ಮುಂಬೈ: ನಾವು ಇಂದು ಮೊಬೈಲ್ ಪರದೆಯ ಮೂಲಕ ಆಹಾರ ಆರ್ಡರ್ ಮಾಡುತ್ತೇವೆ, ಡಿಜಿಟಲ್ ಪಾವತಿ ಮಾಡುತ್ತೇವೆ ಮತ್ತು ಡೆಲಿವರಿ ಬಾಯ್ ಎಲ್ಲಿದ್ದಾನೆ ಎಂದು ಮ್ಯಾಪ್‌ನಲ್ಲಿ ನೋಡುತ್ತೇವೆ. ಈ ಇಡೀ ಪ್ರಕ್ರಿಯೆಯಲ್ಲಿ ಆಹಾರ ತಯಾರಿಸುವ ಮನುಷ್ಯರಿದ್ದಾರೆ ಎಂಬ ವಿಷಯವನ್ನೇ ಮರೆತುಬಿಡುತ್ತೇವೆ. ಆದರೆ ಮುಂಬೈನ ವ್ಯಕ್ತಿಯೊಬ್ಬರು ಆರ್ಡರ್ ಮಾಡಿದ ಆಹಾರದ ಪಾರ್ಸೆಲ್ ಒಳಗಿದ್ದ ಒಂದು ಸಣ್ಣ ‘Sticky Note’ ಆ ಯಾಂತ್ರಿಕತೆಗೆ ಮನುಷ್ಯತ್ವದ ಸ್ಪರ್ಶ ನೀಡಿದೆ.
ಟಿನೊಪ್ಪಣಿಯಲ್ಲೇನಿತ್ತು? ಆ ಹಸ್ತಪ್ರತಿ ಟಿಪ್ಪಣಿಯಲ್ಲಿ ಹೋಟೆಲ್ ಹೀಗೆ ಬರೆದಿತ್ತು: “ನಮ್ಮಲ್ಲಿ ಆರ್ಡರ್ ಮಾಡಿದ್ದಕ್ಕಾಗಿ ಧನ್ಯವಾದಗಳು. ನಾವು ಈ ಆಹಾರವನ್ನು ಪ್ರೀತಿ ಮತ್ತು ಕಾಳಜಿಯಿಂದ ತಯಾರಿಸಿದ್ದೇವೆ. ದಯವಿಟ್ಟು ಸ್ವಿಗ್ಗಿ ಮತ್ತು ಝೋಮ್ಯಾಟೋ ಆ್ಯಪ್‌ನಲ್ಲಿ ನಮಗೆ 5 ಸ್ಟಾರ್ ರೇಟಿಂಗ್ ನೀಡುವ ಮೂಲಕ ನಮಗೆ ಸಹಾಯ ಮಾಡಿ.“
ಮನಗೆದ್ದ ‘ಹ್ಯೂಮನ್ ಟಚ್’: ಈ ಘಟನೆಯನ್ನು ಲಿಂಕ್ಡ್‌ಇನ್‌ನಲ್ಲಿ ಹಂಚಿಕೊಂಡಿರುವ ಗ್ರಾಹಕರು, ಇದನ್ನು ಗ್ರಾಹಕ ಸೇವೆಯ ‘ಮಾಸ್ಟರ್‌ಕ್ಲಾಸ್‘ ಎಂದು ಕರೆದಿದ್ದಾರೆ. ಇದರ ವಿಶೇಷತೆಗಳೆಂದರೆ:
ಶ್ರಮದ ಗೌರವ: ನೂರಾರು ಆರ್ಡರ್‌ಗಳಿಗೆ ಕೈಯಾರೆ ಬರೆಯುವುದು ಸುಲಭವಲ್ಲ. ಆ ಪ್ರಯತ್ನವೇ ಗ್ರಾಹಕರಿಗೆ ವಿಶೇಷ ಭಾವನೆ ಮೂಡಿಸುತ್ತದೆ.
ಗಮನ ಸೆಳೆಯುವ ರೀತಿ: ಆ್ಯಪ್ ನೋಟಿಫಿಕೇಶನ್‌ಗಳನ್ನು ನಾವು ನಿರ್ಲಕ್ಷಿಸುತ್ತೇವೆ, ಆದರೆ ಆಹಾರದ ಮೇಲಿರುವ ಸಣ್ಣ ಚೀಟಿಯನ್ನು ಯಾರೂ ನಿರ್ಲಕ್ಷಿಸುವುದಿಲ್ಲ.
ಸಂಬಂಧದ ಬೆಸುಗೆ: ಇದು ಕೇವಲ ವ್ಯವಹಾರವಾಗಿ ಉಳಿಯದೆ, ಗ್ರಾಹಕ ಮತ್ತು ಹೋಟೆಲ್ ನಡುವೆ ಒಂದು ಆತ್ಮೀಯ ಸಂಬಂಧವನ್ನು ಬೆಸೆಯುತ್ತದೆ.
ಈ ಸಣ್ಣ ಟಿಪ್ಪಣಿಯು ‘ಪರಸ್ಪರ ವಿನಿಮಯ’ (Law of Reciprocity) ನಿಯಮದಂತೆ ಕೆಲಸ ಮಾಡುತ್ತದೆ. ಹೋಟೆಲ್‌ನವರು ಪ್ರೀತಿಯಿಂದ ಬರೆದಿದ್ದಾರೆ ಎಂಬ ಕಾರಣಕ್ಕೇ ಗ್ರಾಹಕರಿಗೆ ಅವರಿಗೆ ರೇಟಿಂಗ್ ನೀಡಬೇಕು ಎನ್ನಿಸುತ್ತದೆ.
