ನವದೆಹಲಿ: ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ತಮ್ಮ ಸತತ 9ನೇ ಬಜೆಟ್ ಮಂಡಿಸಿದ್ದು, ಭಾರತವನ್ನು ಸ್ವಾವಲಂಬಿಯನ್ನಾಗಿ ಮಾಡಲು ಮತ್ತು ಸಣ್ಣ ಉದ್ಯಮಿಗಳ ಕೈಹಿಡಿಯಲು ದೊಡ್ಡ ಘೋಷಣೆಗಳನ್ನು ಮಾಡಿದ್ದಾರೆ. ಆತ್ಮನಿರ್ಭರ ಭಾರತದ ಕನಸಿಗೆ ಈ ಬಾರಿ ಭಾರಿ ಹಣಕಾಸಿನ ಶಕ್ತಿ ತುಂಬಲಾಗಿದೆ.
₹2,000 ಕೋಟಿಯಲ್ಲಿ ಆತ್ಮನಿರ್ಭರ ಸಂಕಲ್ಪ
ದೇಶೀಯ ಉತ್ಪಾದನೆಯನ್ನು ಉತ್ತೇಜಿಸಲು ಮತ್ತು ಆಮದು ಅವಲಂಬನೆಯನ್ನು ತಗ್ಗಿಸಲು ಆತ್ಮನಿರ್ಭರ ಭಾರತ ಯೋಜನೆಗೆ ₹2,000 ಕೋಟಿ ಮೀಸಲಿಡಲಾಗಿದೆ. ಇದು ದೇಶೀಯ ಕೈಗಾರಿಕೆಗಳಿಗೆ ಹೊಸ ಚೈತನ್ಯ ನೀಡಲಿದೆ.
ಭವಿಷ್ಯದ ಚಾಂಪಿಯನ್ಸ್ಗೆ ₹10,000 ಕೋಟಿ
ಯುವ ಉದ್ಯಮಿಗಳು ಮತ್ತು ಹೊಸ ಆವಿಷ್ಕಾರಗಳನ್ನು ಉತ್ತೇಜಿಸಲು ಸರ್ಕಾರ ₹10,000 ಕೋಟಿ ಅನುದಾನ ಘೋಷಿಸಿದೆ. ದೇಶದ ‘ಭವಿಷ್ಯದ ಚಾಂಪಿಯನ್’ಗಳನ್ನು (ಸ್ಟಾರ್ಟ್ಅಪ್ಗಳು ಮತ್ತು ನವೀನ ಉದ್ದಿಮೆಗಳು) ಜಾಗತಿಕ ಮಟ್ಟಕ್ಕೆ ಬೆಳೆಸುವುದು ಇದರ ಗುರಿ.
ಟೀಯರ್-2 ಮತ್ತು ಟೀಯರ್-3 ನಗರಗಳ ಕಾಯಕಲ್ಪ
ಕೇವಲ ಮೆಟ್ರೋ ನಗರಗಳಲ್ಲದೆ, ಚಿಕ್ಕ ನಗರಗಳೂ (Tier 2 & 3) ಆರ್ಥಿಕ ಕೇಂದ್ರಗಳಾಗಬೇಕು ಎಂಬ ಉದ್ದೇಶದಿಂದ ಸರ್ಕಾರ ವಿಶೇಷ ಕ್ರಮಗಳನ್ನು ಕೈಗೊಂಡಿದೆ. ಮೂಲಸೌಕರ್ಯ ಮತ್ತು ಉದ್ಯೋಗ ಸೃಷ್ಟಿಗೆ ಇಲ್ಲಿ ಹೆಚ್ಚಿನ ಆದ್ಯತೆ ನೀಡಲಾಗುತ್ತದೆ.
ಖಾದಿ ಮತ್ತು ಕರಕುಶಲಕ್ಕೆ ಜಾಗತಿಕ ಬ್ರ್ಯಾಂಡಿಂಗ್
ನಮ್ಮ ದೇಶದ ಸಾಂಪ್ರದಾಯಿಕ ಕಲೆಗಳಿಗೆ ಸರ್ಕಾರ ಹೊಸ ಜೀವ ನೀಡಿದೆ.ಖಾದಿ ಮತ್ತು ಕರಕುಶಲ ವಸ್ತುಗಳ ಉತ್ಪಾದನೆಯಲ್ಲಿ ಆಧುನಿಕ ತಂತ್ರಜ್ಞಾನ ಮತ್ತು ಕೌಶಲ್ಯ ತರಬೇತಿ.ಸ್ಥಳೀಯ ಉತ್ಪನ್ನಗಳನ್ನು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಬ್ರ್ಯಾಂಡಿಂಗ್ ಮಾಡಲು ಕೇಂದ್ರ ಸರ್ಕಾರ ನೇರ ನೆರವು ನೀಡಲಿದೆ.
