿದ್ದಾರೆ.
ಯಾರಿಗೆ ಲಾಭ?: ಸತತ 3 ವರ್ಷಗಳಿಂದ ಯಾವುದೇ ವಂತಿಗೆ (Contribution) ಪಾವತಿಸದ ಅಥವಾ ಕ್ಲೈಮ್ ಮಾಡದ ಕಾರಣ ‘ಇನಾಕ್ಟಿವ್’ ಆಗಿರುವ ಖಾತೆದಾರರಿಗೆ ಇದರ ಪ್ರಯೋಜನ ಸಿಗಲಿದೆ. ಸುಮಾರು 31 ಲಕ್ಷ ಮಂದಿಗೆ ಇದರಿಂದ ಲಾಭವಾಗಲಿದೆ.
ಮೊದಲ ಹಂತ: ಮೊದಲ ಹಂತದಲ್ಲಿ ಪೈಲಟ್ ಪ್ರಾಜೆಕ್ಟ್ ಆಗಿ ₹1000 ಕ್ಕಿಂತ ಕಡಿಮೆ ಹಣವಿರುವ ಸುಮಾರು 7.11 ಲಕ್ಷ ಖಾತೆಗಳನ್ನು ಇತ್ಯರ್ಥಪಡಿಸಲಾಗುವುದು. ಇವುಗಳಲ್ಲಿ ಒಟ್ಟು ₹30.52 ಕೋಟಿ ಹಣವಿದೆ.
ಒಟ್ಟು ಮೊತ್ತ: ಪ್ರಸ್ತುತ ದೇಶದಲ್ಲಿ ಸುಮಾರು 31.86 ಲಕ್ಷ ಇನಾಕ್ಟಿವ್ ಪಿಎಫ್ ಖಾತೆಗಳಿದ್ದು, ಅವುಗಳಲ್ಲಿ ಬರೋಬ್ಬರಿ ₹10,903 ಕೋಟಿ ಹಣ ಬಾಕಿ ಉಳಿದಿದೆ. ಇದನ್ನು ಹಂತ ಹಂತವಾಗಿ ಹಿಂದಿರುಗಿಸಲಾಗುತ್ತದೆ.
ಯಾವುದೇ ದಾಖಲೆ ಬೇಕಿಲ್ಲ: ಈ ಮರುಪಾವತಿ ಪಡೆಯಲು ಯಾವುದೇ ವಿಶೇಷ ದಾಖಲೆ ಸಲ್ಲಿಸುವ ಅಗತ್ಯವಿಲ್ಲ. ಆದರೆ, ನಿಮ್ಮ ಪಿಎಫ್ ಖಾತೆಗೆ ಆಧಾರ್ ಮತ್ತು ಬ್ಯಾಂಕ್ ಖಾತೆ లింಕ್ ಆಗಿರುವುದು ಕಡ್ಡಾಯ. ಇಂತಹ ಅಭ್ಯರ್ಥಿಗಳಿಗೆ ಆಟೋಮ್ಯಾಟಿಕ್ ಆಗಿ ಹಣ ಜಮೆಯಾಗಲಿದೆ.
ಹೊಸ ತಂತ್ರಜ್ಞಾನ (EPFO 3.0): ಇಪಿಎಫ್ಒ ವ್ಯವಸ್ಥೆಯನ್ನು ಸರಳಗೊಳಿಸಲಾಗುತ್ತಿದ್ದು, ಏಪ್ರಿಲ್ನಿಂದ UPI ಮೂಲಕ ಹಣ ಹಿಂಪಡೆಯುವ ಸೌಲಭ್ಯ ಬರಲಿದೆ. ಮುಂದಿನ ದಿನಗಳಲ್ಲಿ ATM ಮೂಲಕವೂ ಪಿಎಫ್ ಹಣ ಪಡೆಯುವ ಅವಕಾಶ ಕಲ್ಪಿಸಲಾಗುವುದು ಎಂದು ಸಚಿವರು ತಿಳಿಸಿದ್ದಾರೆ.
- ಆಟೋಮ್ಯಾಟಿಕ್ ರಿಫಂಡ್: ಆಧಾರ್ ಮತ್ತು ಬ್ಯಾಂಕ್ ಖಾತೆ ಲಿಂಕ್ ಆಗಿರುವವರಿಗೆ ಯಾವುದೇ ಅರ್ಜಿ ಇಲ್ಲದೆ ಹಣ ಜಮೆಯಾಗಲಿದೆ.
- ಹಂತ-ಹಂತವಾಗಿ ಹಣ: ಮೊದಲ ಹಂತದಲ್ಲಿ 1000 ರೂ. ಒಳಗಿನ ಬಾಕಿ ಇರುವ 7.11 ಲಕ್ಷ ಖಾತೆದಾರರಿಗೆ ಹಣ ಸಿಗಲಿದೆ.
- EPFO 3.0 ಕ್ರಾಂತಿ: ಇನ್ಮುಂದೆ ಯುಪಿಐ (UPI) ಮತ್ತು ಎಟಿಎಂ ಮೂಲಕವೂ ಪಿಎಫ್ ಹಣ ಪಡೆಯುವ ಸೌಲಭ್ಯ ಶೀಘ್ರವೇ ಲಭ್ಯವಾಗಲಿದೆ
ಗಮನಿಸಿ: ನಿಮ್ಮ ಪಿಎಫ್ ಖಾತೆ ಇನಾಕ್ಟಿವ್ ಆಗಿದ್ದರೆ, ಕೂಡಲೇ ಕೆವೈಸಿ (KYC) ಅಪ್ಡೇಟ್ ಆಗಿದೆಯೇ ಎಂದು ಒಮ್ಮೆ ಪರಿಶೀಲಿಸಿಕೊಳ್ಳುವುದು ಉತ್ತಮ.
